Top Marathi News Today Live : पंतप्रधान नरेंद्र मोदी आज आंध्र प्रदेश दौऱ्यावर
16 Oct 2025 04:43 PM (IST)
Priyank Kharge on RSS: राष्ट्रीय स्वयंसेवक संघाच्या (RSS) उपक्रमांवर बंदी घालण्याच्या मागणीवरून कर्नाटकात देशव्यापी गदारोळ सुरू झाला आहे. सिद्धरामय्या सरकारने सरकारी आणि सरकारी अनुदानित शाळा, सार्वजनिक मैदाने आणि इतर राज्य सरकारी जमिनींवर आरएसएस शाखा आयोजित करण्यास मनाई करण्याचे निर्देश जारी केले आहेत.
16 Oct 2025 04:32 PM (IST)
Ayodhya Deepotsav 2025: उत्तर प्रदेश : दिवाळीचा सण जवळ आला असून संपूर्ण देशामध्ये चैतन्यमयी वातावरण निर्माण झाले आहे. बाजारपेठा सजल्या असून भेटवस्तू, आकाशदिवा आणि मिठाईची जोरदार खरेदी सुरु आहे. हिंदूंचा सर्वात मोठा सण मानला जाणारी दिवाळी ही दिव्यांचा सण म्हणून ओळखली जाते.
16 Oct 2025 04:21 PM (IST)
Bihar Election 2025 News in Marathi : बिहारचे मुख्यमंत्री नितीश कुमार यांचे जवळचे विश्वासू आणि जेडीयूचे वरिष्ठ नेते केसी त्यागी यांनी एक महत्त्वपूर्ण विधान केले. त्यांनी दावा केला की, सर्व भाजप नेत्यांनी एकमताने घोषणा केली आहे की निवडणुका नितीश कुमार यांच्या नेतृत्वाखाली होतील.
16 Oct 2025 04:14 PM (IST)
Vladimir Putin to Visit India Soon : नवी दिल्ली/मॉस्को : रशियाचे अध्यक्ष व्लादिमिर पुतिन (Vladimir Putin) लवकरच भारत दौऱ्यावर येणार आहेत. रशियाच्या क्रेमलिनने दिलेल्या माहितीनुसार, येत्या डिसेंबर महिन्यात ५ ते ६ डिसेंबरला पुतिन भारतात येऊ शकतात.
16 Oct 2025 04:01 PM (IST)
राईट्स लिमिटेड (RITES) तर्फे वरिष्ठ तांत्रिक सहाय्यक (Senior Technical Assistant) या पदांसाठी मोठी भरती जाहीर करण्यात आली आहे. या भरतीअंतर्गत एकूण 600 पदांवर नियुक्ती केली जाणार असून इच्छुक आणि पात्र उमेदवारांनी 12 नोव्हेंबर 2025 पर्यंत RITES च्या अधिकृत संकेतस्थळावर [rites.com](https://rites.com) माध्यमातून ऑनलाईन अर्ज करावा. उमेदवारांना शैक्षणिक पात्रता म्हणून सिव्हिल, इलेक्ट्रिकल, एस अँड टी, मेकॅनिकल, केमिकल या शाखांमध्ये पूर्णवेळ डिप्लोमा असणे आवश्यक आहे. रसायनशास्त्र विषयासाठी पूर्णवेळ बी.एससी. पदवी आवश्यक आहे. संबंधित विषयात उच्च पात्रता (डिग्री किंवा पदव्युत्तर पदवी) असलेले उमेदवारही अर्ज करू शकतात.
