फोटो सौजन्य - ARV Loshan Sports सोशल मिडिया
श्रीलंकेचा क्रिकेट संघ सध्या पाकिस्तान दौऱ्यावर आहे, जिथे दोन्ही संघांमध्ये तीन सामन्यांची एकदिवसीय मालिका खेळली जात आहे. तथापि, मंगळवारी (११ नोव्हेंबर) इस्लामाबादमध्ये झालेल्या बॉम्बस्फोटानंतर, श्रीलंकेच्या संघात भीतीचे वातावरण आहे आणि अनेक खेळाडूंनी सुरक्षेच्या कारणास्तव मायदेशी परतण्याची इच्छा व्यक्त केली आहे. दरम्यान, पाकिस्तान क्रिकेट बोर्डाने (पीसीबी) खेळाडूंच्या सुरक्षिततेला लक्षात घेऊन एक मोठा निर्णय घेतला आहे आणि पाकिस्तान-श्रीलंका एकदिवसीय मालिकेतील पुढील दोन सामन्यांच्या वेळापत्रकात बदल केले आहेत.
पाकिस्तान आणि श्रीलंका यांच्यातील सुरू असलेल्या एकदिवसीय मालिकेतील पहिला सामना ११ नोव्हेंबर रोजी रावळपिंडी येथे खेळवण्यात आला आणि पाकिस्तानी संघाने ६ धावांनी विजय मिळवला. उर्वरित दोन सामने मूळतः १३ आणि १५ नोव्हेंबर रोजी होणार होते, परंतु आता ते एका दिवसाने पुढे ढकलण्यात आले आहेत. याचा अर्थ दुसरा एकदिवसीय सामना आता १४ नोव्हेंबर रोजी आणि तिसरा सामना १६ नोव्हेंबर रोजी खेळवला जाईल. दोन्ही सामने रावळपिंडी येथे खेळवले जातील.
पाकिस्तान क्रिकेट बोर्डाचे अध्यक्ष मोहसिन नक्वी यांनी वेळापत्रकात बदल झाल्याची पुष्टी केली आणि इस्लामाबाद बॉम्बस्फोटानंतरही श्रीलंकेच्या संघाचा दौरा सुरू ठेवल्याबद्दल त्यांचे आभार मानले. त्यांनी त्यांच्या इंस्टाग्राम अकाउंटवर लिहिले की, क्रीडाभावना आणि एकतेचे उदाहरण मांडले जात आहे. नक्वी यांनी श्रीलंकेच्या निर्णयाचे कौतुक केले आणि तो दोन्ही देशांमधील विश्वास आणि मैत्रीचे प्रतीक असल्याचे म्हटले.
Schedule Update🏏
The Sri Lanka Tour of Pakistan 2025 gets an update — check out the revised ODI and T20I fixtures 🇱🇰🇵🇰#SLvPAK #SLvZIM #SriLankaCricket pic.twitter.com/bXcE37BMFR — Sri Lanka Cricket 🇱🇰 (@OfficialSLC) November 13, 2025
इस्लामाबादमध्ये झालेल्या आत्मघातकी हल्ल्यात १२ जणांचा मृत्यू झाला आणि अनेक जण जखमी झाले. या भयानक घटनेनंतर, श्रीलंकेच्या अनेक क्रिकेट खेळाडूंनी आणि सपोर्ट स्टाफने सुरक्षेच्या कारणास्तव त्यांचा चालू पाकिस्तान दौरा अर्धवट थांबवून श्रीलंका क्रिकेटला त्यांच्या देशात परतण्याची परवानगी देण्याची विनंती केली. तथापि, श्रीलंका क्रिकेटने (एसएलसी) स्पष्ट केले आहे की हा दौरा वेळापत्रकानुसारच सुरू राहील.
After receiving threats from the terrorist organization JeM PCB has cancelled tomorrow in Rawalpindi. The Pak vs SL ODI matches have now been rescheduled for 14th and 16th Nov. However, some Sri Lankan players still have security concerns and wish to leave Pakistan quickly. https://t.co/SjVnUQ4ks4 pic.twitter.com/WYg94r8RNQ — Ocean Singh (@ocean_singh10) November 12, 2025
खेळाडूंची सुरक्षा ही त्यांची सर्वोच्च प्राथमिकता आहे आणि ते त्याची सर्वतोपरी काळजी घेत असल्याचे बोर्डाने सांगितले. कोणत्याही अडचणीशिवाय मालिका पूर्ण करण्यासाठी ते प्रयत्नशील असल्याचे त्यांनी सांगितले. एकदिवसीय मालिकेनंतर श्रीलंका पाकिस्तान आणि झिम्बाब्वेसह तिरंगी मालिका देखील खेळेल हे लक्षात घेतले पाहिजे.
