Ismail Azizi Tanzania : मृत्यूला हरवणारा टांझानियन इसम; सहा वेळा ‘मरण पावला’, पण प्रत्येक वेळी जिवंतच परतला ( फोटो सौजन्य : सोशल मीडिया)
Ismail Azizi Tanzanian man died six times : जीवन आणि मृत्यू हा निसर्गाचा शाश्वत नियम आहे. कोणत्याही माणसाने मृत्यू टाळलेला नाही. पण जर कोणी सांगितले की, जगात एक असा माणूस आहे जो सहा वेळा मृत घोषित झाला आणि प्रत्येक वेळी पुन्हा जिवंत झाला, तर हे ऐकून कुणाच्याही अंगावर काटा येईल. ही कहाणी आहे टांझानियातील इस्माईल अजीजीची. त्याच्या आयुष्यात घडलेल्या घटना इतक्या विलक्षण आहेत की, स्थानिक लोकांनी त्याला माणूस नव्हे तर आत्मा समजायला सुरुवात केली.
इस्माईल अजीजी एका कामाच्या ठिकाणी गंभीर जखमी झाला. रुग्णालयात नेल्यानंतर डॉक्टरांनी त्याला मृत घोषित केले. कुटुंबानेही अंत्यविधीची तयारी केली. शवपेटीत ठेवलेला इस्माईल अचानक हलला आणि हळूहळू उठून बसला. लोक भयभीत झाले, पण त्यांचा मुलगा, भाऊ परत आला होता.
जागतिक घडामोडी संबंधित बातम्या वाचण्यासाठी येथे क्लिक करा : अमेरिकेला आर्थिक झटका? भारत-चीन डॉलरविरोधी मोर्चावर; लवकरच येऊ शकते नवीन पेमेंट सिस्टम
काही काळानंतर मलेरियाने इस्माईलला गाठले. यावेळीही डॉक्टरांनी त्याला मृत ठरवले. शवपेटीत ठेवून दफनाची तयारी सुरू असतानाच तो पुन्हा डोळे उघडून जिवंत झाला. दुसऱ्यांदा झालेला हा चमत्कार त्याच्या आयुष्याभोवती गूढतेची जाळी विणू लागला.
नशिबाने इस्माईलला गाठणे थांबवले नव्हते. एका कार अपघातात तो गंभीर जखमी झाला आणि कोमात गेला. डॉक्टरांनी पुन्हा मृत घोषित केले. परंतु काही तासांनी तो पुन्हा श्वास घेऊ लागला. जणू मृत्यू त्याच्यापुढे वारंवार हरत होता.
एका दिवशी सापाने त्याला दंश केला. लोकांनी लगेच मृत मानले आणि शवपेटीत ठेवले. तीन दिवसांनंतरही तो श्वास घेत नव्हता, त्यामुळे सर्वांना खात्री वाटली की यावेळी तो खरंच गेला. पण तिसऱ्या दिवशी त्याने अचानक डोळे उघडले आणि पेटीतून बाहेर आला. गावकरी घाबरले; त्यांच्या नजरेत आता इस्माईल साधा माणूस राहिला नव्हता.
आजाराने पुन्हा एकदा त्याचा जीव घ्यायचा प्रयत्न केला. डॉक्टरांनी मृत घोषित केले, परंतु काही वेळातच तो पुन्हा जिवंत झाला. या घटनेनंतर लोकांच्या मनात शंकेचे सावट आणखी गडद झाले.
सर्वांत भयानक प्रसंग सहाव्यांदा घडला. गावातील लोकांनी त्याला भूत समजून त्याचेच घर जाळून टाकले. घराच्या आत अडकलेल्या इस्माईलचा मृत्यू निश्चित मानला गेला. पण राख झालेल्या घरातून तो पुन्हा जिवंत बाहेर आला. लोकांमध्ये घबराट पसरली.
जागतिक घडामोडी संबंधित बातम्या वाचण्यासाठी येथे क्लिक करा : युक्रेन युद्ध रोखण्यासाठी भारतावर कर लावणे होते आवश्यक; ट्रम्प प्रशासनाचे सर्वोच्च न्यायालयात विवादित विधान
आज इस्माईल अजीजी एकाकी जीवन जगतो. समाजाने त्याला बहिष्कृत केले आहे, कारण लोकांना तो आत्मा किंवा दुष्ट शक्ती वाटतो. त्याच्या आयुष्याची ही सहा वेळची मृत्यू-प्रत्यागमन कहाणी ऐकताना एखादी रहस्यमय कादंबरी वाचल्याचा भास होतो. विज्ञानाने अजून या घटनेचे उत्तर दिलेले नाही, पण लोकांच्या मनात तो ‘अमर माणूस’ ठरला आहे. इस्माईल म्हणतो की, “मी जगू इच्छितो, पण लोक मला माणूस मानायला तयार नाहीत. माझे आयुष्य आता जंगलात आणि एकटेपणातच जात आहे.” जीवन-मृत्यूच्या या अद्भुत प्रवासाने जगाला हादरवून सोडले आहे. हे खरे आहे की मृत्यू नाकारता येत नाही. पण टांझानियाचा इस्माईल अजीजी त्याला सहा वेळा हरवून जगाला एक प्रश्न विचारतो खरंच मृत्यू अंतिम आहे का?
