(फोटो सौजय -इन्स्टाग्राम)
‘क्यूकी सास भी कभी बहू थी’ हा प्रसिद्ध टीव्ही शो तुमचे मनोरंजन करण्यासाठी परत येत आहे. या शोच्या माध्यमातून स्मृती इराणी तुलसीच्या भूमिकेने घराघरात प्रसिद्ध झाली आहे. शोबद्दल स्मृती म्हणते की, हा शो परत आणण्याचा उद्देश प्रेक्षकांचे प्रेम परत मिळवणे आणि जुन्या भावनांना पुन्हा जिवंत करणे आहे. तसेच हा शो पुन्हा पाहण्यासाठी प्रेक्षक खूप उत्सुक आहेत.
“सुंदरी” चा सातासमुद्रापार डंका! मराठमोळ्या अमृता खानविलकरने केले परदेशात लावणीचे सादरीकरण!
‘क्यूकी सास भी कभी बहू थी’ बद्दल स्मृतीचे मत
हिंदुस्तान टाईम्सच्या वृत्तानुसार, ‘क्युकी सास भी कभी बहू थी’ बद्दल स्मृती इराणी म्हणाल्या, “गेल्या २५ वर्षात आपण सर्वांनी आपल्या आयुष्यात बरेच काही पाहिले आहे. हा शो आपली कहाणी आणि नातेसंबंध एका नवीन पद्धतीने प्रेक्षकांसाठी सज्ज होणार आहे .” स्मृतीसाठी, हा शो ऐतिहासिक आहे, परंतु ती टीआरपीच्या दबावाखाली नाही. ती म्हणते, “आम्ही आधीच खूप उच्च दर्जा स्थापित केला आहे. आता आम्हाला फक्त प्रेक्षकांसाठी काहीतरी खास करायचे आहे.” असे तिने म्हटले आहे. शोच्या प्रोमोला लोकांनी चांगला प्रतिसाद दिला आणि त्यामुळे ऑनलाइन चर्चा निर्माण झाली.
भारतीय टेलिव्हिजन अजूनही महान आहे – स्मृती
जुन्या काळात जे सामान्य नव्हते, त्या काळात मुख्य भूमिकेत महिला पात्र आणून बदल घडवून आणल्याबद्दल स्मृतीने निर्माती एकता कपूरचे देखील कौतुक केले. स्मृती म्हणाली, “एकताने महिला शक्ती दाखवली आणि इतरांसाठी मार्ग मोकळा केला.” स्मृती पुढे म्हणाली की, ‘मालिकेने २५ वर्षांपूर्वीच वेतन समानता आणि महिलांसाठी चांगले काम करण्याचे वातावरण यासारख्या मुद्द्यांवर लक्ष केंद्रित केले होते’. या शोद्वारे ती भारतीय टीव्हीची शक्ती पुन्हा जगासमोर आणू इच्छिते. “आम्ही दाखवू की भारतीय टेलिव्हिजन अजूनही महान आहे.” असे स्मृतीने म्हटले आहे.
कधी होणार मालिका सुरु
स्मृती इराणी यांचा ‘क्यूकी सास भी कभी बहू थी २’ हा शो स्टार प्लस आणि जिओ हॉटस्टारवर दाखल होणार आहे हे लक्षात घेण्यासारखे आहे. हा शो २९ जुलैपासून प्रीमियर होणार आहे. या शोचा प्रोमो व्हिडिओ आधीच समोर आला आहे ज्यामध्ये स्मृती इराणी तुलसी विराणीच्या भूमिकेत दिसल्या आहेत. या शोमधील इतर प्रसिद्ध पात्रांमध्ये कोण भूमिका साकारणार याबद्दल अद्याप काहीही अधिकृतपणे सांगण्यात आलेले नाही. आता पुन्हा या मालिकेवर प्रेक्षक किती प्रेम करतायत हे पाहणे उत्सुकतेचे ठरणार आहे.
