लेकीच्या लग्नासाठी ठेवली होती बँकेत रक्कम; तिच मिळत नसल्याने आलं नैराश्य (Photo : Suicide)
धामणगाव रेल्वे : यवतमाळच्या एका प्राध्यापकाने रेल्वेखाली उडी घेऊन आत्महत्या केल्याची धक्कादायक घटना उघडकीस आली. यवतमाळ शहरातील लोकनायक बापुजी अणे महिला महाविद्यालात संबंधित प्राध्यापक सेवेत होते. त्यांनी धामणगाव रेल्वे येथे मालगाडीखाली उडी घेऊन आत्महत्या केली. ही घटना सोमवारी (दि. 24) पहाटेच्या सुमारास घडली.
प्रा. संतोष भास्करराव गोरे (वय 54, रा. रेवती हॉटेलच्या मागे, यवतमाळ) असे आत्महत्या केलेल्या प्राध्यापकाचे नाव आहे. संतोष गोरे हे लोकनायक बापुजी अणे महिला महाविद्यालयात इंग्रजी विषयाचे प्राध्यापक होते. गेल्या काही दिवसांपूर्वी एका महिला प्राध्यापकाने व्यवस्थापनाकडे सदर प्राध्यापकाची तक्रार दिली होती. या प्रकरणाची चौकशी होऊन व्यवस्थापनाने प्राध्यापकाला क्लिन चिट दिल्याची माहिती सूत्रांनी दिली आहे. दरम्यान, घटनास्थळावर पोलिसांना एक सुसाईड नोट सापडली असून, त्यामध्ये 30 ते 35 जणांची नावे असल्याची चर्चा आहे.
गेल्या काही दिवसांपूर्वी प्रा. गोरे यांनी आपल्या पत्नीला पुणे येथे पाठविले होते. मागील काही दिवसांपासून ते मानसिक तणावात होते. सोमवारी पहाटे 3 वाजताच्या सुमारास धामणगाव रेल्वे येथे मालगाडी खाली येऊन त्यांनी आत्महत्या केली. हा प्रकार रेल्वे विभागाच्या कर्मचाऱ्यांच्या लक्षात येताच त्यांनी घटनास्थळी धाव घेतली.
दरम्यान, पोलिसांच्या चौकशीत आयकार्डच्या बेल्टवरून मृत यवतमाळ येथील अणे महाविद्यालातील असल्याचे समोर आले. त्यावरून धामणगाव रेल्वे येथील कर्मचारी खसाळे यांनी महाविद्यालयात संपर्क साधून या घटनेची माहिती दिली. त्यांच्या मागे पत्नी, एक मुलगा व बराच मोठा आप्तपरिवार आहे. या घटनेची नोंद बडनेरा रेल्वे पोलिस ठाण्यात घेण्यात आली आहे.
पुणे न्यायालय परिसरात गळफास घेऊन एकाची आत्महत्या
दुसऱ्या एका घटनेत, गेल्या काही दिवसाखाली कौटुंबिक कारणातून तरुणाने शिवाजीनगर न्यायालयाच्या आवारातच चिंचेच्या झाडाला गळफास घेऊन एकाने आत्महत्या केल्याची घटना घडली आहे. भरदुपारी हा प्रकार घडला होता. याप्रकरणी शिवाजीनगर पोलीस ठाण्यात घटनेची नोंद करण्यात आली आहे. सोहेल येणीघुरे (२८, रा. पाषाण) असे आत्महत्या केलेल्याचे नाव आहे.
