भारतीयांविरुद्ध Racist पोस्ट करणाऱ्या Barry Stanton’चे एक्स अकाउंट सस्पेंड

बॅरी स्टँटनने भारतीयांविरुद्ध रेसिस्ट पोस्ट शेअर करण्यासाठी सोशल मीडिया प्लॅटफॉर्म X चा वापर केला. त्याच्या खात्यावर भारतीयांबद्दल अनेक अश्लील गोष्टी लिहिल्या गेल्या. स्टँटनने भारतीयांविरुद्ध द्वेष पसरवण्यासाठी 1.8 लाख फॉलोअर्स असलेले खाते वापरले. आता यावर कारवाई करण्यात आली आहे. X ने खात्यावर बंदी घातली आहे. कोण आहे बॅरी स्टँटन? जाणून घ्या.

Follow Us:

Follow Us:

एलॉन मस्कच्या एक्स प्लॅटफॉर्मने बॅरी स्टँटनच्या खात्यावर बंदी घातली आहे. बॅरी स्टँटनने त्याच्या एक्स हँडलवर भारतीयांबद्दल वर्णद्वेषी (Racist) पोस्ट केल्या होत्या, ज्यामध्ये अनेक वर्णद्वेषी (Racist) व्यंगचित्रे देखील समाविष्ट होती, या पोस्ट्समध्ये भारतीयांना उघड्यावर शौचास जाताना दाखवण्यात आले होते. पाश्चिमात्य देशांतून भारतीयांना कसे पळवून लावायचे हेही सांगितले. यानंतर या पोस्ट व्हायरल झाल्या आणि त्याचा भारतात निषेध करण्यात आला. त्यांनतर आताएक्सने या अकाउंटवर कारवाई केली आहे.

भारतीयांसाठी केलेल्या वर्णद्वेषी पोस्ट

बॅरी स्टँटनने भारतीयांविरुद्ध वर्णद्वेषी पोस्ट शेअर करण्यासाठी सोशल मीडिया प्लॅटफॉर्म एक्सचा चुकीचा वापर केला. स्टँटनने भारतीयांविरुद्ध द्वेष पसरवण्यासाठी 1.8 लाख फॉलोअर्स असलेले अकाउंट वापरले. हे अकाउंट एक्सद्वारे देखील व्हेरिफाय केले गेले. या पोस्ट्सनंतर हजारो वेळा त्याची तक्रार आणि मेल करण्यात आली. त्यानंतर एक्सने अकाउंट बंद करण्याचा निर्णय घेतला.

हेदेखील वाचा – व्हॉट्सॲपची चिंता वाढली, एलॉन मस्कच्या X’ वर आता करता येणार Audio-Video Calls!

बॅरी स्टँटनचे एक्स खाते सस्पेंड

काही भारतीय ज्यांनी पूर्वी एक्सवर त्याच्या वर्णद्वेषी पोस्टची तक्रार केली होती त्यांना सोशल मीडिया कंपनीकडून ईमेल प्राप्त झाले होते की युजर्सचे कंटेंट कंपनीच्या सामाजिक धोरणांचे उल्लंघन करत आहे. एक्स मालक इलॉन मस्कवरही भारतीयांकडून सतत दबाव टाकला जात होता. परिणामी, आता अकाउंट बंद करण्यात आले.

हेदेखील वाचा – अंबानींची भेट! Jio सेटअप बॉक्सवर 800 हून अधिक टीव्ही चॅनेल फ्रीमध्ये मिळणार

बॅरी स्टँटन कोण आहे?

बॅरी स्टँटनच्या एक्स बायोमध्ये दावा केला आहे की, तो ब्रिटिश नागरिक आहे आणि पाच मुलांचा बाप आहे. तथापि, खात्यावरील ऍक्टिव्हिटीज काही वेगळेच सूचित करत आहे. असे दिसते की बॅरी स्टँटन हे एक बनावटी नाव असून याचा वापर ट्रोलिंगसाठी जात आहे.

Web Title: Barry stantons x account suspended for posting racist posts against indians

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com