पश्चिम बंगालमध्ये सीबीआयकडून 8 ठिकाणांवर छापेमारीची कारवाई; जाणून घ्या नेमकं झालं काय?

केंद्रीय अन्वेषण ब्युरो (सीबीआय) ने केंद्र सरकारच्या गृह मंत्रालयाच्या अधीन असलेल्या केंद्रीय सशस्त्र पोलीस दल (सीएपीएफ) मध्ये भरतीसाठी बनावट प्रमाणपत्रे बनवणाऱ्या टोळीविरुद्ध मॅरेथॉन छापा टाकला आहे.

Follow Us:

Follow Us:

कोलकाता : केंद्रीय अन्वेषण ब्युरो (सीबीआय) ने केंद्र सरकारच्या गृह मंत्रालयाच्या अधीन असलेल्या केंद्रीय सशस्त्र पोलीस दल (सीएपीएफ) मध्ये भरतीसाठी बनावट प्रमाणपत्रे बनवणाऱ्या टोळीविरुद्ध मॅरेथॉन छापा टाकला आहे. पश्चिम बंगालच्या उत्तर 24 परगणामध्ये, भारत-बांगलादेश सीमेला लागून असलेल्या भागात अशा टोळ्या मोठ्या प्रमाणावर सक्रिय आहेत, ज्या एकाच पत्त्यावर बनावट रहिवासी प्रमाणपत्रे बनवत आहेत.

सीबीआयच्या पथकाने अशा 8 ठिकाणी एकाचवेळी शनिवारी छापे टाकले. सुत्रानुसार, कलकत्ता उच्च न्यायालयाच्या निर्देशानुसार सीबीआयने गेल्यावर्षी ऑगस्टमध्ये या प्रकरणाचा तपास हाती घेतला होता. बनावट रहिवासी प्रमाणपत्रे आणि इतर बनावट कागदपत्रांद्वारे अनेक उमेदवारांना सशस्त्र दल आणि सीएपीएफमध्ये बेकायदेशीरपणे भरती करण्यात आल्याचे आरोप आहेत.

अशा कागदपत्रांद्वारे नियुक्त केलेल्या लोकांनी बंगालच्या सीमावर्ती भागात आपले कायमस्वरूपी वास्तव्य केले आणि येथील लोकांना उपलब्ध असलेल्या अतिरिक्त सुविधांचा लाभ घेत कमी कट ऑफ मार्कवर नोकरी मिळवली. या प्रकरणी सीबीआयने नोंदवलेल्या एफआयआरमध्ये काही पाकिस्तानी नागरिकांनाही याचा फायदा झाल्याचा आरोप करण्यात आला आहे.

Web Title: Cbi conducts raids at 8 locations in west bengal know what is reason nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com