चीनमध्ये PM मोदी आणि पुतिन यांची दीर्घ बैठक; जाणून घ्या ४० मिनिटांत कोणत्या मुद्यांवर झाली चर्चा?

PM Modi and Putin Meet in China : पंतप्रधान मोदी चीनच्या अधिकृत दौऱ्यावर होते. त्यांचा हा दौरा यशस्वी झाला असून ते भारतात परतण्यासाठी रवाना झाले आहेत. यावेळी त्यांनी रशियाचे अध्यक्ष पुतिन यांची भेट घेतली.

चीनमध्ये PM मोदी आणि पुतिन यांची दीर्घ बैठक; जाणून घ्या ४० मिनिटांत कोणत्या मुद्यांवर झाली चर्चा? (फोटो सौजन्य: सोशल मीडिया)

Follow Us:

Follow Us:

Modi Putin SCO Meet : बीजिंग : पंतप्रधान मोदी चीनला शांघाय सहकार्य संघटना शिखर परिषदेत सहभागी होण्यासाठी गेले होते. चीनचे अध्यक्ष शी जिनपिंग यांच्या आमंत्रणावरुन ही भेट निश्चित झाली होती. दरम्यान यावेळी पंतप्रधान मोदींनी शी जिनपिंग यांच्यासोबत द्विपक्षीय बैठक घेतली.  दोन्ही नेत्यांमध्ये भारत आणि चीनमधील संबंधांना अधिक बळकट करण्यावर चर्चा झाली.

तसेच टॅरिफसारख्या अनेक जागतिक मुद्द्यांवरही दोन्ही नेत्यांनी चर्चा केली. अमेरिकेच्या टॅरिफ धोरणादरम्यान पंतप्रधान मोदींच्या या दौऱ्याला अत्यंत महत्व प्राप्त झाले होते. दरम्यान यावेळी मोदींनी रशियाचे अध्यक्ष व्लादिमिर पुतिन यांचीही भेट घेतली दोन्ही नेत्यांनी द्विपक्षीय संबंधावर चर्चा केली आहे.  दोन्ही नेते चर्चेपूर्वी  बैठकीच्या ठिकाणी एका गाडीतूनच गेले.

‘भारतीय ब्राह्मणांना नफा, सामान्य लोक मात्र…’ ; रशियन तेल खरेदीवरुन पीटर नवारो पुन्हा बरळले

Had an excellent meeting with President Putin on the sidelines of the SCO Summit in Tianjin. Discussed ways to deepen bilateral cooperation in all sectors, including trade, fertilisers, space, security and culture. We exchanged views on regional and global developments, including… pic.twitter.com/DhTyqOysbf — Narendra Modi (@narendramodi) September 1, 2025

पंतप्रधान मोदी आणि पुतिन यांची ४५ मिनिटांची द्विपक्षीय चर्चा

• पंतप्रधान मोदी आणि रशियाचे अध्यक्ष व्लादिमिर पुतिन यांच्याशी ४० ते ४५ मिनिटे द्विपक्षीय चर्चा केली. यावेळी दोन्ही नेत्यांमध्ये अनेक जागतिक मुद्द्यांवर चर्चा झाली.
• परिषदेनंतर पंतप्रधान मोदी आणि पुतिन यांच्या बैठकीचे आयोजन तियानजिनमधील हॉटेल रिट्झ-कार्लटन येथे करण्यात आले होते.
• दरम्यान यावेळी पंतप्रधान मोदींनी जागतिक शांतता, समृद्धी आणि स्थिरतेसाठी भारत आणि रशियाचे घनिष्ठ संबंध अत्यंत महत्वाचे असल्याचे अधोरेखित केले.
• पंतप्रधान मोदींनी पुतिन यांना म्हटले की, तुम्हाला भेटून मला खूप आनंद झाला. ही भेट अविस्मरणीय अनुभव आहे. तुमच्याशी झालेली चर्चा नेहमीच प्रेरणादायी आणि यशस्वी असते. दरम्यान दोन्ही नेतांमध्ये नियमित संपर्क होत असतो. तसेच अनेक उच्चस्तरीय बैठकाही होत असतात, हेही पंतप्रधान मोदींनी अधोरेखित केले.
• दोन्ही नेत्यांनी युक्रेन युद्धावरही चर्चा केली. पंतप्रधान मोदींनी भारत पहिल्यापासूनच शांततेच्या आणि राजनैतिक मार्गाने तोडगा काढवण्यावर विश्वास ठेवतो हे त्यांनी स्पष्ट केले.
• युक्रेन युद्धावर शांतता चर्चांचे देखील पंतप्रधान मोदींनी स्वागत केले. तसेच पुतिन यांच्याकडे संपूर्ण मानवजातीसाठी संघर्ष लवकर संपवण्याची मागणीही पंतप्रधान मोदींनी केली.
• तसेच दोन्ही नेत्यांनी भारत आणि रशियामधील संबंध मजबूत करण्यात आणि कठीण परिस्थितीत खाद्यांला खांदा लावून एकत्र राहिले आहे आणि भविष्यातही राहतील हे स्पष्ट केले.

Modi-Putin Friendship : ये दोस्ती हम नहीं तोडेंगे! पंतप्रधान मोदी आणि अध्यक्ष पुतिन द्विपक्षीय बैठकीला एकाच गाडीतून, PHOTO VIRAL

Web Title: Pm modi and putins meeting in chinas sco summit

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com