दैनंदिन आहारात नियमित एक तरी फळ खावे, असा सल्ला कायमच डॉक्टर देतात. फळांचे सेवन केल्यामुळे शरीराला खूप जास्त फायदे होतात. भारतासह जगभरात विविध देशांमध्ये असंख्य वेगवेगळ्या जातीची फळे उपलब्ध आहेत. हंगामानुसार बाजारपेठ वेगवेगळ्या फळांनी भरलेली असते. ही फळे केवळ चवीलाच नाहीतर शरीरासाठी सुद्धा खूप जास्त फायदेशीर आहेत. भारतीय फळांसोबतच विदेशी फळांचे सुद्धा असंख्य चाहते आहेत. चला तर जाणून घेऊया पूर्व आशियाई देशांमध्ये आढळणाऱ्या कोणत्या फळांची लागवड भारतामध्ये केली जाते आणि त्याचे शरीराला होणारे फायदे. (फोटो सौजन्य – istock)
डाएटसाठी उत्तम मानली जातात भारतातील 'ही' युनिक फळे, चवीसोबतच शरीरासाठी सुद्धा आहेत खूप जास्त फायदेशीर
ट्रॉपिकल टेस्टने परिपूर्ण असलेली फळे वजन कमी करण्यासाठी खूप जास्त फायदेशीर मानली जातात. प्रत्येक ऋतूनुसार बाजारात विविध फळे उपलब्ध होतात. त्यामुळे या फळांचे आवर्जून सेवन करावे.
रामबुतान फळ हे लिचीसारखे दिसते. यामध्ये विटामिन सी आणि इतर आवश्यक पोषक घटक मोठ्या प्रमाणावर आढळून येतात. लिचीसारखे दिसणारे रसाळ फळ शरीर हायड्रेट ठेवण्यास मदत करते.
ड्युरियन थायलंडमधील एक स्थानिक फळ आहे. आग्नेय आशियामध्ये ड्युरियन फळाला फळांचा राजा म्हणून ओळखले जाते. हे फळ वासामुळे अनेकांना विचित्र वाटते, पण यामध्ये खूप जास्त जीवनसत्वे आढळून येतात.
युझू फळ दिवसायाला पूर्णपणे लिंबासारखे असते. हे फळ प्रामुख्याने जपानमध्ये विकले जाते. भारतातील सुपरमार्केटमध्ये किंवा कोणत्याही ऑनलाईन मार्केटमध्ये सहज युझू फळ उपलब्ध होते.
स्नेक फ्रूटची साल दिसायला सापाच्या सालीसारखी असते.यामध्ये पोटॅशियम आणि कॅल्शियम युक्त अनेक घटक आढळून येतात. त्रिशूर आणि एर्नाकुलममध्ये या फळाची लागवड केली जाते.
