मच्छीमारांना सागरी सीमा ओलांडणं पडलं महागात ; श्रीलंकन नौदलाकडून अटक, बोटीही जप्त

Indian fishermen arrest : श्रीलंकेने पुन्हा एकदा चार भारतीय मच्छामारांना आंतरराष्ट्रीय सागरी सीमा रेषेचे उल्लंघन करताना ताब्यात घेतले आहे. सध्या या घटनेमुळे भारताची चिंता वाढली आहे.

मच्छीमारांना सागरी सीमा ओलांडणं पडलं महागात ; श्रीलंकन नौदलानकडून अटक, बोटीही जप्त (फोटो सौजन्य: सोशल मीडिया)

Follow Us:

Follow Us:

चेन्नई: भारत आणि श्रीलंकेची सागरी सीमा ही एक आंतरराष्ट्रीय सीमा आहे. यामुळे या आंतरराष्ट्रीय सीमेला परवानगीशिवाय ओलांडणे कायद्याने गुन्हा मानला जातो. दरम्यान तामिळनाडूतील रामेश्वरमच्या मच्छीमारांना मासेमारीसाठी ही आंतरराष्ट्रीय सागरी सीमा ओलांडणे महागात पडले आहे. मिळालेल्या माहितीनुसार, भारतीय मच्छामारांना श्रीलंकेच्या नौदलाने आंतरराष्ट्रीय सागरी सीमारेषेचे (IMBL) उल्लंघन केले आहे. यामुळे या मच्छामारांना श्रीलंकेने ताब्यात घेतले आहे.

मिळालेल्या माहितीनुसार, मंगळवारी (२२ जुलै) पहाटे काही मच्छीमार मासेमारीसाठी समुद्रात गेले होते. यावेळी मच्छामारांनी भारत आणि श्रीलंकेची आंतरराष्ट्रीय सागरी सीमा ओलांडली. मात्र याचवेळी श्रीलंकेच्या नौदलाने त्यांना अडवले आणि अटक केली.

जागतिक घडामोडी संबंधित बातम्या- ‘आम्ही अणुकार्यक्रम सुरूच ठेवू’; युरोपीय देशांशी चर्चेपूर्वी इराणच्या परराष्ट्र मंत्र्यांचा अमेरिकेला संदेश

भारताच्या चिंतेत वाढ

या घटनेमुळे भारताची चिंता वाढली आहे. आयएमबीएलने अवैध मासेमारीच्या आरोपाखाली चार भारतीय मच्छीमारांना सीमा ओलांडून श्रीलंकेच्या सागरी सीमारेषेजवळ पकडले आहे. नौदलाने मच्छीमारांना अटक केली असून त्यांच्या बोटीही जप्त करण्यात आल्या आहेत. त्यांना श्रीलंकेच्या नौदल तळावर नेण्यात आले आहे. सध्या या मच्छामारांविरोधात श्रीलंकेकडून कडक कारवाई केली जात आहे.

मच्छामारांमध्ये चिंता आणि असुरक्षितेची भावना

सध्या या घटनांमध्ये तामिनाडूत मोठ्या प्रमाणात वाढ झाली आहे. आतापर्यंत शेकडोहून अधिक लोकांना सागरी सीमारेषा ओलांडताना अटक करण्यात आली आहे. यापूर्वी  श्रीलंकेच्या नौदलाने २०२४ या वर्षात ४६२ मच्छीमाराना अटक केली होती, तर ६२ बोटी जप्त केल्या होत्या विशेष करुन तामिळनाडूच्या रामनाथपुरमच्या सागरी किनारी भागात या घटना घडल्या आहेत. यामध्ये मच्छामारांच्या समुदायात चिंता आणि असुरक्षितता निर्माण झाली आहे. मच्छीमारांना उदरनिर्वाहासाठी सोमा ओलांडावी लागते असे येथील लोकांचे म्हणणे आहे.

श्रीलंकन नौदलावर तीव्र टीका

दरम्यान या घटनेनंतर स्थानिक मच्छामार संघटनांनी श्रीलंकन नौदलावर तीव्र टीका केली आहे. तसेच यामध्ये केंद्र आणि राज्य सरकारकडून हस्तक्षेपाची मागणी केली जात आहे. दीर्घकाळापासून हा वाद सुरु असून याचे निराकरण करणे गरजेचे असल्याचे संघटनांनी म्हटले आहे.

तसेच संघटनांनी यावर द्विपक्षीय चर्चा आणि राजनैतिक प्रयत्न करण्याचे आवाहन केले आहे. वाढत्या घटनांमध्ये मच्छामारांच्या जीवन आणि साधनांवर गंभीर परिणाम होत आहे. या घटनांमुळे भारत आणि श्रीलंकामध्ये तणावाचे वातावरण निर्माण झाले आहे.

जागतिक घडामोडी संबंधित बातम्या- प्रेम केलं म्हणून मृत्यूदंड? बलुचिस्तानमध्ये जमातीच्या विरोधात गेल्याने जोडप्याची निर्घृण हत्या, VIDEO

Web Title: Indian fishermen arrest by sri lankan navy for crossing imbl

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com