‘तेव्हा मी थरथर कापते…,’ कोलकाता अत्याचार प्रकरणातील पीडितेच्या आई-वडिलांनी पोलिसांवर केले गंभीर आरोप

कोलकाता अत्याचार आणि हत्या प्रकरणी सीबीआयकडून चौकशी सुरु आहे. तर दुसरीकडे या प्रकरणावरुन पीडितेच्या आई आणि वडिलांनी कोलकाता पोलिसांवर गंभीर आरोप केले आहे. नेमकं काय आहे प्रकरण जाणून घेऊया....

कोलकाता अत्याचार प्रकरणातील पीडितेच्या आई-वडिलांनी पोलिसांवर केले गंभीर आरोप (फोटो सौजन्य-सोशल मीडिया)

Follow Us:

Follow Us:

कोलकाता येथील आरजीकर मेडिकल कॉलेजमध्ये एका ज्युनियर डॉक्टरवर अत्याचार करून तिची हत्या करण्यात आली. याप्रकरणी रोज नवनवीन खुलासे होत आहेत. याचदरम्यान, पीडितेच्या पालकांनी पोलिसांवर गंभीर आरोप केले आहेत. कोलकाता पोलिस मदत करत नसल्याचा आरोप त्यांनी केला. सरकारी आरजी कार मेडिकल कॉलेज आणि हॉस्पिटलमध्ये झालेल्या भीषण हत्येच्या विरोधात “जनतेने मोठ्या प्रमाणात पाठिंबा दिला असल्याने मुलीला न्याय मिळवण्यासाठी धैर्य मिळालं आहे. आम्हाला सहजासहजी न्याय मिळणार नाही. आम्हाला तो हिसकावून घ्यावा लागणार आहे. सर्वांच्या मदतीशिवाय हे शक्य होणार नाही”, असं पीडितेच्या वडिलांनी म्हटलंय.

काय म्हणाली पीडितेची आई?

डॉक्टरांच्या आईने सांगितले की, “मी जेव्हा मुलीला झालेल्या त्रासाबद्दल, तिच्या वेदनांबद्दल विचार करते तेव्हा मी थरथर कापते. समाजाची सेवा करण्याचं तिचं स्वप्न होतं. आता ही आंदोलक मुलं माझी मुलं आहेत”, असं पीडितेच्या आईने पीटीआयला दिलेल्या मुलाखतीत म्हटलंय. “सुरुवातीपासूनच पोलिसांनी आम्हाला सहकार्य केलं नाही. त्यांनी सहकार्य केलं असतं तर आम्हाला आशेचा किरण दिसला असता. एवढा गुन्हा घडल्यानंतरही पोलिसांनी त्यावर पांघरूण घालण्याचा प्रयत्न केला. पुराव्यांमध्येही छेडछाड केली”, असंही तिची आई म्हणाली.

हे सुद्धा वाचा: दुचाकी पार्किंगवरून झाला वाद; महिलेचा विनयभंग करून शिविगाळही केली

पोलिसांवर गंभीर आरोप

ज्युनियर डॉक्टरच्या वडिलांनी सांगितले की, “समाजाची सेवा करण्याचे त्यांचे स्वप्न होते, आता हे सर्व आंदोलक माझी मुले आहेत. सुरुवातीपासून पोलिसांनी आम्हाला सहकार्य केले नाही. त्यांनी थोडेसे सहकार्य केले असते तर आम्ही एक आशा होती.” एवढा मोठा गुन्हा करूनही पोलिसांनी ते लपविण्याचा प्रयत्न केला.

संपूर्ण प्रकरण जाणून घ्या

कोलकात्याच्या डॉक्टरची ९ ऑगस्ट रोजी रुग्णालयाच्या सेमिनार हॉलमध्ये अत्याचारानंतर हत्या करण्यात आली होती. त्यांच्या शरीरावर अंतर्गत आणि बाहेरील सुमारे 25 जखमा होत्या. सीसीटीव्ही फुटेजच्या आधारे पोलिसांनी संजय रॉय नावाच्या नागरिक स्वयंसेवकाला अटक केली. पहाटे ४.०३ वाजता ते सभागृहात प्रवेश करताना दिसले. दरम्यान, एफआयआर दाखल करण्यास १४ तास उशीर केल्याने रुग्णालय प्रशासन आणि पोलिसांच्या भूमिकेवर प्रश्नचिन्ह निर्माण झाले आहे.

हे सुद्धा वाचा: पुण्यात चाललंय काय? किरकोळ वादातून तरुणावर कात्रीने वार केले अन्…

डॉक्टरांच्या संपात 23 जणांनानी गमवला जीव

आरजी कार मेडिकल कॉलेज आणि हॉस्पिटलमधील ज्युनियर डॉक्टरवर झालेल्या अत्याचार आणि हत्या प्रकरणाची पुढील सुनावणी आज सर्वोच्च न्यायालयात होणार आहे. सरन्यायाधीश डीवाय चंद्रचूड यांच्यासह न्यायमूर्ती जेबी परडीवाला आणि न्यायमूर्ती मनोज मिश्रा यांच्या खंडपीठासमोर या प्रकरणाची सुनावणी सुरू आहे. यादरम्यान कपिल सिब्बल यांनी पश्चिम बंगाल राज्याच्या वतीने एक बंद लिफाफा सर्वोच्च न्यायालयात सादर केला आहे. त्यात सध्याच्या परिस्थितीचा तपशील देण्यात आला आहे. मिळालेल्या माहितीनुसार, सर्वोच्च न्यायालयात सादर केलेल्या या अहवालात या घटनेच्या निषेधार्थ डॉक्टरांच्या संपात 23 जणांना जीव गमवावा लागल्याचे सांगण्यात आले आहे.

Web Title: Kolkata doctor case the parents of the kolkata case victim have made serious allegations against cops

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com