भारत सरकारचा GST २.० नवा कर नियम २२ सप्टेंबर २०२५ पासून लागू होणार आहे. या निर्णयामुळे अनेक ऑटोमोबाइल कंपन्यांनी आपल्या वाहनांच्या किंमतीत बदल करण्याची घोषणा केली आहे. या बदलांच्या पार्श्वभूमीवर, लोकप्रिय बाईक निर्माता कंपनी Royal Enfield नेही आपल्या मोटरसायकलच्या नवीन किंमती जाहीर केल्या आहेत. विशेष म्हणजे, कंपनीच्या काही बाइक्स स्वस्त झाल्या आहेत, तर काही मॉडेल्सच्या किंमतीत मोठी वाढ झाली आहे. त्यामुळे, ग्राहकांना कोणत्या मॉडेलवर किती फायदा किंवा तोटा होणार आहे, हे पाहणे महत्त्वाचे ठरेल.
रॉयल एनफिल्डच्या सर्वात लोकप्रिय 350 सीसी बाइक्सच्या रेंजवर ग्राहकांना मोठा दिलासा मिळाला आहे. या बाइक्सवरील कर 28% वरून 18% पर्यंत कमी करण्यात आल्याने, त्यांच्या किंमतीत 20,000 रुपयांपर्यंत घट झाली आहे.
नवीन दर (आधीचे दर)
GST 2.0 नंतर, ४५० सीसी इंजिन असलेल्या बाइक्सवरील कर २८% वरून ४०% पर्यंत वाढला आहे. त्यामुळे या सेगमेंटमधील बाइक्सच्या किंमतीत २२,००० रुपयांपर्यंत वाढ झाली आहे.
ADAS सिस्टीम म्हणजे काय? ही अत्याधुनिक तंत्रज्ञान प्रणाली कशी काम करते आणि त्याचे फायदे काय?
रॉयल एनफिल्डच्या ६५० सीसी प्रीमियम बाइक्सवरही GST 2.0 चा मोठा परिणाम झाला आहे. या मॉडेल्सच्या किंमतीत २२,५०० रुपयांपासून ते ३०,००० रुपयांपर्यंत वाढ झाली आहे.
थोडक्यात, GST 2.0 चा परिणाम रॉयल एनफिल्डच्या ग्राहकांसाठी संमिश्र आहे. ३५० सीसी मॉडेल खरेदी करणाऱ्यांना मोठा फायदा होईल, तर ४५० आणि ६५० सीसी बाइक्स घेणाऱ्या ग्राहकांच्या खिशावर अतिरिक्त बोजा पडणार आहे. यामुळे, आगामी सणासुदीच्या काळात ग्राहक कमी किमतीच्या ३५० सीसी बाइक्सना अधिक पसंती देतील अशी शक्यता आहे.
