BMW F 450 GS भारतात लाँच! दमदार इंजिन, अ‍ॅडव्हेंचर लूक आणि किफायतशीर किंमतीत मिळणार प्रीमियम अनुभव

बीएमडब्ल्यू मोटोराडने भारतीय बाजारात आपली नवी ॲडव्हेंचर बाईक लॉन्च करत बाइकप्रेमींना आकर्षित केले आहे. दमदार परफॉर्मन्स आणि प्रीमियम फीचर्ससह ही बाईक ऑफ-रोडिंग आणि डेली राइडसाठी उत्तम पर्याय ठरते.

BMW F 450 GS भारतात लाँच! दमदार इंजिन, अ‍ॅडव्हेंचर लूक आणि किफायतशीर किंमतीत मिळणार प्रीमियम अनुभव

Follow Us:

Follow Us:

• BMW F 450 GS ही 450cc ट्विन-सिलिंडर इंजिनसह 48hp पावर देणारी दमदार ॲडव्हेंचर बाईक आहे.
• या बाईकमध्ये GS डिझाईन, फुल LED हेडलाईट आणि ऑफ-रोडिंगसाठी खास सस्पेंशन सेटअप देण्यात आला आहे.
• 4.70 लाख रुपयांपासून सुरू होणाऱ्या किंमतीत ही बाईक तीन व्हेरिअंटमध्ये उपलब्ध आहे.

घरालाही वीज देईल BMW ची ‘ही’अनोखी कार; 10 मिनिटांच्या चार्जिंगवर धावणार 400km! पाहा ‘हे’ अजब फीचर्स

BMW F 450 GS चे डिझाईन कसे आहे?

BMW F 450 GS मध्ये कंपनीचे लोकप्रिय GS डिझाईन पाहायला मिळत आहे. यामुळे बाईकला एक मजबूत आणि खास लुक मिळतो. बाईकच्या समोरील बाजूला X आकाराची फुल एलईडी हेडलाईट देण्यात आली आहे. तसेच, याचे खास बीक आणि बॉडी पॅनल्स याला एक एडवेंचर बाईकवाला लूक देतात. बाईकचा मागील भाग निमुळता ठेवण्यात आला आहे आणि यामध्ये 14-लीटरचा फ्यूल टँक देण्यात आला आहे. बीएमडब्ल्यू ही बाईक बेस, एक्सक्लुझिव्ह आणि जीएस ट्रॉफी या तीन व्हेरिएंटमध्ये सादर करत आहे. यामध्ये वेगवेगळे रंगसंगती आणि किरकोळ बदल पाहायला मिळत आहेत.  (फोटो सौजन्य – BMW) 

इंजिन आणि परफॉर्मंस

BMW F 450 GS मध्ये नवीन 450cc चे ट्विन-सिलिंडर इंजिन देण्यात आले आहे. हे इंजिन 48hp ची पावर आणि 43nm चे टॉर्क निर्माण करते. हे इंजिन 6-स्पीड गियरबॉक्ससह जोडण्यात आले आहे. तसेच यामध्ये स्मूद राइडिंगसाठी खास तंत्रज्ञानाचा वापर करण्यात आला आहे. BMW F 450 GS ची टॉप स्पीड 165 किमी प्रति तास आहे. कंपनीने यामध्ये शिफ्ट असिस्टेंट प्रो दिले आहे, ज्यामुळे क्लचशिवाय गियर बदलले जाऊ शकतात आणि यासोबतच ERC देखील आहे. हे फीचर कमी वेगाने बाईक चालवणं अधिक सोपं करत आणि राईडरचा थकवा देखील दूर करते.

फ्रेम आणि सस्पेंशन

BMW F 450 GS एक ट्यूबुलर स्टील फ्रेमवर तयार करण्यात आली आहे. ज्यामुळे मजबूती आणि हलके वजन यांच्यामध्ये संतुलन राहते. यामध्ये समोरील बाजूला अपसाइड-डाउन फोर्क्स आणि मागील बाजूला एडजस्टेबल मोनोशॉक सस्पेंशन देण्यात आला आहे. ब्रेकिंगसाठी यामध्ये समोर 4-पिस्टन कॅलीपरसह सिंगल डिस्क आणि मागील बाजूला डिस्क ब्रेक दिला आहे, जो ABS प्रो सपोर्टसह येतो. अधिक चांगल्या ऑफ-रोडिंगसाठी यामध्ये 19-इंच फ्रंट आणि 17-इंचाचा रियर व्हील देण्यात आला आहे, जिथे डुअल-पर्पज टायर लावले आहेत. या बाईकच्या सीटची उंची 845mm, व्हीलबेस 1465mm आणि ग्राउंड क्लीयरेंस 220mm आहे.

Rolls-Royce Cullinan च्या मागील सीटवर बसण्यास मनाई! करोडोंच्या कारबाबत कंपनीचा गंभीर इशारा; नेमकं कारण काय?

व्हेरिअंट आणि एक्स-शोरूम किंमत

• बीएमडब्ल्यू एफ 450 जीएस बेस व्हेरिअंटची किंमत 4,70,000 रुपये आहे.
• बीएमडब्ल्यू एफ 450 जीएस एक्सक्लुझिव्ह व्हेरिअंटची किंमत 4,90,000 रुपये आहे.
• बीएमडब्ल्यू एफ 450 जीएस ट्रॉफी व्हेरिअंटची किंमत 5,30,000 रुपये आहे.

Web Title: Bmw launches f 450 gs in india affordable adventure bike with powerful performance and premium features

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com