ICC Ranking : एकदिवसीय संघ क्रमवारी जाहीर, पाकिस्तानला फायदा, जाणून घ्या पॉइंट्स टेबलमध्ये भारत कुठे आहे?

आता चॅम्पियन ट्रॉफी सुरु व्हायला फॅट ५ दिवस शिल्लक राहिले आहेत. आठ संघ स्पर्धेमध्ये सहभागी होणार आहेत. या सामन्यांच्या निकालांनंतर, आयसीसी एकदिवसीय संघ क्रमवारीत बरेच बदल झाले आहेत.

फोटो सौजन्य - BCCI सोशल मीडिया

Follow Us:

Follow Us:

एकदिवसीय आयसीसी रँकिंग : तिसऱ्या सामन्यात भारताने इंग्लंडचा १४२ धावांनी पराभव केला. या सामन्यात विजय मिळवल्यानंतर टीम इंडियाने तीन सामन्यांची मालिका ३-० अशी जिंकली. त्याच वेळी, पाकिस्तानने तिरंगी मालिकेत दक्षिण आफ्रिकेलाही पराभूत केले आहे. याशिवाय, श्रीलंकेने दोन सामन्यांच्या एकदिवसीय मालिकेतील पहिल्या सामन्यात ऑस्ट्रेलियाला हरवून सर्वांना आश्चर्यचकित केले. त्याचबरोबर आता चॅम्पियन ट्रॉफी सुरु व्हायला फॅट ५ दिवस शिल्लक राहिले आहेत. आठ संघ स्पर्धेमध्ये सहभागी होणार आहेत. या सामन्यांच्या निकालांनंतर, आयसीसी एकदिवसीय संघ क्रमवारीत बरेच बदल झाले आहेत.

IND vs ENG 3rd ODI : गिल – जडेजा नाही तर हा खेळाडू ठरला ‘इम्पॅक्ट फिल्डर ऑफ द सिरीज’, फलंदाजी आणि फिल्डिंगमध्ये दाखवला जोर

नजर टाका आयसीसीच्या क्रमवारीवर

२०२३ च्या एकदिवसीय विश्वचषकापासून इंग्लंडची खराब कामगिरी सुरूच आहे. २०२३ च्या विश्वचषकापासून इंग्लंडने २३ एकदिवसीय सामने खेळले आहेत, त्यापैकी १६ सामने गमावले आहेत. भारत दौऱ्यावरही त्यांना ८ पैकी ७ सामन्यांमध्ये पराभव पत्करावा लागला. एकदिवसीय मालिकेतील पराभवानंतर इंग्लंडला मोठा धक्का बसला आहे. इंग्लंडने एक रेटिंग पॉइंट गमावला आहे. इंग्लंडचे रेटिंग आता ९३ वरून ९२ वर घसरले आहे.

इंग्लंडविरुद्धच्या मालिकेत ३-० असा क्लीन स्वीप केल्यानंतर भारताने आयसीसी एकदिवसीय संघ क्रमवारीत पुन्हा अव्वल स्थान मिळवले आहे. सध्या टीम इंडियाचे रेटिंग ११९ आहे. घरच्या मैदानावर दक्षिण आफ्रिकेविरुद्ध विक्रमी लक्ष्याचा पाठलाग करून पाकिस्तानने एका स्थानाने प्रगती केली. पाकिस्तानने ऑस्ट्रेलियाला मागे टाकत दुसरे स्थान पटकावले. ऑस्ट्रेलियन संघ तिसऱ्या स्थानावर घसरला आहे. न्यूझीलंड संघ चौथ्या स्थानावर पोहोचला आहे. पाकिस्तानमध्ये सुरू असलेल्या तिरंगी मालिकेत त्यांनी सलग दोन सामने जिंकले आहेत. दक्षिण आफ्रिका पाचव्या स्थानावर आहे.

आयसीसीची क्रमवारी

चॅम्पियन ट्रॉफी सुरु होणार आहे, यामध्ये आठ संघ सहभागी होणार आहेत. या आठ संघाचे दोन गटामध्ये विभाजन करण्यात आले आहे. पहिल्या गटामध्ये भारत, पाकिस्तान, बांग्लादेश आणि न्यूझीलंडचा संघ आहे तर दुसऱ्या गटामध्ये ऑस्ट्रेलिया, इंग्लंड, अफगाणिस्तान आणि दक्षिण आफ्रिका हे संघ आहेत. टीम इंडियाचे सामने युएईमध्ये एकाच मैदानावर खेळवले जाणार आहेत. तर उर्वरित सर्व संघाचे सामने पाकिस्तानमध्ये खेळवले जाणार आहेत.

Web Title: Icc odi team ranking announced pakistan gains know where india stands in points table

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com