16 Oct 2025 03:59 PM (IST)
सुप्रीम कोर्टाने तेलंगणा सरकारला मोठा धक्का दिला आहे. तेलंगणा सरकारने ओबीसी आरक्षणाची मर्यादा 50 टक्क्यांपर्यंत वाढवण्याचा निर्णय घेतला होता. त्याला हायकोर्टात आव्हान देण्यात आले. ते प्रकरण नंतर सुप्रीम कोर्टात दाखल झाले होते. त्यावर सुनावणी करताना सुप्रीम कोर्टाच्या खंडपीठाने तेलंगणा सरकारची याचिका फेटाळून लावली आहे. ओबीसी आरक्षण प्रकरणात तेलंगणामधील रेवंत रेड्डी सरकारला मोठा धक्का बसला आहे. तेलंगणा येथील कॉँग्रेस सरकारने ओबीसी आरक्षणाची मर्यादा 50 टक्के इतकी केली होती. त्यावरील स्थगिती काढण्यास सुओपरीम कोर्टाने नकार दिला आहे. याबाबत दाखल करण्यात आलेली याचिका सुप्रीम कोर्टाने फेटाळली आहे.
16 Oct 2025 03:50 PM (IST)
देवूठाणी एकादशी कार्तिक महिन्याच्या अकराव्या दिवशी साजरी केली जाते. या एकादशीला देवुत्थान एकादशी आणि प्रबोधिनी एकादशी या नावाने देखील ओळखले जाते. देवुथनी एकादशीला रवि योग तयार होत आहे आणि दिवसभर पंचक देखील असणार आहे. तर रात्री भद्रा असेल. देवुथनी एकादशी ही चातुर्मासाची समाप्ती दर्शवते, कारण या दिवशी देवता जागृत होतात. ज्योतिषशास्त्रानुसार देवुथनी एकादशीला भगवान विष्णू योगिक निद्रेमधून बाहेर येतात. या दिवशी उपवास, पूजा आणि दान केल्याने पापांचे शुद्धीकरण होते आणि विष्णूच्या कृपेने मोक्ष मिळतो, अशी मान्यता आहे. कार्तिक महिन्यातील देवूठाणी एकादशी कधी आहे, शुभ मुहूर्त आणि महत्त्व जाणून घ्या.
16 Oct 2025 03:45 PM (IST)
दोन प्रेक्षकप्रिय मालिका “पारू” आणि “सावळ्याची जणू सावली” पुन्हा एकदा एका विशेष महासंगमासाठी एकत्र येत आहेत. नाट्यपूर्ण घडामोडी, आणि मैत्रीच्या नव्या रंगांनी सजलेला हा ट्रॅक प्रेक्षकांच्या मनाचा ठाव घेणार आहे. या महासंगमात काही जुने रहस्य खुले होणार आहेत, तर काही नात्यांना नवे वळण मिळणार आहे. शिवानीने आखलेला धोकादायक प्लॅन सारंगच्या कुटुंबाला अडचणीत टाकण्यास सुरुवात करतो. छोट्या छोट्या घटनांमधून गोंधळ वाढत जातो आणि नाती धोक्याच्या टोकावर पोहोचतात.
16 Oct 2025 03:20 PM (IST)
राज्यामध्ये लवकरच स्थानिक स्वराज्य संस्थांच्या निवडणूका होणार आहेत. त्यासाठी मुंबईसह सर्वच महापालिका आणि नगरपरिषदांमध्ये जोरदार तयारी सुरु आहे. ठाणे हा उपमुख्यमंत्री एकनाथ शिंदे यांचा बालेकिल्ला मानला जातो. आगामी निवडणुकीच्या पार्श्वभूमीवर ठाण्यामध्ये भाजपची आढावा बैठक पार पडली. यावेळी भाजपने स्वबळावर लढण्याची तयारी दाखवल अब की बार 70 पार असा नारा दिला आहे. यामुळे एकनाथ शिंदे यांना घेरण्यासाठी भाजपनेच जाळे टाकले असल्याची चर्चा राजकीय वर्तुळामध्ये रंगली.
