Crime news live updates
पुण्यातील मुळशी तालुक्यातील वैष्णवी हगवणे यांचे मृत्यू प्रकरण सध्या चर्चेत आले आहे. वैष्णवी संशयास्पद मृत्यू प्रकरणात फरार असलेले राजेंद्र हगवणे आणि सुशील हगवणे यांना आज पहाटे अटक झाली आहे. स्वारगेट परिसरात त्यांना अटक करण्यात आली आहे.
23 May 2025 05:08 PM (IST)
उत्तर प्रदेशातील जिल्हा कारागृह परिसरातील सरकारी निवासस्थानात राहणाऱ्या डॉ. वरुणेश दुबे यांच्या पत्नी सिम्पी पांडे यांनी आरोप केला आहे की, तिचा पती एका ट्रान्सजेंडर महिलेचे रुप घेऊन अश्लील व्हिडीओ तयार करायचा आणि पैशासाठी ऑनलाइन प्लॅटफॉर्मवर विकायचा. सिम्पीने सांगितले की, व्हायरल झालेल्या व्हिडिओमध्ये तिने तिच्या पतीला एका पुरूषासोबत आक्षेपार्ह स्थितीत पाहिले. घराची सजावट, अंगठी आणि पार्श्वभूमी पाहून तिला लगेच कळले की ते तिच्याच घरात चित्रित केले आहे.
23 May 2025 04:43 PM (IST)
जंगली महाराज रस्त्यावरील एका नामांकित बिल्डरला ४६ लाखांहून अधिक रक्कम जबरदस्तीने ट्रान्सफर करायला लावून त्यास अश्लील भाषेत शिवीगाळ करत जिवे मारण्याची धमकी दिल्याची घटना उघडकीस आली आहे. याप्रकरणी अनिल दिलीप अरगडे (वय ३७, रा. महावीर नगर, माणिकबाग) यांनी शिवाजीनगर पोलिसांत तक्रार दिली आहे. त्यावरून आरोपी धीरज दिनेशचंद्र उर्फ बाळासाहेब अरगडे (वय ३९, रा. मुळा रोड, खडकी) याच्यावर गुन्हा दाखल करण्यात आला आहे. ही घटना २४ एप्रिल २०२४ ते दोन मे २०२५ या कालावधीत फोनवर व प्रत्यक्ष भेटीत घडली आहे.
23 May 2025 04:08 PM (IST)
कोथरुडमधून एक बातमी समोर आली आहे. कोथरुडमधील पेठकर साम्राज्य सोसायटी रस्त्यावर सायंकळच्या वेळेस चोरट्यांनी वृद्ध महिलेचे मंगळसूत्र हिसकावून नेल्याची घटना घडली आहे. याघटनेमुळे परिसरातील ज्येष्ठ नागरिकांमध्ये भितीचे वातावरण निर्माण झाले आहे. ही घटना २२ मे रोजी सायंकाळी साडेसातच्या सुमारास स्वरांजली बिल्डिंगच्या गेटसमोर घडली. याप्रकरणी पेठकर साम्राज्य सोसायटीत राहणाऱ्या ७४ वर्षीय महिलेने तक्रार दिली आहे. त्यावरून कोथरुड पोलिसांत गुन्हा दाखल करण्यात आला आहे.
23 May 2025 03:54 PM (IST)
स्वारगेट एस बसस्थानकातील गर्दी तसेच प्रवाशांचे दुलर्क्ष चोरट्यांच्या पत्यावर पडत असून, पुन्हा एकदा बसस्थानकात महिलेच्या गळ्यातील दागिने चोरीच्या प्रयत्नात असलेल्या महिलेला अटक केली आहे. गर्दीचा फायदा घेऊन चोर प्रवाशांच्या ऐवजावर डल्ला मारत आहेत. भाग्यश्री जितेश कसबे (वय ४०, रा. कळसगाव गावठाण, विश्रांतवाडी, मुळ रा. विकासनगर, लातूर) असे या महिलेचे नाव आहे. तिच्याकडून तीन गुन्हे उघडकीस आले आहेत़. ३ गुन्ह्यातील २ लाख ७० हजार रुपयांचे ३० ग्रॅम दागिने जप्त करण्यात आले आहेत. चोरीचे दागिणे विक्री करण्यासाठी आली असताना, पोलिसांनी तिला पकडले. ही कारवाई पोलीस उपायुक्त स्मार्तना पाटीलनयांच्या मार्गदर्शनाखाली वरिष्ठ पोलीस निरीक्षक युवराज नांद्रे यांच्या मार्गदर्शनाखाली सहायक पोलीस निरीक्षक राहुल कोलंबीकर, पोलीस उपनिरीक्षक रवींद्र कस्पटे, पोलीस हवालदार हर्षल शिंदे, प्रशांत टोणपे, हनुमंत दुधे यांनी केली आहे.
23 May 2025 03:41 PM (IST)
सातत्याने चर्चेत असणारा पण, काही महिन्यांपासून समाधानकारक कामगिरी करणाऱ्या वाहतूक विभागातील डिओंचा मनमानी कारभार चव्हाट्यांवर आल्यानंतर पोलीस आयुक्तांनी डिओंना दणका देत एकाचवेळी तीसही विभागातील या ड्युटी ऑफिसर (डिओ) असलेल्या या पोलीस कर्मचाऱ्यांची उचलबांगडी करण्याचे आदेश दिले. त्यानूसार एकाचवेळी ३० कर्मचाऱ्यांची लष्कर व बंडगार्डन पोलीस ठाण्यात बदली करण्यात आली आहे. ही बदली तात्पुरती आहे. वाहतूक शाखेचा अतिरीक्त कार्यभार सांभळणारे अपर पोलीस आयुक्त मनोज पाटील यांनी रात्री याबाबतचे आदेश दिले. यानंतर मात्र, पोलीस दलात खळबळ उडाली. दुसरीकडे डिओच्या माध्यमातून मनमानी करणाऱ्यांना देखील चाप बसला आहे.
