पृथ्वी शॉला आयपीएल 2025 ने नाकारले आता या लीगमध्ये दिसणार खेळताना, सूर्या, अय्यरची नावे देखील समाविष्ट

आयपीएल-२०२५ च्या झालेल्या मेगा ऑक्शनमध्ये कोणत्याही संघाने पृथ्वी शॉवर बोली लावली नाही. तथापि, आता पृथ्वीला दुसऱ्या लीगचा पाठिंबा मिळाला आहे ज्यामुळे तो त्याचा आयकॉन खेळाडू बनला आहे.

फोटो सौजन्य - X सोशल मीडिया

Follow Us:

Follow Us:

पृथ्वी शॉ : पृथ्वी शॉ हा एकेकाळी भारताचा तारा मानला जात होते, मागील काही वर्षांपासून त्याच्यावर मोठ्या प्रमाणात टीका केली जात आहे. काही वर्षांपूर्वी त्याच्याबद्दल असे म्हटले जात होते की तो येत्या काळात भारतीय संघाचा एक मोठा फलंदाज होईल आणि संघाचे नेतृत्वही करेल. पण खराब फॉर्म आणि फिटनेसमुळे पृथ्वी खूप मागे पडला. इतके मागे की आयपीएल-२०२५ च्या झालेल्या मेगा ऑक्शनमध्ये कोणत्याही संघाने त्याच्यावर बोली लावली नाही. तथापि, आता पृथ्वीला दुसऱ्या लीगचा पाठिंबा मिळाला आहे ज्यामुळे तो त्याचा आयकॉन खेळाडू बनला आहे.

भारतामध्ये क्रिकेटला मोठ्या प्रमाणात पसंती दिली जाते, आयपीएलच्या धर्तीवर, प्रत्येक राज्यात टी-२० लीग सुरू झाली आहे. मुंबई क्रिकेटमध्येही अशीच एक लीग आयोजित केली जाणार आहे, ज्याला मुंबई टी२० लीग म्हणतात. या लीगचा तिसरा सिझन आयपीएलच्या चालू सीझननंतर लगेचच सुरू होईल आणि पृथ्वीला या लीगचा आयकॉन खेळाडू बनवण्यात आले आहे.

घरच्या मैदानावर लाज राखण्यासाठी खेळणार CSK! चेन्नई पंजाब किंग्जविरुद्ध नशीब बदलण्याचा प्रयत्न करणार

या लीगमध्ये एकूण आठ खेळाडूंना आयकॉन खेळाडू बनवण्यात आले आहे. पृथ्वीशिवाय त्यात सूर्यकुमार यादव, श्रेयस अय्यर, अजिंक्य रहाणे, सरफराज खान, शार्दुल ठाकूर, शिवम दुबे आणि तुषार देशपांडे यांच्या नावाचा समावेश आहे. या लीगमध्ये आठ फ्रँचायझी आहेत आणि प्रत्येक फ्रँचायझी स्वतःसाठी एक आयकॉन खेळाडू निवडेल. मुंबई क्रिकेट असोसिएशन लवकरच या लीगच्या लिलावाच्या तारखा जाहीर करेल. ही लीग सहा वर्षांनंतर पुनरागमन करत आहे आणि तिचा तिसरा हंगाम खेळवला जाणार आहे. लीगचा शेवटचा हंगाम कोविडपूर्वी खेळला गेला होता. मुंबईतील प्रसिद्ध नावे या लीगमध्ये दिसतील. सध्या, कोलकाता नाईट रायडर्सचे सहाय्यक प्रशिक्षक अभिषेक नायर आणि भारताचे माजी गोलंदाजी प्रशिक्षक पारस म्हांब्रे हे लीगमध्ये प्रशिक्षण देणार आहेत.

🚨 THE ICON PLAYERS OF MUMBAI T20 LEAGUE 🚨

Suryakumar Yadav, Shreyas Iyer, Shardul Thakur, Ajinkya Rahane, Shivam Dube, Sarfaraz Khan, Tushar Deshpande, Prithvi Shaw. [Gaurav Gupta from TOI] pic.twitter.com/8HXRFNn8Gj

— Johns. (@CricCrazyJohns) April 28, 2025

या लीगमध्ये बहुतेकांच्या नजरा पृथ्वी शॉवर असतील. शॉला टीम इंडियामध्ये पुनरागमन करायचे आहे आणि या लीगमुळे त्याला हे सिद्ध करण्याची संधी मिळेल की त्याच्याकडे अजूनही त्याच्या कारकिर्दीच्या सुरुवातीच्या काळात दिसणारी प्रतिभा आहे. पृथ्वीसाठी टीम इंडियात परतण्याचा मार्ग सोपा नाही. तथापि, त्याच्यासाठी अद्याप दरवाजे पूर्णपणे बंद झालेले नाहीत, परंतु पुनरागमन करण्यासाठी त्याला अपवादात्मक चांगली कामगिरी करावी लागेल, तरच त्याचे लीगमध्ये पुनरागमन निश्चित आहे.

Web Title: Prithvi shaw rejected from ipl 2025 will now be seen playing in mumbai t20 league

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com