फोटो सौजन्य: @InfoAutoAr (X.com)
भारतीय बाजारात दुचाकींच्या विक्रीत झपाट्याने वाढ होत आहे. यातही बाईकपेक्षा स्कूटरला ग्राहकांचा चांगला पाठिंबा मिळत आहे. याचे कारण म्हणजे बाईकपेक्षा स्कूटर चालवण्यात सोयीस्कर असते. तसेच ट्रॅफिकमध्ये स्कूटरला हॅण्डल करणे सोपे असते. त्यात आता अनेक दुचाकी उत्पादक कंपन्या मार्केटमध्ये बाईकला लाजवेल अशा लूक आणि परफॉर्मन्स असणाऱ्या स्कूटर लाँच करत आहे. यातच आता होंडाने नवीन ॲडव्हेंचर स्कूटर सादर केली आहे.
होंडाने मलेशियामध्ये त्यांची ॲडव्हेंचर स्टाइल स्कूटर 2025 Honda ADV 350 सादर केली आहे. जपानी बाईक उत्पादक कंपनीने या स्कूटरमध्ये काही किरकोळ पण आवश्यक अपडेट्स दिले आहेत. त्याचबरोबर, ही स्कूटर आधीच अनेक उत्तम फीचर्ससह येते. चला जाणून घेऊया की एडीव्ही 350 मध्ये कोणती नवीन फीचर्स देण्यात आले आहेत? त्याबद्दल आज आपण जाणून घेऊयात.
2025 च्या ॲडव्हेंचर स्टाइल मॅक्सी-स्कूटर Honda ADV 350 ला पाच इंचाचा नवीन रंगीत टीएफटी-एलसीडी स्क्रीन मिळाला आहे, ज्यामध्ये होंडा रोडसिंक ब्लूटूथ कनेक्टिव्हिटी आहे. या फीचर्सच्या मदतीने, तुम्ही तुमचा स्मार्टफोन त्याच्या स्क्रीनशी कनेक्ट करू शकता आणि नेव्हिगेशन सिस्टम सहजपणे वापरू शकता. याशिवाय, मागील शॉक अ‍ॅब्सॉर्बर्ससाठी रिमोट प्रीलोड अ‍ॅडजस्टर देखील समाविष्ट करण्यात आला आहे, तसेच सीटखालील स्टोरेज कंपार्टमेंट आणि ऑटो-कॅन्सलिंग इंडिकेटरसाठी एलईडी लाईट देखील समाविष्ट करण्यात आली आहे. या सर्व नवीन फीचर्ससह, त्यात मोस्काटो रेड मेटॅलिक आणि मॅट पर्ल अ‍ॅजाइल ब्लू हे नवीन रंग पर्याय देण्यात आले आहेत, जे सध्याच्या मॅट गन पावडर ब्लॅक मेटॅलिक शेडसह दिले जातील.
हे अनेक उत्तम आणि प्रीमियम फीचर्ससह ऑफर करण्यात आले आहे. यात 48-लिटरचा मोठा अंडर-सीट स्टोरेज आहे, जो सहजपणे दोन फुल-फेस हेल्मेट ठेवू शकतो. याशिवाय, समोर एक बंद ग्लोव्ह बॉक्स आहे, ज्यामध्ये USB-C चार्जिंग पोर्ट देखील आहे.
देशातील सर्वात स्वस्त 7-Seater मध्ये कमालीचे फिचर्स, महागड्या Ertiga ला टक्कर; जाणून घ्या तपशील
या मॅक्सी-स्कूटरमध्ये 330 सीसी सिंगल-सिलेंडर लिक्विड-कूल्ड इंजिन वापरले आहे जे 28.8 बीएचपी पॉवर आणि 31.5 एनएम टॉर्क जनरेट करते. हे इंजिन अंडरबोन चेसिसमध्ये ठेवलेले आहे आणि यूएसडी फ्रंट फोर्क्स आणि ट्विन रीअर शॉकवर सस्पेंड केलेले आहे. ब्रेकिंग 256 मिमी फ्रंट आणि 240 मिमी रिअर डिस्क ब्रेकद्वारे हाताळले जाते, जे अंदाजे 15-इंच फ्रंट आणि 14-इंच रिअर व्हील्सशी जोडलेले आहेत.
भारतीय बाजारात 2025 Honda ADV 350 लाँच होण्याची शक्यता कमीच दिसते. कंपनी ही स्कूटर त्याच्या भारतीय पोर्टफोलिओमध्ये समाविष्ट करण्याचा निर्णय घेईल अशी अपेक्षा आहे जेणेकरून ती महागड्या एक्स-एडीव्हीचा पर्याय बनू शकेल, ज्याची एक्स-शोरूम किंमत 11.90 लाख रुपये आहे.
