(फोटो सौजन्य: Instagram)
तुम्ही वाळवंटात वसलेला महाल कधी पाहिला आहे का? नसेल तर आता तुम्हाला तो पाहता येणार आहे. कॅलिफोर्नियाच्या वाळवंटातील जोशुआ ट्रीमधील “इनविजिबल हाउस” आजकाल सोशल मीडियावर धुमाकूळ घालत आहे. ते दिवसाही अदृश्य असते, परंतु एका सेल्फीची किंमत $10,000 (8.78 लाख रुपये) आहे! टिकटॉकर शॉन डेव्हिसने खुलासा केला की या $2,400 प्रति रात्रीच्या काचेच्या घरात सेल्फी काढण्यासाठी त्याला $10,000 खर्च आला. हा भविष्यकालीन शीश महाल नेटफ्लिक्सच्या “World’s Most Amazing Vacation Rentals” मध्ये प्रदर्शित झाला आहे आणि डेमी लोवाटो आणि लिझो सारख्या सेलिब्रिटी देखील तिथे राहिले आहेत. याचा व्हिडिओ व्हायरल होताच आता लोक याला “हा एक हॉरर शो’ असल्याच्या प्रतिक्रिया देत आहेत.
शॉनच्या मित्राच्या गर्ल्फ़्रेंडने बाथरूममध्ये सेल्फी काढला आणि तो इंस्टाग्रामवर पोस्ट केला, ज्यानंतर होस्टने याला कमर्शियल यूज मनात तिला १०,००० दंड ठोठावला! शॉन ओरडला, “आम्ही बाहेर फोटो काढला, सेल्फी काढण्यात काय मोठी गोष्ट आहे?” न्यू यॉर्क पोस्टनुसार, होस्टचा नियम स्पष्ट आहे – परवानगीशिवाय फोटो काढू नका, नाहीतर तुमचा खिशातून खर्च येईल! हे घर वाळवंटातील आरशासारखे चमकते, परंतु नियम इतके कडक आहेत की सेल्फी देखील महागात पडतो.
शॉन म्हणाला, “हा महाल दिवसा छान दिसतो, पण रात्री याच्या भिंती पारदर्शक होतात – बाहेरचे लोक आत पाहू शकतात, पण आपण पाहू शकत नाही!” शिवाय, रात्रभर घर गगनचुंबी इमारतीसारखे कर्कश आवाज करते, ज्यामुळे झोपणे कठीण होते! $२,४०० भरल्यानंतरही, निद्रानाश कायम आहे. याचा व्हिडिओ व्हायरल झाल्यानंतर लोक म्हणत आहेत, “वाळवंटातील शिशमहाल तर भुतिया निघाला!” सेलिब्रिटींचे आकर्षण असूनही, गेस्ट त्याला एक नाइटमेर म्हणत आहेत.
View this post on Instagram
दरम्यान या महालाचा व्हिडिओ @stayfieldtrip नावाच्या इंस्टाग्राम अकाऊंटवरून शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “हाय-डेझर्टच्या ७ स्थापत्य चमत्कारांपैकी एक!” तर दुसऱ्या युजरने लिहिले आहे, “हे माझ्या स्वप्नातील घर आहे” आणखीन एका युजरने लिहिले आहे, “मला आठवतंय जेव्हा जोश ब्लॉक तिथेच राहिला होता”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
