कॅनडातील थिएटरमध्ये गोळीबार आणि आग (फोटो सौजन्य - X.com)
कॅनडातील ओकव्हिल येथील एका सिनेमागृहावर एका आठवड्यात दोनदा हल्ला झाला. प्रथम थिएटरला आग लावण्यात आली आणि त्यानंतर जोरदार गोळीबार करण्यात आला. भारतीय चित्रपटांच्या प्रदर्शनादरम्यान या घटना घडल्या. गोळीबारानंतर, भारतीय चित्रपटांचे प्रदर्शन थांबवण्यात आले.
ओकव्हिलस्थित Film Ica या हल्ल्यांचा संबंध दक्षिण आशियाई चित्रपटांच्या प्रदर्शनाशी जोडत आहे. त्यानंतर ऋषभ शेट्टी यांच्या “कंतारा: अ लेजेंड चॅप्टर १” आणि पवन कल्याण यांच्या “दे कॉल हिम ओजी” चे प्रदर्शन थांबवण्यात आले. गोळीबार आणि जाळपोळीच्या या घटनांमागे खलिस्तानी दहशतवाद्यांचा हात असल्याचा संशय व्यक्त करण्यात आला आहे.
२५ सप्टेंबर रोजी पहिला हल्ला
२५ सप्टेंबर रोजी सकाळी ५:२० च्या सुमारास थिएटरला प्रथम लक्ष्य करण्यात आले. हॅल्टन पोलिसांच्या म्हणण्यानुसार, थिएटरच्या प्रवेशद्वारावर दोन संशयित हातात ज्वलनशील पदार्थ घेऊन दिसले. पहिल्या हल्ल्यात मोठे नुकसान झाले नाही, कारण आग थिएटरच्या बाहेरील भागातच मर्यादित होती.
भारत-कॅनडा संबंध पुन्हा होताहेत दृढ; जयशंकर यांनी घेतली अनिता आनंद यांची भेट घेतली
बुधवारी पुन्हा गोळीबार आणि जाळपोळ सुरू झाली
दुसरा हल्ला बुधवार, २ ऑक्टोबर रोजी सकाळी १:५० वाजता एका संशयिताने थिएटर इमारतीच्या प्रवेशद्वारावर अनेक गोळ्या झाडल्या. पोलिसांच्या म्हणण्यानुसार, संशयिताची ओळख काळी वस्त्रे परिधान केलेला आणि तोंडावर मास्क घातलेला एक काळसर, जाडजूड व्यक्ती म्हणून झाली आहे.
सीसीटीव्ही व्हिडिओमध्ये दोन संशयित उघडकीस आले आहेत
Film.ca ने ऑनलाइन शेअर केलेल्या सीसीटीव्ही व्हिडिओमध्ये पहाटे २ वाजता एक राखाडी एसयूव्ही थिएटरच्या बाहेर येत असल्याचे दाखवले आहे. हुडी घातलेला एक माणूस त्यामधून थिएटरच्या प्रवेशद्वाराकडे चालत जातो आणि नंतर पळून जातो. तीच एसयूव्ही दोनदा पार्किंगमध्ये परत येते. पहाटे ५:१५ वाजता एक पांढरी एसयूव्ही येते. थोड्याच वेळात, व्हिडिओमध्ये दोन पुरुष थिएटरच्या प्रवेशद्वाराजवळ येत असल्याचे दाखवले आहे. ते एका लाल कंटेनरमधून ज्वलनशील पदार्थ शिंपडतात आणि माचीसच्या काडीने ते पेटवतात आणि पळून जातात.
भारत-कॅनडा संबंधावर खलिस्तानी नाराज? व्हॅंकुव्हरमधील भारतीय दूतावास ताब्यात घेण्याची धमकी
भारतीय चित्रपटांवर बंदी घालण्याची एसएफजेची मागणी
कॅनेडियन चित्रपटगृहांमध्ये जाळपोळ आणि गोळीबाराच्या सततच्या घटनांमध्ये, सिख फॉर जस्टिस (एसएफजे) ने कॅनडामध्ये सर्व “मेड इन इंडिया” चित्रपट आणि उत्पादनांवर बंदी घालण्याची घोषणा केली आहे. याआधीदेखील कॅनडातील काही थिएटरमध्ये अशा पद्धतीच्या घटना घडल्या आहेत. काही मुखवटा घातलेल्या पुरूषांनी थिएटरमध्ये घुसून अज्ञात फवारणी करत थिएटरची नासधुसही केली होती. त्यामुळे अशा घटना कॅनडात नव्या नाहीत. मात्र एकाच आठवड्यात ही घटना दोन वेळा घडल्याने चित्रपटाच्या स्क्रिनिंगवर बंदी घालण्यात आली आहे.
