शनिवार, 24 ऑक्टोबर 2026
फोटो सौजन्य – X
वर्ल्ड चॅम्पियनशिप ऑफ लीजेंड्सचा आज फायनलचा सामना खेळवला जाणार आहे. दक्षिण आफ्रिका चॅम्पियन संघाने आतापर्यंत या स्पर्धेमध्ये कमालीची कामगिरी केली आहे. या स्पर्धेत दक्षिण आफ्रिकेच्या संघाने सेमीफायनलच्या सामन्यांमध्ये ऑस्ट्रेलिया चॅम्पियन्सला पराभूत करून फायनल स्थान पक्के केले आहे. तर पाकिस्तानच्या संघाला सेमी फायनलचा सामना हा खेळावा लागलाच नाही. कारण भारतीय चॅम्पियन संघाने पाकिस्तान विरुद्ध सामना खेळण्यात नकार दिल्यामुळे पाकिस्तानचे संघाला डायरेक्ट फायनलमध्ये खेळण्याची संधी मिळाली. हे या स्पर्धेमध्ये पहिल्यांदाच नाही तर दुसरा असा सामना आहे ज्यामध्ये पाकिस्तानच्या संघाला दुसऱ्या फेरीमध्ये जाण्याची संधी मिळाली आहे.
वर्ल्ड चॅम्पियनशिप ऑफ लीजेंड्समध्ये भारताने पाकिस्तानविरुद्धच्या सामन्यावर वारंवार बहिष्कार टाकल्यानंतर पाकिस्तान क्रिकेट बोर्डाने एक मोठे पाऊल उचलले आहे. भारताच्या या निर्णयामुळे आंतरराष्ट्रीय स्तरावर पाकिस्तानची बदनामी झाली आहे. पीसीबीने खाजगी क्रिकेट लीगमध्ये देशाचे नाव वापरण्यास बंदी घातली आहे. टेलिकॉम एशिया स्पोर्टच्या वृत्तानुसार, गुरुवारी संचालक मंडळाच्या बैठकीत हा निर्णय घेण्यात आला. यामुळे देशाची प्रतिष्ठा खराब होत असल्याचे पाकिस्तान क्रिकेट बोर्डाचे मत आहे.
एप्रिलमध्ये झालेल्या पहलगाम हल्ल्यानंतर, भारताने पाकिस्तानसोबत कोणत्याही स्तरावर क्रिकेट न खेळण्याचा निर्णय घेतला आहे. अशा परिस्थितीत, भारतीय खेळाडूंनी या खाजगी लीगमध्येही पाकिस्तानविरुद्ध खेळण्यास नकार दिला. जर ही आयसीसी किंवा एसीसी स्पर्धा असती तर पाकिस्तान आवाज उठवू शकला असता, कारण ही एक खाजगी स्पर्धा आहे, पाकिस्तान डब्ल्यूसीएलमध्ये काहीही करू शकत नाही, म्हणूनच बोर्डाने हा निर्णय घेतला आहे.
गुरुवारी संचालक मंडळाच्या बैठकीत सविस्तर चर्चा झाल्यानंतर हा निर्णय घेण्यात आल्याचे अहवालात म्हटले आहे. वर्ल्ड कपच्या दुसऱ्या आवृत्तीत भारतीय खेळाडूंनी पाकिस्तानसोबत दोनदा खेळण्यास नकार दिल्याने देशाची बदनामी होईल, असे उच्च अधिकाऱ्यांचे मत आहे.
जर कोणत्याही खाजगी संस्थेने पाकिस्तानचे नाव वापरले तर त्यांच्यावर कायदेशीर कारवाई होऊ शकते. जर लीग आणि संघटनेची प्रामाणिकता प्रतिष्ठित वाटत असेल तर पीसीबीला क्रिकेट स्पर्धांसाठी त्याचा वापर करण्याची परवानगी देण्याचा पूर्ण अधिकार आहे. विविध खाजगी संस्थांनी यापूर्वी झिम्बाब्वे, केनिया आणि अमेरिकेतील किरकोळ लीगमध्ये पाकिस्तानचे नाव वापरले आहे.
