गुरुवार, 5 नोव्हेंबर 2026
Pakistan Saudi deal: सौदी अरेबिया आणि पाकिस्तानमध्ये मोठा संरक्षण करार; भारतीय परराष्ट्र मंत्रालयाची पहिली प्रतिक्रिया आली समोर ( फोटो सौजन्य : सोशल मीडिया)
Saudi Pakistan Defence Pact : सौदी अरेबिया आणि पाकिस्तानमध्ये झालेल्या ऐतिहासिक संरक्षण कराराने संपूर्ण आशियाचे लक्ष वेधून घेतले आहे. हा करार केवळ लष्करी सहकार्यापुरता मर्यादित नाही, तर त्यामध्ये नाटोसारखी सुरक्षा हमी दिली गेली आहे. म्हणजेच, जर एका देशावर हल्ला झाला तर तो आपोआप दोन्ही देशांवर झालेला मानला जाणार आणि संयुक्तपणे प्रत्युत्तर दिले जाणार. या करारावर भारताच्या परराष्ट्र मंत्रालयाने अधिकृत प्रतिक्रिया देत म्हटले आहे की भारत या घडामोडीकडे गंभीरतेने लक्ष ठेवून आहे आणि राष्ट्रीय सुरक्षेच्या दृष्टीने आवश्यक त्या पावले उचलण्यास वचनबद्ध आहे.
रियाध येथे सौदी अरेबियाचे क्राउन प्रिन्स मोहम्मद बिन सलमान आणि पाकिस्तानचे पंतप्रधान शहबाज शरीफ यांच्या उपस्थितीत हा करार झाला. या करारानंतर दोन्ही देशांनी एकत्रित निवेदन करून सांगितले की त्यांचा उद्देश केवळ स्वतःची सुरक्षा बळकट करणे नाही, तर संपूर्ण प्रदेशात आणि जगात शांतता आणि स्थिरता प्रस्थापित करण्याचा आहे. या कराराचा एक महत्त्वाचा भाग म्हणजे संरक्षण महामंडळाची स्थापना, ज्याद्वारे आधुनिक शस्त्रे, नवीन तंत्रज्ञान, गुप्तचर माहिती आणि सुरक्षा धोरणांवर एकत्रित काम केले जाईल.
#BREAKING: Crown Prince Mohammed bin Salman and Pakistan’s Prime Minister Shehbaz Sharif sign the Joint Strategic Defense Agreement pic.twitter.com/BoQiqnuPTP — Saudi Gazette (@Saudi_Gazette) September 17, 2025
credit : social media
जागतिक घडामोडी संबंधित बातम्या वाचण्यासाठी येथे क्लिक करा : Zapad 2025 : ‘भारताच्या ‘अशा’ निर्णयाने अमेरिका अवाक्…’ पुतिन स्वतः पोहोचले ग्राउंड झिरोवर; संपूर्ण जगभर हलकल्लोळ
भारताच्या परराष्ट्र मंत्रालयाचे प्रवक्ते रणधीर जयस्वाल यांनी पत्रकार परिषदेत प्रतिक्रिया देताना सांगितले की, “सरकारला या कराराची माहिती आहे. हा करार दोन्ही देशांमधील दीर्घकालीन संबंधांना औपचारिकता देतो. भारत आता या कराराचा राष्ट्रीय सुरक्षा, प्रादेशिक आणि जागतिक स्थिरतेवर काय परिणाम होईल याचा काळजीपूर्वक अभ्यास करेल.”
जयस्वाल यांनी पुढे स्पष्ट केले की, भारत आपल्या राष्ट्रीय हितांचे रक्षण करण्यासाठी आणि सुरक्षेच्या कोणत्याही आव्हानाला तोंड देण्यासाठी पूर्णपणे सज्ज आहे. ही भूमिका भारताच्या नेहमीच्या धोरणाशी सुसंगत आहे, कारण भारताला शेजारी देश पाकिस्तानसोबतच्या संबंधांची आणि त्याच्या लष्करी हालचालींची संवेदनशीलता माहीत आहे.
