IND vs ENG : रवींद्र जडेजाच्या फलंदाजीवर प्रश्नचिन्ह उपस्थित करणाऱ्यांना गंभीरने केले गप्प, बीसीसीआयने शेअर केला Video

तिसऱ्या कसोटीत इंग्लंडने भारताचा २२ धावांनी पराभव केला आणि मालिकेत २-१ अशी आघाडी घेतली. रवींद्र जडेजाच्या १८१ चेंडूत ६१ धावांच्या तुफानी खेळीने भारताला लॉर्ड्सवर विजयाच्या अगदी जवळ पोहोचवले.

फोटो सौजन्य – X (BCCI)

Follow Us:

Follow Us:

भारत विरुद्ध इंग्लंड यांच्यामध्ये सुरू झालेला कसोटी सामन्याच्या तिसऱ्या सामन्यात भारताच्या संघाला टोचणारा पराभव नशीबी लागला. या सामन्यात भारताचा संघ शेवटच्या डावांमध्ये कोसळला. भारताचे फलंदाज या शेवटच्या डावांमध्ये कोसळले एकही फलंदाज चांगली कामगिरी करू शकला नाही रवींद्र जडेजाला सोडून कोणताही फलंदाज प्रभावशाली खेळी खेळण्यात अपयशी ठरला. रवींद्र जडेजा आणि लॉर्ड्स कसोटी सामन्यांमध्ये शेवटच्या डावांमध्ये नाबाद खेळी खेळली. शेवटपर्यंत त्याने विजयाच्या आशा जिवंत ठेवल्या होत्या.

या तिसऱ्या कसोटीत इंग्लंडने भारताचा २२ धावांनी पराभव केला आणि मालिकेत २-१ अशी आघाडी घेतली. तिसऱ्या कसोटीच्या दुसऱ्या डावात रवींद्र जडेजाच्या १८१ चेंडूत ६१ धावांच्या तुफानी खेळीने भारताला लॉर्ड्सवर विजयाच्या अगदी जवळ पोहोचवले. मोहम्मद सिराज बाद होताच भारताच्या विजयाच्या आशा धुळीस मिळाल्या. सामन्यानंतर अनिल कुंबळे, सुनील गावस्कर, रविचंद्रन अश्विन, सौरव गांगुली यांसारख्या अनेक अनुभवी खेळाडूंनी असे सुचवले की लक्ष्याचा पाठलाग करताना जडेजा थोडी अधिक आक्रमक फलंदाजी करू शकला असता. तथापि, मुख्य प्रशिक्षक गौतम गंभीर यांनी जडेजाचे खूप कौतुक केले.

IND vs ENG : मँचेस्टर कसोटीसाठी अजिंक्य रहाणेने भारताला दिला महत्त्वाचा सल्ला, म्हणाला – Playing 11 मध्ये एक बदल…

चौथ्या डावात १९३ धावांचा पाठलाग करताना, भारतीय संघाने चौथ्या दिवसाच्या खेळअखेर ४ विकेट (५८/४) गमावल्या. जोफ्रा आर्चर आणि कर्णधार बेन स्टोक्सच्या गोलंदाजीसमोर भारतीय संघाची आघाडीची फळी झुकू शकली नाही. पाचव्या दिवसाच्या पहिल्या तासात, स्टोक्स आणि आर्चरने भारताच्या मधल्या फळीचा नाश केला आणि पाहुण्या संघाची धावसंख्या ११२/८ अशी कमी केली.

जडेजाने खालच्या फळीतील फलंदाज जसप्रीत बुमराह आणि मोहम्मद सिराजसोबत फलंदाजी केली, पण शेवटच्या दिवशी तो थोडा कमी पडला. २२ षटके क्रीजवर घालवल्यानंतर बुमराहने चुकीचा शॉट खेळला. सिराजने जडेजाला साथ दिली पण दुर्दैवाने त्याने त्याची विकेट गमावली. शोएब बशीरने त्याला क्लीन बोल्ड केले. ६१ धावा काढून जडेजा नाबाद परतला. यादरम्यान त्याने १८१ चेंडूंचा सामना केला.

 

View this post on Instagram

 

A post shared by Team India (@indiancricketteam)

इंस्टाग्रामवर पोस्ट केलेल्या व्हिडिओमध्ये गंभीर म्हणाला, “ही एक अविश्वसनीय लढत होती. जडेजाने दिलेली लढत खरोखरच अद्भुत होती. एक संघ म्हणून, एक खेळाडू म्हणून, जड्डू भाई क्षेत्ररक्षण, गोलंदाजी आणि फलंदाजीमध्ये अपवादात्मक आहेत, त्यांनी प्रत्येक गोष्टीत सुधारणा केली आहे.” प्रशिक्षक म्हणाले, “तो संघासाठी प्रत्येक महत्त्वाच्या परिस्थितीत धावा करतो. आमच्या संघासाठी त्याच्यासारखा खेळाडू शोधणे कठीण आहे. आम्ही भाग्यवान आहोत की आमच्या संघात असा खेळाडू आहे.”

Web Title: Ind vs eng gambhir silences those who questioned ravindra jadeja batting bcci shares video

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com