नवीन Tata Tiago Facelift मध्ये मिळणार 360 डिग्री कॅमेरा आणि डॅशिंग लुक; जुन्या मॉडेलपेक्षा किती वेगळी? पाहा संपूर्ण Comparison

टाटा मोटर्स २८ मे २०२६ रोजी आपली नवीन Tata Tiago Facelift लाँच करत आहे. ३६०-डिग्री कॅमेरा, ६ एअरबॅग्ज आणि नवीन लूकसह येणाऱ्या या कारची जुन्या मॉडेलसोबत सविस्तर तुलना (Comparison) येथे पाहा.

Tata Tiago Facelift Launch 2026 (Photo Credit- X)

Follow Us:

Follow Us:

• नवीन Tata Tiago Facelift मध्ये मिळणार 360 डिग्री कॅमेरा आणि डॅशिंग लुक
• जुन्या मॉडेलपेक्षा किती वेगळी?
• पाहा संपूर्ण Comparison

अधिक शार्प आणि आधुनिक लुक

व्हायरल झालेल्या व्हिडिओनुसार, नवीन Tiago Facelift चा फ्रंट लुक (पुढील भाग) आधीच्या मॉडेलपेक्षा कमालीचा स्टायलिश आणि आकर्षक करण्यात आला आहे. यामध्ये नवीन LED DRLs, रिडिझाईन केलेले बंपर आणि पिक्सेल-स्टाईल LED फॉग लॅम्प्स देण्यात आले आहेत; तर जुन्या मॉडेलमध्ये हॅलोजन फॉग लॅम्प आणि क्रोम फिनिशिंग पाहायला मिळत होती. या कारमधील सर्वात मोठा आणि या सेगमेंटमधील पहिला वहिला बदल म्हणजे यात 360-डिग्री कॅमेरा सेटअप पाहायला मिळणार आहे, ज्यामुळे कार पार्किंग आणि ड्रायव्हिंग अधिक सुलभ होईल.

नवी विरुद्ध जुनी Tata Tiago: Exterior Comparison

इंटेरिअरमध्ये मिळणार प्रीमियम फील; सुरक्षिततेसाठी 6 एअरबॅग्ज!

कारच्या अंतर्गत रचनेचा विचार केला तर मूलभूत रचनेत फार मोठा बदल नाही, परंतु नवीन सीट अपहोल्स्ट्री आणि डिजिटल ड्रायव्हर डिस्प्लेमुळे केबिन आता अधिक मॉडर्न आणि प्रीमियम दिसते. कारमध्ये 10.25-इंच टचस्क्रीन इन्फोटेनमेंट सिस्टमसह टाटाचा नवीन लोगो असलेले स्टिअरिंग व्हील देण्यात आले आहे. सर्वात महत्त्वाची सुधारणा सुरक्षिततेच्या बाबतीत झाली आहे. सरकारी नियमांचे आणि ग्राहकांच्या सुरक्षेचे भान ठेवत टाटाने आता या कारमध्ये केवळ 2 ऐवजी 6 एअरबॅग्ज (6 Airbags) देण्याची तयारी केली आहे, ज्यामुळे ही कार या सेगमेंटमधील सर्वाधिक सुरक्षित कार ठरू शकते.

Bike Care Tips : उन्हात बाईक पार्क करताय? सावधान, हळूहळू खराब होऊ शकतात ‘हे’ महत्त्वाचे पार्ट्स

Interior & Features Comparison

इंजिन आणि परफॉर्मन्समध्ये बदल नाही

टाटा मोटर्सने या फेसलिफ्ट मॉडेलच्या इंजिन पर्याय आणि कार्यक्षमतेमध्ये कोणताही बदल केलेला नाही. कारमध्ये आधीप्रमाणेच विश्वासू 1.2 लीटर रेव्होट्रॉन पेट्रोल आणि पेट्रोल+सीएनजी (CNG) इंजिनचा पर्याय कायम असेल.

Engine Specification Comparison

किंमत आणि स्पर्धा

नवीन फीचर्स, 360-डिग्री कॅमेरा आणि 6 एअरबॅग्जच्या समावेशामुळे आगामी Tata Tiago Facelift ची किंमत सध्याच्या मॉडेलपेक्षा थोडी जास्त असण्याची शक्यता आहे. भारतीय बाजारपेठेत लाँच झाल्यानंतर या कारची थेट स्पर्धा Maruti Suzuki Celerio, Maruti Suzuki Wagon R आणि Hyundai Grand i10 Nios यांसारख्या लोकप्रिय हॅचबॅक कारशी असेल.

उन्हाळ्यात कार चालवताना सावध! सेफ ड्रायव्हिंगसाठी ‘या’ गोष्टींकडे दुर्लक्ष करू नका, अनेकांना माहिती नसतात या महत्त्वाच्या टिप्स

Web Title: Tata tiago facelift to launch on 28 may with 360 degree camera old vs new model comparison

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com