16 Oct 2025 03:13 PM (IST)
खासगी क्षेत्रातील तिसऱ्या क्रमांकाची बँक असलेल्या अ‍ॅक्सिस बँकेच्या शेअर्समध्ये गुरुवारी सुरुवातीच्या व्यवहारात ४ टक्क्यांहून अधिक वाढ झाली. बँकेच्या शेअर्समध्ये ही वाढ सप्टेंबर तिमाहीच्या निकालांनंतर झाली. २०२५-२६ या आर्थिक वर्षाच्या दुसऱ्या तिमाहीत बँकेचा नफा २६ टक्क्यांनी घसरून ५,०९० कोटी रुपयांवर आला. गेल्या वर्षी याच तिमाहीत तो ६,९१८ कोटी रुपये होता. नफ्यात घट होत असताना, ब्रोकरेज हाऊसेसनी बँकेच्या शेअर्सबद्दल वेगवेगळी मते दिली आहेत. त्यांचे म्हणणे आहे की या तिमाहीत १,२३१ कोटी रुपयांच्या एका वेळेच्या तरतुदीमुळे अ‍ॅक्सिस बँकेच्या नफ्यावर परिणाम झाला. परंतु इतर सर्व पॅरामीटर्स अपेक्षेपेक्षा चांगले होते.
16 Oct 2025 02:50 PM (IST)
सलमान खानच्या रिअॅलिटी शो “बिग बॉस १९” मध्ये खूप नाट्यमयता पाहायला मिळत आहे. हाऊस कॅप्टन नेहल चुडासमाचा कॅप्टन म्हणूनचा काळ आता संपला आहे आणि घरातील सदस्यांना पुन्हा एकदा कॅप्टनशिपचे काम सोसावे लागणार आहे. निर्मात्यांनी अलीकडेच एक नवीन प्रोमो रिलीज केला आहे. त्यात स्पर्धकांच्या कुटुंबियांनी त्यांना पत्रे पाठवली आहेत. घरातून आलेली पत्रे वाचल्यानंतर, स्पर्धक कॅमेऱ्यासमोर रडू लागले. प्रोमोमध्ये मृदुल तिवारी, प्रणित मोरे आणि कुनिका सदानंद मोठ्याने रडताना दिसत आहेत. त्यांच्या कुटुंबियांसाठी, या स्पर्धकांनी कॅप्टनशिपचा त्यागही केला आहे. चला जाणून घेऊया आगामी एपिसोडमध्ये काय आहे.
16 Oct 2025 02:45 PM (IST)
कलर्स टीव्हीवरील रि ॲलिटी शो “बिग बॉस १९” मध्ये, स्पर्धक अनेकदा भांडणात अडकतात. या शोला मनोरंजक बनवणारी गोष्ट म्हणजे शोमधील स्पर्धकांमधील भांडण निर्माते शोला हिट करण्यासाठी सर्वतोपरी प्रयत्न करत आहेत, परंतु त्यांना खराब टीआरपी रेटिंगशिवाय दुसरे काहीही साध्य करण्यात अपयश मिळत आहे. परिणामी, शो लवकरच वेळेपूर्वीच बंद केला जाण्याची शक्यता आहे. परंतु अलीकडेच, राखी सावंतने खुलासा केला की ती “बिग बॉस १९” च्या घरात प्रवेश करत आहे. तसेच तिने चाहत्यांना वोट करा असे देखील सांगितले आहे.
16 Oct 2025 02:40 PM (IST)
Maharashtra Weather Update: गेल्या काही दिवसांमध्ये राज्यभरात पावसाने विश्रांती घेतल्याचे दिसून आले. मान्सूनचा परतीचा प्रवास सुरू झाल्याचे म्हटले जात होते. यंदा मान्सूनच्या कालावधीत महाराष्ट्राने इतर वर्षांच्या तुलनेत पावसाचा वेगळा अनुभव घेतला. मान्सूनचे आगमन वेळेआधी, म्हणजे तब्बल एक महिना लवकर झाले होते. मात्र इतके दवास विश्रांती घेतल्यानंतर पावसाने पुन्हा हजेरी लावली आहे. पुढील काही दिवस राज्यात पावसाचा इशारा देण्यात आला आहे.
