शनिवार, 17 ऑक्टोबर 2026
(फोटो सौजन्य - x अकाउंट)
बॉलीवूड स्टार रणबीर कपूर सध्या ‘रामायण’ चित्रपटामुळे प्रसिद्धीच्या झोतात आहे. नितेश तिवारी यांच्या ‘रामायण’मध्ये अभिनेता रामाच्या भूमिकेत दिसणार आहे. अलिकडेच मुंबईत रणबीर क्लीन शेव्ह आणि डॅशिंग ट्रान्स्फर्मेशनमध्ये दिसला. रणबीरचा हा अवतार पाहून चाहते आश्चर्यचकित झाले. अभिनेत्याचा हा नवा लूक पाहून चाहत्यांनी संजय लीला भन्साळी यांच्या आगामी ‘लव्ह अँड वॉर’ चित्रपटाबद्दल चर्चा सुरू केली आहे. त्याच वेळी, काहींनी अभिनेत्याला त्याच्या नवीन क्लीन शेव्ह लूकमध्ये पाहिले आणि ‘वय फक्त एक संख्या आहे’ असे म्हणू लागले.
४० वर्षीय रणबीर कपूर पाहून चाहते २० वर्षीच्या रणबीर असे म्हणू लागले आहे. रणबीर कपूरने त्याचे वडील ऋषी कपूर आणि आजोबा राज कपूर यांच्यासारख्या प्रत्येक पात्रात जीवंतपणा आणला आहे, मग तो रोमँटिक असो किंवा अ‍ॅक्शन. अलीकडेच, त्याचा नवा लूक पाहून चाहत्यांनी त्याच्या आगामी ‘लव्ह अँड वॉर’ चित्रपटाबद्दल चर्चा सुरू केली आहे. काही चाहते विचारत आहेत की हा चित्रपटासाठीचा त्याचा नवा लूक आहे का? तसेच आता अभिनेत्याचा ‘रामायण’ हा चित्रपट लवकरच प्रेक्षकांच्या भेटीस येणार आहे.
View this post on Instagram
अभिनेत्याचा डॅशिंग लूक आता सोशल मीडियावर व्हायरल होत आहे. ज्यामध्ये रणबीर कॅज्युअल लाल टी-शर्ट आणि निळ्या रंगाची टोपी आणि जीन्सवर दिसत आहे. यादरम्यान, तो पॅप्ससोबत हसताना आणि विनोद करतानाही दिसला. त्याने पॅप्ससोबत एक फोटोही काढला. तसेच एका चाहत्याला फोटो काढताना त्याची टोपी देखील घेतली.
रणबीरमध्ये एक मोठे ट्रान्स्फर्मेशन दिसून आले, काही चाहत्यांना त्याला पाहिल्यानंतर ‘वेक अप सिड’ च्या दिवसांची आठवण झाली. एकाने लिहिले- ‘४० च्या दशकात वेक अप सिड ट्रान्सफॉर्मेशन. अविश्वसनीय.’ दुसऱ्याने लिहिले- ‘तो २० वर्षांचा दिसतोय! खूप गोंडस.’ दुसऱ्या वापरकर्त्याने लिहिले- ‘तो कॉलेजमधून बाहेर पडलेल्या मुलासारखा दिसतोय.’ असे लिहून अभिनेत्याच्या अनेक चाहत्यांनी त्याचे कौतुक केले आहे.
त्याच वेळी, प्रेक्षक संजय लीला भन्साळी यांच्या आगामी ‘लव्ह अँड वॉर’ चित्रपटासाठी उत्सुक आहेत. २० मार्च २०२६ रोजी चित्रपटगृहात प्रदर्शित होणाऱ्या या चित्रपटात संजय लीला भन्साळी आणि रणबीर कपूर, आलिया भट्ट आणि विकी कौशल या प्रतिभावान त्रिकुटाचे मोठ्या पडद्यावर उत्तम सहकार्य पाहण्यासाठी उत्सुकता आहे.
