बुधवार, 11 नोव्हेंबर 2026
(फोटो सौजन्य – Instagram)
सोशल मीडियावर नेहमीच अनेक अजब-गजब व्हिडिओज व्हायरल होत असतात. इथे अनेकदा अशा गोष्टी शेअर केल्या जातात ज्यांचा आपण कधी विचारही केला नसेल. तर काही व्हिडिओ असे असतात जे आपल्याला खळखळून हसवतात. आताही इथे एक असाच व्हिडिओ व्हायरल झाला आहे, ज्यातील दृश्ये तुम्हाला हास्याने लोटपोट करतील. व्हिडिओत एक आजी रुग्णालयात बसून भलताच पराक्रम करताना दिसली जो पाहून अनेकजण आश्चर्यचकित झाले तर काहींना हसू अनावर झाले. चला व्हिडिओत नक्की काय घडले ते सविस्तर जाणून घेऊया.
काय आहे व्हिडिओ?
सोशल मीडियावर दररोज काही ना काही व्हिडिओ व्हायरल होत असतात, पण काही व्हिडिओ एक खास छाप सोडतात. अलिकडेच एक व्हिडिओ व्हायरल झाला आहे ज्यामध्ये एक वृद्ध महिला रुग्णालयाच्या बेडवर झोपलेली आहे. यावेळी तिच्या नाकात पाईप आहे, ज्यावरून तो गंभीर स्थितीत असल्याचे दिसून येते. असे असूनही, ती तिचा छंद पूर्ण करण्यात व्यस्त आहे. व्हिडिओमध्ये ती हॉस्पिटलच्या बेडवर झोपलेली असताना मेकअप करताना दिसत आहे. आजीचा हा पराक्रम आता सोशल मीडियावर चांगलाच व्हायरल झाला असून लोक आता हा व्हिडिओ वेगाने शेअर करत यातील दृश्याची मजा लुटत आहेत.
व्हिडिओमध्ये आजी लिपस्टिक, ब्लश आणि इतर मेकअप लावताना दिसत आहे. हे पाहून लोक आश्चर्यचकित होतात आणि प्रेरणाही घेतात. या व्हिडिओने हे सिद्ध केले की छंद आणि आवडी वय किंवा परिस्थितीवर अवलंबून नसतात. हा व्हिडिओ फक्त मनोरंजनासाठी नाही तर प्रेरणा देण्यासाठी आहे. आजीची गोष्ट आपल्याला सांगते की परिस्थिती कशीही असो, छंद आणि आनंद जिवंत ठेवला पाहिजे. तिचे मेकअपवरील प्रेम आणि सकारात्मकता दर्शवते की जीवन जगणे आणि प्रत्येक परिस्थितीत आनंदी राहणे शक्य आहे. हा व्हिडिओ आपल्याला आठवण करून देतो की खरे सौंदर्य आपल्या विचारांमध्ये आणि जीवनाकडे पाहण्याच्या आपल्या दृष्टिकोनात असते.
View this post on Instagram
हा व्हायरल व्हिडिओ @comedymemes_squad नावाने इंस्टाग्राम अकाऊंटवरून शेअर करण्यात आला आहे. व्हिडिओला आतापर्यंत लाखो व्युज मिळाल्या असून अनेकांनी व्हिडिओच्या कमेंट सेक्शनमध्ये आजीच्या मेकअपवर आपल्या प्रतिक्रिया व्यक्त केल्या आहेत. एका युजरने लिहिले आहे, “आश्चर्यकारक आजी” तर दुसऱ्या युजरने लिहिले आहे, “यमराजाला फसवण्याचा सर्वतोपरी प्रयत्न केला जात आहे”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत योग्य नाही वा आमचा कोणताही दावा नाही.
