यशस्वी जयस्वालचा रॉकेट लाँचर षटकार; 100 मीटर अंतरावर पडला चेंडू; नॅथन लियॉनसुद्धा चक्रावला, पाहा VIDEO

पर्थच्या पहिल्या कसोटीत भारतीय संघाने जोरदार पुनरागमन करीत कांगारूंना अवघ्या 104 धावांमध्ये गुंडाळले. त्यानंतर सलामी जोडीने शानदार सुरुवात करीत 218 धावांची लीड घेतली आहे.

सौजन्य - BCCI यशस्वी जयस्वालचा रॉकेट लाँचर षटकार; 100 मीटर अंतरावर पडला चेंडू; नॅथन लियॉनसुद्धा चक्रावला, पाहा VIDEO

Follow Us:

Follow Us:

पर्थ : ऑस्ट्रेलियाविरुद्धच्या पर्थ कसोटी सामन्याच्या दुसऱ्या दिवशी टीम इंडियाचा युवा सलामीवीर फलंदाज यशस्वी जयस्वालने धमाकेदार पुनरागमन केले. यशस्वी दिवसअखेरीस 90 धावा करून नाबाद राहिला. पर्थ कसोटी सामन्याच्या पहिल्या दिवशी यशस्वीला 8 चेंडूंचा सामना करून खातेही उघडता आले नाही. यशस्वी जयस्वालने आज मैदान गाजवले, त्याने नॅथन लियाॅनला मारलेला सिक्सर हा डोळ्याचे पारणे फेडणारा होता.

यशस्वी जयस्वालचा शानदार सिक्सर

100 metres! Launched! #AUSvIND | #PlayOfTheDay | @nrmainsurance pic.twitter.com/dJfbkQdV1A

— cricket.com.au (@cricketcomau) November 23, 2024

टीम इंडियाची ऑस्ट्रेलियावर पकड घट्ट
बॉर्डर-गावस्कर ट्रॉफीच्या पहिल्या कसोटी सामन्यात टीम इंडियाने ऑस्ट्रेलियावर आपली पकड घट्ट केली आहे. भारत आणि ऑस्ट्रेलिया यांच्यातील मालिकेतील पहिला कसोटी सामना पर्थ क्रिकेट स्टेडियमवर खेळवला जात आहे. या सामन्यात टीम इंडियाने नाणेफेक जिंकून प्रथम फलंदाजी करीत 150 धावा केल्या. प्रत्युत्तरादाखल यजमान ऑस्ट्रेलियाचा डाव अवघ्या 104 धावांवर रोखला गेला आणि पाहुण्या संघाला 46 धावांची महत्त्वपूर्ण आघाडी मिळाली.
दुसऱ्या डावात भारताची शानदार खेळी
ऑस्ट्रेलियाविरुद्धच्या पहिल्या कसोटी सामन्यात प्राणघातक गोलंदाजी केल्यानंतर टीम इंडियाने दुसऱ्या डावात आपल्या उत्कृष्ट फलंदाजीने कांगारू संघाला थक्क केले. टीम इंडियासाठी पहिल्या डावात अपयशी ठरलेला सलामीवीर फलंदाज यशस्वी जैस्वालने आपल्या तुफानी फलंदाजीने ऑस्ट्रेलियन गोलंदाजांचे वारे बाहेर काढले.
खेळ संपेपर्यंत 193 चेंडूत 90 धावांची नाबाद खेळी
आपल्या फलंदाजीदरम्यान नॅथन लियॉनने दिवसाचा खेळ संपेपर्यंत 193 चेंडूत 90 धावांची नाबाद खेळी खेळली. या खेळीत यशस्वीने 7 चौकार आणि 2 उत्कृष्ट षटकारही मारले. यात यशस्वीने नॅथन लायनविरुद्ध षटकार ठोकला होता. यशस्वीने नॅथन लायनला मागे टाकत 100 मीटर लांब षटकार ठोकला. यशस्वीचा हा शॉट पाहून नॅथन लिऑनला घाम फुटला. टीम इंडियाच्या दुसऱ्या इनिंगमध्ये केएल राहुलनेही यशस्वी जैस्वालसोबत खूप धमाल केली. पहिल्या डावात दुर्दैवाने बाद झालेल्या राहुलने यशस्वी फलंदाजी करत 153 चेंडूत 62 धावांची नाबाद खेळी केली. केएल राहुलनेही या डावात चार उत्कृष्ट चौकार मारले.

हेही वाचा : बुम बुम बुमराह! कांगारूंच्या तोंडचा घास हिसकावला; मॅच फिरवायला लागतं वाघाचं काळीजं, जे दाखवलं भारतीय कर्णधाराने

Web Title: Video yashasvi jaiswals rocket launcher six the ball fell 100 meters away nathan lyon was left sweating

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com