23 May 2025 02:47 PM (IST)
पश्चिम बंगालमधील पूर्व मेदिनीपूरमध्ये एका १३ वर्षीय मुलाने आत्महत्या केल्याची घटना समोर आली. एवढेच नाही तर त्याने एक सुसाईड नोटही लिहिली आहे. या घटनेने संपूर्ण परिसरातील लोकांना धक्का बसला आहे. सातवीच्या वर्गात शिकणारा कृष्णेंदु दास याने सुसाईड नोटमध्ये त्याच्या आईसाठी एक संदेश लिहिला आहे, ज्यामध्ये तो म्हणतो, 'आई, मी चोरी केलेली नाही.
23 May 2025 02:42 PM (IST)
बीडचे सरपंच संतोष देशमुख यांच्या हत्या प्रकरणानंतर चर्चेत आलेल्या पवनचक्की वादाला पुन्हा एकदा हिंसक वळण लागले आहे. लिंबागणेश परिसरातील पवनचक्की प्रकल्पात सुरक्षारक्षकाने चोरट्यांवर गोळीबार केल्याने एकाचा जागीच मृत्यू झाला. या घटनेमुळे परिसरात खळबळ उडाली असून पोलिसांनी तात्काळ घटनास्थळी धाव घेतली आहे.
23 May 2025 01:27 PM (IST)
डहाणूकर कॉलनी येथे राहणाऱ्या ६९ वर्षीय व्यक्तीला मोबाईलवर खास क्रेडिट कार्ड योजनेची जाहिरात दिसली. तक्रारदाराने ती जाहिरात उघडली. त्यातील फॉर्ममध्ये आवश्यक सर्व माहिती नमूद केली. नंतर तक्रारदाराला ‘बँक ऑफ इंडिया’च्या नावाने संपर्क करण्यात आला. समोरील व्यक्तीने तक्रारदाराला ‘तुमचे क्रेडिट कार्ड मंजूर झाले आहे. पुढील प्रक्रियेसाठी वैयक्तिक माहिती द्यावी लागेल,’असे सांगितले. नंतर सायबर चोरट्यांनी तक्रारदाराकडून सर्व वैयक्तिक माहिती घेतली. त्यानंतर सायबर चोरट्यांनी तक्रारदार यांच्या पत्नीच्या व्हॉट्सअॅप नंबरवर व्हिडिओ कॉल केला. अॅडमिनिस्ट्रेशन व्हेरिफिकेशन आवश्यक असल्याचे सांगून एपीके फाइल पाठवली. त्यांना त्यावर क्लिक करण्यास सांगितले. त्याद्वारे सायबर चोरट्यांनी त्यांच्या फोनचा ताबा घेऊन त्यांच्या खात्यातील सुमारे साडेनऊ लाख रुपये काढून घेतले.
23 May 2025 01:27 PM (IST)
‘शेअर बाजारात गुंतवणूक केल्यास ३० ते ३५ टक्के परतावा मिळेल,’ असे आमिष दाखवून अनेकांची १ कोटी २१ लाख ९८ हजार रुपयांची फसवणूक केल्याचे समोर आले आहे. याप्रकरणी धायरीतील ३४ वर्षीय तरुणाने तक्रार दिली आहे. त्यावरून नांदेडसिटी पोलिसांत गुजरातमधील प्रियांक दवे, अभयकुमार दवे, मित दवे, सुमित बोराणा, झील जैन, अयुष सेवक, जय पटेल, पंकज जैन, पिंटू जानी आणि निकुंज जानी (रा. लुणावडा व गोध्रा, गुजरात) अशा नावाच्या व्यक्तींवर गुन्हा नोदंवला आहे.
23 May 2025 12:03 PM (IST)
गुटखा माफियांनी आता लपून छापून खरेदी-विक्री सुरू केल्याचे दिसत असून, कपड्याच्या आडून ट्रान्सपोर्टद्वारे प्रतिबंधित गुटखा, पानमसाला आणि सिगारेटची वाहतूक करणार्या रॅकेटचा गुन्हे शाखा युनिट पाचच्या पथकाने पर्दाफाश केला आहे. पोलिसांनी टेम्पो चालक, त्याचा मालक, ट्रान्सपोर्ट मालक, गोडाऊन मॅनेजर यांना पकडले आहे. गुटख्यासह टेम्पो, कंटेनर असा तब्बल एक कोटी 13 लाखांचा मुद्देमाल जप्त केल आहे. ऊरुळी देवाची येथील मंतरवाडी फाट्यावर ही कारवाई केली.
23 May 2025 11:45 AM (IST)
हिंगोली जिल्ह्यातील शिरड शहापूर गावामध्ये एक धक्कादायक प्रकार समोर आला आहे. शेतमजुरीचे पैसे मागितल्याचा कारणावरून मजुराला तीन ते चार जणांकडून बेदम मारहाण करण्यात आल्याचा धक्कादायक प्रकार उघडकीस आला आहे. ६०० रुपये शेतमजुरीचे मागितले म्हणून लाठ्याकाठ्या आणि लोखंडी रॉडसह लाथा बुक्क्यांनी मारहाण केली आहे.
