गर्लफ्रेंडचा खर्च भागवू शकत नाही म्हणून दरोडा; मध्यप्रदेश मधील धक्कादायक प्रकार उघडकीस

मध्यप्रदेशातील इंदौरमध्ये पाच लाख रुपयांवर दरोडा घालणाऱ्यांना पोलिसांनी अटक केली आहे. यावेळी आरोपींनी सांगितलेले कारण धक्कादायक आहे. 

Follow Us:

Follow Us:

मध्यप्रदेश : मध्यप्रदेशातील इंदौरमध्ये पाच लाख रुपयांवर दरोडा घालणाऱ्यांना पोलिसांनी अटक केली आहे. या घटनेचा पर्दाफाश करत पोलिसांनी तीन आरोपींना अटक केली आहे. लुटलेल्या पैशांपैकी 2 लाख 47 हजार रुपयेही आरोपींकडून जप्त करण्यात आले आहेत. दरोड्यात वापरलेली पिशवी आणि मोटारसायकलही जप्त करण्यात आली आहे. आरोपींनी त्यांच्याच ओळखीच्या व्यक्तीला लुटल्याचे पोलिसांनी सांगितले. अटक करण्यात आलेल्या आरोपींची पोलिसांकडून कसून चौकशी करण्यात येत आहे. यावेळी आरोपींनी सांगितलेले कारण धक्कादायक आहे.

या दरोड्यामध्ये पीडित असलेल्या सुनीलने छोटी ग्वालटोली पोलीस ठाण्यात तक्रार दाखल केली होती. यामध्ये तो त्याचा सेठ दीपक सिंग याच्याकडे प्रॉपर्टी ब्रोकर म्हणून काम करतो आणि सेठने त्याला महेंद्रला ५ लाख रुपये देण्यास सांगितले होते. तो त्याच्या ॲक्टिव्हामधील काळ्या पिशवीत पैसे घेऊन जात होता. वाटेत त्याने पेट्रोल भरले. त्यानंतर दुचाकीवर बसलेल्या मागून दोन अज्ञात चोरटे आले आणि त्यांनी ट्रंकमधील बॅग काढून पळ काढला. याबाबत सुनीलने पोलिसांना माहिती दिली. घटनास्थळी पोहोचलेल्या पोलिसांनी घटनेची नोंद करून तपास सुरू केला. पोलिसांनी पेट्रोल पंपावर लावलेले सीसीटीव्ही कॅमेरे तपासून आरोपींना पकडण्यासाठी एक पथक तयार केले. सीसीटीव्ही तपासादरम्यान पोलिसांना कळले की दोन अनोळखी तरुण सुनील शर्माचा दुचाकीवरून पाठलाग करताना दिसले, त्यानंतर पोलिसांनी सर्व मार्गांचे सीसीटीव्ही तपासले.

पोलीस चौकशीत दरोड्यांनी सांगितलेले कारण धक्कादायक आहे. आरोपी पोलीस चौकशीमध्ये सांगितले की तो त्याच्या मैत्रिणीचा खर्च भागवू शकत नाही. त्यामुळेच त्याने दरोड्याचा कट रचला. पोलिसांनी आरोपींकडून अंदाजे 2 लाख 47 हजार रुपयांचा मुद्देमाल जप्त केला आहे. तीन आरोपींना ताब्यात घेण्यात आले आहे.

Web Title: Robbery because girlfriend cant afford it shocking case revealed in madhya pradesh crime news nrpm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com