Jaspreet Bumrah च्या कर्णधारपदाच्या आशा मावळल्या! ती एक भेट आणि खेळ बिघडला, प्रशिक्षक गौतम गंभीरचा ‘या’ खेळाडूसोबत करार.. 

रोहित शर्माने कसोटी क्रिकेटमधून घेतलेल्या निवृत्तीनंतर भारतीय संघाचा कसोटी कर्णधार कोण असणार यावर चर्चा सुरू आहे. शुभमन गिलच्या नावाची चर्चा सद्या होत असून गौतम गंभीर यांची त्याच्या नावाला पसंती आहे.

जसप्रीत बुमराह, गौतम गंभीर आणि शुभमन गिल(फोटो-सोशल मिडिया)

Follow Us:

Follow Us:

IND Vs END : रोहित शर्माने कसोटी क्रिकेटमधून निवृत्ती घेतल्यानंतर, भारतीय क्रीडा विश्वात पुढील कसोटी कर्णधार कोण? याचा शोध घेण्यात येत आहे. अनेकांचा असह्य दावा आहे की, ही मोठी जबाबदारी जसप्रीत बुमराहला देण्यात येऊ शकते. तर काही लोकांचे म्हणणे आहे की, शुभमन गिल संघाची जबाबदारी सांभाळू शकतो. दरम्यान, आता एक मोठा खुलासा समोर आला आहे.

रोहित शर्माने कसोटी क्रिकेटमधून घेतलेल्या निवृत्तीनंतर, जसप्रीत बुमराह हा भारतीय क्रिकेट संघाचा पुढचा कसोटी कर्णधार होण्यासाठी पहिली पसंती राहिला होता. पण, बुमराहच्या नेतृत्वाखाली भारताने ऑस्ट्रेलियामध्ये बॉर्डर गावस्कर ट्रॉफीमधील एकमेव कसोटी जिंकली आहे. त्यानंतर शुभमन गिल या शर्यतीत आघाडीवर आला आहे आणि तो संघाचा नवा कर्णधार होऊ शकतो, असे बोलले जाऊ लागले.

हेही वाचा : IPL 2025 : पंजाब, गुजरातसह लखनौचे पैसे पाण्यात! प्लेऑफ दरम्यान मातब्बर खेळाडू संघाबाहेर, ‘या’ नवीन खेळाडूंना लागली लॉटरी..

काही माध्यमांच्या वृत्तानुसार, मुख्य प्रशिक्षक गौतम गंभीर आणि शुभमन गिल यांच्यात दीर्घ बैठक पर पडली आहे.  ज्यामध्ये तो इंग्लंड दौऱ्यावर जबाबदारी स्वीकारण्यास तयार असल्याचे बोलले जात आहे.  त्याच वेळी, अनेक भारतीय दिग्गज खेळाडूंनी म्हटले आहे की शुभमन गिल हा एक चांगला उदयोन्मुख खेळाडू आहे, परंतु सध्या जसप्रीत बुमराह नवीन कसोटी कर्णधार म्हणून योग्य असल्याचे म्हटले आहे.  तथापि, त्याच्या फिटनेसवर नेहमीच प्रश्नचिन्ह उपस्थित करण्यात आले आहेत.

दुखापतीमुळे बुमराहला बराच काळ क्रिकेटपासून दूर राहावे लागले आहे. २०२२ मध्ये होणाऱ्या टी-२० विश्वचषकापूर्वीही तो दुखापतीमुळे ११ महिने मैदानापासून लांब होता. या कारणास्तव, निवडकर्त्यांनी पुढील पर्यायाचा विचार केला आणि शुभमन गिलचे नाव समोर आले. तो या फॉरमॅटमध्ये सतत खेळत आहे.

हेही वाचा : RCB vs KKR : Tim David क्रिकेटर आहे की स्विमर? RCB च्या खेळाडूंचा नादच खुळा! मैदानाच बनवले स्विमिंग पूल, पाहा व्हिडिओ

शुभमन गिलकडे कसोटी कर्णधारपद सोपवण्याच्या निर्णयावर अनेक दिग्गज नाराज असल्याचे बोलले जात आहे. असे असले तरी, काही वृत्तांनुसार बीसीसीआयने त्याला नवीन कर्णधार म्हणून निवडले आहे आणि त्याची माहिती त्याला देण्यात आल्याची माहिती समोर आली आहे.  लवकरच याबाबत  अधिकृत घोषणा करण्यात येईल.

माहितीसाठी, आम्ही तुम्हाला सांगतो की रोहित शर्मा आणि विराट कोहली यांनी कसोटी क्रिकेटमधून निवृत्तीची घोषणा केली आहे. दोन्ही दिग्गज खेळाडूंनी भारताच्या इंग्लंड दौऱ्यापूर्वी निवृत्ती घेण्याचा निर्णय घेतला आहे. त्यामुळे चाहते खूप निराश झाले आहेत.

Web Title: Jaspreet bumrahs captaincy hopes dashed coach gautam gambhir prefers this player

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com