Dinvishesh : आपले बालपण रंगवणारे कार्टून नेटवर्क झाले सुरु; जाणून घ्या 01 ऑक्टोबर रोजीचा इतिहास

कार्टून नेटवर्क हे वॉर्नर ब्रदर्स डिस्कव्हरीच्या मालकीचे एक अमेरिकन केबल टेलिव्हिजन चॅनेल आहे. या कार्टुन नेटवर्कच्या माध्यमातून मुख्यत: 6 ते 14 वयोगटातील मुलांना विविध प्रकारचे कार्टुन दाखवले जाते.

०१ ऑक्टोबर रोजी कार्टून नेटवर्क हे वॉर्नर ब्रदर्सचे एक अमेरिकन केबल टेलिव्हिजन चॅनेल आहे (फोटो - टीम नवराष्ट्र)

Follow Us:

Follow Us:

आपल्या सर्वांचे बालपण कार्टुन नेटवर्क आजच्या दिवशी 1992 रोजी सुरु झाले. कार्टून नेटवर्क हे वॉर्नर ब्रदर्स डिस्कव्हरीच्या मालकीचे एक अमेरिकन केबल टेलिव्हिजन चॅनेल आहे. या कार्टुन नेटवर्कच्या माध्यमातून मुख्यत: 6 ते 14 वयोगटातील मुलांना विविध प्रकारचे कार्टुन दाखवले जाते. हा चॅनेल ॲनिमेशन-आधारित कार्यक्रम प्रदर्शित करतो. कार्टुन नेटवर्क चॅनलला भारतीय प्रेक्षकांच्या मनात विशेष स्थान आणि  लोकप्रियताआहे. या चॅनेलच्या काही लोकप्रिय जुन्या आणि नवीन मालिकांमध्ये स्कूबी डू, टॉम अन्ड जॅरी आणि द जेट सन्स या कार्यक्रमांचा समावेश आहे.

01 ऑक्टोबर रोजी देशाच्या आणि जगाच्या इतिहासामध्ये घडलेल्या महत्त्वपूर्ण घटना

• 1791 : फ्रेन्च संसदेचे पहिले अधिवेशन सुरू झाले.
• 1837 : भारतात पहिले पोस्ट ऑफिस सुरू झाले.
• 1880 : थॉमस एडिसनने इलेक्ट्रिक लाइट फॅक्टरी सुरू केली.
• 1891 : स्टॅनफोर्ड विद्यापीठाची स्थापना झाली.
• 1943 : दुसरे महायुद्ध – मित्र राष्ट्रांनी नेपल्स शहर ताब्यात घेतले.
• 1946 : मेन्सा इंटरनॅशनलची स्थापना युनायटेड किंगडममध्ये झाली.
• 1949 : संगीत नाट्य गायक आणि अभिनेते जयराम शिलेदार यांनी स्वतःची मराठी रंगभूमी नाट्य संस्था स्थापन केली.
• 1958 : एरोनॉटिक्ससाठी राष्ट्रीय सल्लागार समिती (NACA) चे नाव बदलून NASA करण्यात आले.
• 1958 : भारतात दशमान (मेट्रिक) पद्धत वापरण्यास सुरूवात झाली.
• 1959 : भुवनेश प्रसाद सिन्हा यांनी भारताचे 6 वे सरन्यायाधीश म्हणून पदभार स्वीकारला.
• 1960 : नायजेरियाला युनायटेड किंगडमपासुन स्वातंत्र्य मिळाले.
• 1961 : CTV टेलिव्हिजन नेटवर्क, कॅनडाचे पहिले खाजगी टेलिव्हिजन नेटवर्क सुरू झाले
• 1964 : जपानी शिंकनसेन (“बुलेट ट्रेन”) ने टोकियो ते ओसाका पर्यंत हाय-स्पीड रेल्वे सेवा सुरू केली.
• 1969 : कॉनकॉर्ड विमान प्रथमच ध्वनीच्या वेगापेक्षा जास्त वेगाने उड्डाण करण्यात यशस्वी झाले.
• 1971 : अमेरिकेतील फ्लोरिडा येथे वॉल्ट डिस्ने वर्ल्ड सुरु झाले.
• 1971 : रुग्णाचे निदान करण्यासाठी पहिले व्यावहारिक सीटी स्कॅनर वापरले जाते.
• 1982 : सोनीने पहिला कॉम्पॅक्ट डिस्क प्लेयर रिलीज केला.
• 1992 : कार्टून नेटवर्क सुरु झाले.
• 2005 : इंडोनेशियाच्या बाली बेटावर झालेल्या बॉम्बस्फोटात 19 लोक ठार.

01 ऑक्टोबर रोजी जन्म दिनविशेष

• 1847 : ‘अ‍ॅनी बेझंट’ – थिऑसॉफिस्ट, सामाजिक कार्यकर्त्या व भारतीय स्वातंत्र्याच्या पुरस्कर्त्या यांचा जन्म. (मृत्यू : 20 सप्टेंबर 1933)
• 1881 : ‘विल्यम बोईंग’ – बोईंग विमान कंपनीचे संस्थापक यांचा जन्म. (मृत्यू : 28 सप्टेंबर 1956)
• 1895 : ‘लियाकत अली खान’ – पाकिस्तानचे पहिले पंतप्रधान यांचा जन्म. (मृत्यू : 16 ऑक्टोबर 1951)
• 1906 : ‘सचिन देव बर्मन’ – संगीतकार व गायक यांचा जन्म. (मृत्यू : 31 ऑक्टोबर 1975)
• 1919 : ‘गजानन दिगंबर माडगूळकर’ – गीतकार, कवी, लेखक, पटकथाकार, अभिनेते यांचा जन्म. (मृत्यू : 14 डिसेंबर 1977)
• 1919 : ‘मजरुह सुलतानपुरी’ – दादासाहेब फाळके पुरस्कार विजेते शायर, गीतकार आणि कवी यांचा जन्म. (मृत्यू : 24 मे 2000)
• 1924 : ‘जिमी कार्टर’ – नोबेल पारितोषिक विजेते अमेरिकेचे 39 वे राष्ट्राध्यक्ष यांचा जन्म.
• 1930 : ‘जयदेवप्पा हलप्पा पटेल’ – कर्नाटकचे 15 वे मुख्यमंत्री यांचा जन्म. (मृत्यू : 12 डिसेंबर 2000)
• 1945 : ‘रामनाथ कोविंद’ – भारताचे 14 वे राष्ट्रपती यांचा जन्म.

01 ऑक्टोबर रोजी मृत्यू दिनविशेष

• 1868 : ‘मोंगकुट (चौथा)’ – थायलंडचा राजा यांचे निधन. (जन्म : 18 ऑक्टोबर 1804)
• 1931 : ‘शंकर काशिनाथ गर्गे’ – नाट्यछटाकार यांचे निधन. (जन्म : 18 जानेवारी 1889)
• 1959 : ‘इरिको डी निकोला’ – इटलीचे पहिले अध्यक्ष यांचे निधन. (जन्म : 9 नोव्हेंबर 1877)
• 1997 : ‘गुल मोहम्मद’ – जगातील सर्वात बुटकी व्यक्ती (22.1”) यांचे निधन.

Web Title: Cartoon network is an american cable television channel from warner bros 01 october dinvishesh

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com