Our response to media queries on reports of the signing of a strategic mutual defence pact between Saudi Arabia and Pakistan
🔗 https://t.co/jr2dL0L4xP pic.twitter.com/Exlrm4wBEw — Randhir Jaiswal (@MEAIndia) September 18, 2025
credit : social media
तज्ज्ञांच्या मते, या करारामुळे पाकिस्तानला मोठा फायदा होऊ शकतो. सौदी अरेबियासारख्या आर्थिकदृष्ट्या सक्षम आणि तंत्रज्ञानाने प्रगत देशाशी भागीदारी केल्याने पाकिस्तानच्या संरक्षण क्षमतेत भर पडणार आहे. सौदी अरेबियाला मात्र या करारातून इस्लामिक जगतात आपले नेतृत्त्व बळकट करण्याची संधी मिळेल.
भारतासाठी मात्र या घडामोडींचा अर्थ वेगळा आहे. भारताने गेल्या काही वर्षांत सौदी अरेबियाशी व्यापार, गुंतवणूक आणि ऊर्जा क्षेत्रात मजबूत संबंध प्रस्थापित केले आहेत. पण पाकिस्तानसोबत झालेला हा संरक्षण करार भविष्यात भारत–सौदी संबंधांवर परिणाम करू शकतो का? हा प्रश्न महत्त्वाचा ठरतो.
मध्य पूर्व आणि दक्षिण आशियातील भू-राजकीय परिस्थिती आधीच गुंतागुंतीची आहे. इराण, इस्रायल, चीन, अमेरिका अशा अनेक देशांच्या हितसंबंधांमध्ये हा परिसर गुंफलेला आहे. आता सौदी–पाकिस्तान करारामुळे नवे समीकरण तयार होणार आहे.
भारत आधीपासूनच स्वदेशी संरक्षण क्षमतांच्या विकासावर भर देत आहे. “मेक इन इंडिया” अंतर्गत अनेक आधुनिक शस्त्रे आणि तंत्रज्ञान विकसित केले जात आहे. त्याचबरोबर भारताचे अमेरिका, फ्रान्स, इस्रायल यांसारख्या देशांशी संरक्षण क्षेत्रातील मजबूत संबंध आहेत. त्यामुळे पाकिस्तान–सौदी कराराचा भारतावर तातडीने थेट परिणाम होणार नाही, पण दीर्घकालीन रणनीतीसाठी भारताला सतत सजग राहावे लागेल.
जागतिक घडामोडी संबंधित बातम्या वाचण्यासाठी येथे क्लिक करा : Shandong sky : चीनच्या आकाशात आता कोणी पाठवला धगधगता आगीचा गोळा? पाहा क्षेपणास्त्र हल्ल्याचा VIRAL VIDEO
साध्या नागरिकांच्या दृष्टीने पाहिले तर अशा करारांमुळे शस्त्रस्पर्धा वाढण्याची शक्यता असते. एखादा देश स्वतःची सुरक्षा वाढवण्यासाठी शस्त्रे आणि तंत्रज्ञान आणतो, तर त्याच्या प्रतिस्पर्धी देशाला देखील तशीच पावले उचलावी लागतात. याचा परिणाम म्हणजे प्रदेशातील शांततेवर ताण येतो. म्हणूनच भारताने “राष्ट्रीय सुरक्षा” या शब्दासोबतच “जागतिक स्थिरता” हा मुद्दाही अधोरेखित केला आहे.
सौदी अरेबिया आणि पाकिस्तानमधील हा नवा संरक्षण करार हा फक्त दोन देशांमधील समझोता नाही, तर संपूर्ण प्रदेशाच्या सुरक्षा समीकरणाला नवे वळण देणारा आहे. भारताने योग्य वेळी प्रतिक्रिया देऊन आपली चिंता आणि सजग भूमिका स्पष्ट केली आहे. येत्या काळात या कराराचे परिणाम प्रत्यक्षात कसे दिसतील, हे पाहणे महत्त्वाचे ठरेल. मात्र एक गोष्ट निश्चित आहे भारत आपल्या राष्ट्रीय सुरक्षेवर तडजोड करणार नाही आणि प्रत्येक पातळीवर सज्ज राहणार आहे.
