इम्रान खान आणि त्याची पत्नी तुरुंगात; एकाला 14 वर्षांची तर दुसऱ्याला 7 वर्षांची शिक्षा, पाकिस्तानात प्रचंड गोंधळ

पाकिस्तानचे माजी पंतप्रधान इम्रान खान यांना भ्रष्टाचार प्रकरणी 14 वर्षांची तर त्यांच्या पत्नीला 7 वर्षांची शिक्षा सुनावण्यात आली आहे. अल कादिर युनिव्हर्सिटी ट्रस्टशी संबंधित भ्रष्टाचार प्रकरणात ही शिक्षा सुनावण्यात आली.

इम्रान खान आणि त्याची पत्नी तुरुंगात; एकाला 14 वर्षांची तर दुसऱ्याला 7 वर्षांची शिक्षा, पाकिस्तानात प्रचंड गोंधळ ( फोटो सौजन्य : सोशल मीडिया)

Follow Us:

Follow Us:

इस्लामाबाद : पाकिस्तानचे माजी पंतप्रधान इम्रान खान यांना भ्रष्टाचाराच्या एका प्रकरणात न्यायालयाने 14 वर्षांच्या तुरुंगवासाची शिक्षा सुनावली आहे. अल कादिर युनिव्हर्सिटी ट्रस्टशी संबंधित 190 दशलक्ष पौंड घोटाळ्यात ही शिक्षा देण्यात आली आहे. याशिवाय त्यांची पत्नी बुशरा बीबी हिलाही या प्रकरणात दोषी ठरवून 7 वर्षांची शिक्षा सुनावण्यात आली आहे. मोठ्या प्रमाणावर झालेला भ्रष्टाचार पाहता न्यायालयाने हा निर्णय दिला आहे. पाकिस्तानचे माजी पंतप्रधान इम्रान खान यांना भ्रष्टाचार प्रकरणी 14 वर्षांची तर त्यांच्या पत्नीला 7 वर्षांची शिक्षा सुनावण्यात आली आहे. अल कादिर युनिव्हर्सिटी ट्रस्टशी संबंधित भ्रष्टाचार प्रकरणात ही शिक्षा सुनावण्यात आली आहे.

पाकिस्तानच्या अल-कादिर ट्रस्ट प्रकरणात न्यायालयाने माजी पंतप्रधान इम्रान खान यांना 14 वर्षांचा तुरुंगवास आणि 10 लाख रुपयांचा दंड ठोठावला आहे. त्यांची पत्नी बुशरा बीबी हिलाही 7 वर्षांची शिक्षा आणि 5 लाखांचा दंड ठोठावण्यात आला आहे. डिसेंबर 2023 मध्ये पाकिस्तानच्या नॅशनल अकाउंटेबिलिटी ब्युरोने (एनएबी) हा गुन्हा नोंदवला होता. 72 वर्षीय खान, 50 वर्षीय बुशरा बीबी आणि इतर 6 जणांनी मिळून 190 दशलक्ष पौंड (सुमारे 50 अब्ज पाकिस्तानी रुपये) राष्ट्रीय तिजोरीचे नुकसान केल्याचा आरोप आहे.

दोघेही अल-कादिर ट्रस्ट भ्रष्टाचार प्रकरणात आरोपी आहेत

अल-कादिर ट्रस्ट प्रकरण हा पाकिस्तानातील सर्वात मोठा आर्थिक घोटाळा आहे. इम्रान खान आणि त्यांची पत्नी बुशरा बीबी यांच्यासह एका प्रॉपर्टी व्यावसायिकाने सरकारी पैशांचा गैरवापर केल्याचा आरोप आहे. या प्रकरणातील इतर आरोपी देशाबाहेर आहेत, त्यामुळे इम्रान खान आणि बुशरा बीबी यांच्यावरच खटला चालवला जात आहे.

हा खरा वादाचा मुद्दा आहे

अल-कादिर ट्रस्ट भ्रष्टाचार प्रकरण पाकिस्तानातील सर्वात वादग्रस्त प्रकरणांपैकी एक आहे. 50 अब्ज पाकिस्तानी रुपयांचा गैरवापर केल्याचा आरोप आहे. ही रक्कम ब्रिटनच्या नॅशनल क्राईम एजन्सीने पाकिस्तानला परत केली. वैयक्तिक फायद्यासाठी हा पैसा एका प्रॉपर्टी टायकूनला दिल्याचा आरोप आहे. झेलममधील अल-कादिर विद्यापीठासाठी जमीन खरेदी करण्यासाठी त्याचा वापर करण्यात आला. हे विद्यापीठ इम्रान खान आणि त्यांची पत्नी बुशरा बीबी यांनी मिळून बांधले आहे.

जागतिक घडामोडी संबंधित बातम्या वाचण्यासाठी येथे क्लिक करा : रशिया तिसऱ्या महायुद्धाच्या तयारीत! व्लादिमीर पुतिन यांच्या सर्वात विश्वासू व्यक्तीने दिला इशारा

बुशरा बीबी यांच्यावर आरोप

बुशरा बीबी या अल-कादिर ट्रस्टच्या विश्वस्त आहेत, त्यांच्यावर ट्रस्टच्या एका करारातून वैयक्तिक लाभ मिळवल्याचा आरोप आहे. ट्रस्टने 458 कनल जमीन संपादित केली होती, ज्याचा वापर विद्यापीठ उभारण्यासाठी केला जात होता. या जमिनीचा जो पैसा राष्ट्रीय तिजोरीत जायला हवा होता, तो खासगी प्रकल्पांमध्ये गुंतवण्यात आल्याचा आरोप आहे.

इम्रान खान तुरुंगात

रावळपिंडीच्या भ्रष्टाचार विरोधी न्यायालयाने इम्रान खानला 14 वर्षांची शिक्षा सुनावली आहे. न्यायालयाने म्हटले की, इम्रानने निधीचा गैरवापर केला, त्यामुळे राष्ट्रीय तिजोरीचे नुकसान झाले.

जागतिक घडामोडी संबंधित बातम्या वाचण्यासाठी येथे क्लिक करा : US Visa Policy, अमेरिकेच्या H-1B व्हिसातील बदलांचा भारतीय व्यावसायिकांना होणार मोठा फायदा; अमेरिकन कंपनीत नोकरीच्या संधी

मोठा राजकीय धक्का

हा निर्णय इम्रान खानसाठी मोठा राजकीय धक्का आहे. पाकिस्तानमधील भ्रष्टाचाराविरुद्ध हे महत्त्वाचे पाऊल मानले जात आहे. याचा देशाच्या राजकारणात आणि सरकारी कामातील पारदर्शकतेवर मोठा परिणाम होऊ शकतो. शिवाय, पुढील कायदेशीर कारवाईची शक्यताही वाढली आहे.

मोठा गदारोळ होऊ शकतो

गेल्या वर्षी नोव्हेंबरमध्ये इम्रान खानची तुरुंगातून सुटका व्हावी यासाठी पाकिस्तानात मोठी निदर्शने झाली होती. या निदर्शनांमुळे हिंसाचार झाला आणि हजारो पीटीआय कार्यकर्त्यांना अटक करण्यात आली. मे महिन्यात आणखी एका निदर्शनादरम्यान कार्यकर्ते लष्कराच्या मुख्यालयात पोहोचले. आता न्यायालयाच्या नव्या निर्णयाबाबतही अशीच निदर्शने आणि हिंसाचार होण्याची भीती व्यक्त केली जात आहे.

Web Title: Imran khan and his wife in jail one sentenced to 14 years and the other to 7 years huge uproar in pakistan nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com