16 Oct 2025 02:35 PM (IST)
ज्योतिषशास्त्रानुसार 17 ऑक्टोबर रोजी सूर्य तूळ राशीमध्ये प्रवेश करणार आहे. ज्याचा परिणाम काही राशीच्या लोकांवर होणार आहे. तूळ राशीच्या सौम्य उर्जेच्या प्रभावाखाली, आत्मविश्वासपूर्ण विचारसरणी जोडली जाते आणि लक्ष नातेसंबंध, सहकार्य आणि सामायिक ध्येयांकडे वळते. नेतृत्व, संवाद आणि भागीदारी यावर लक्ष केंद्रित करण्याची ही वेळ आहे. सूर्याच्या संक्रमणाचा परिणाम कोणत्या राशीच्या लोकांवर होणार आहे ते जाणून घ्या
16 Oct 2025 02:30 PM (IST)
MP Crime Case: मध्य प्रदेश : इंदौरमधील धक्कादायक घटना समोर आली आहे. एकाच घरामध्ये स्वतःला बंद करत 24 तृतीयपंथींनी आत्महत्येचा प्रयत्न केला. इंदूरमध्ये २४ ट्रान्सजेंडर लोकांनी फिनाइल प्यायल्याची घटना घडली आहे. या मागील गंभीर आणि धक्कादायक कारण समोर आले आहे. ही घटना पायल गुरु आणि सपना हाजी गटांमधील दीर्घकाळ चाललेल्या वादाचा परिणाम असल्याचे देखील समोर आले आङबे. यामधून ट्रान्सजेंडर व्यक्तीवर लैंगिक अत्याचार आणि ब्लॅकमेलिंग देखील केले जात असल्याची धक्कादायक बाब समोर आली आहे.
16 Oct 2025 02:22 PM (IST)
दारूच्या व्यसनाच्या अधीन गेलेल्या मुलांनी आपल्या आईची निर्घृण हत्या केल्याचे समोर आले आहे. दारूसाठी पैसे न दिल्याच्या रागातून सावत्र मुलाने खलबत्त्याने डोके ठेचून निर्घृण हत्या केली. ही धक्कादायक घटना बुधवारी (दि. १५) सकाळी साडेसहाच्या सुमारास राजेंद्रनगर येथील साळोखे पार्क परिसरातील भारतनगरमध्ये घडली. मृत्यू झालेल्या महिलेचं नाव सावित्रीबाई अरुण निकम (वय ५३) असे आहे. तर आरोपी मुलाचे नाव विजय अरुण निकम (वय ३५) असे आहे. राजारामपुरी पोलिसांनी घटनास्थळावरून अटक केली आहे.
16 Oct 2025 02:15 PM (IST)
टेलिव्हिजनच्या जगात जर असा एखादा कार्यक्रम असेल ज्याने वर्षानुवर्षे प्रेक्षकांना भुरळ घातली असेल तर तो म्हणजे “बिग बॉस” चा खेळ. दरवर्षी, हा रिॲलिटी शो नवीन चेहरे, नवीन भांडण, मैत्री, प्रेम आणि कधीकधी हृदयस्पर्शी क्षण देखील प्रेक्षकांना दाखवतात. “बिग बॉस १९” चा चालू सीझन प्रेक्षकांसाठी एक रोलरकोस्टर राईड ठरत आहे. नऊ आठवड्यांच्या या काळात भांडणांनी आणि गटबाजीने वातावरणाला चालना दिली आहे, परंतु या आठवड्यात एक असा टास्क पाहायला मिळाला ज्याने वातावरण पूर्णपणे बदलून टाकले आहे. दिवाळीच्या खास प्रसंगी, जेव्हा स्पर्धकांना त्यांच्या कुटुंबातील सदस्यांकडून पत्रे मिळाली तेव्हा त्यांच्या डोळ्यात अश्रू आले.
16 Oct 2025 02:06 PM (IST)
BJP Candidate List in Bihar: बिहारमध्ये विधानसभा निवडणूक जाहीर झाली आहे. दोन टप्प्यात ही विधानसभा निवडणूक होणार आहे. दरम्यान भाजपने आपल्या उमेदवारांची यादी जाहीर केली आहे. भाजपने आपल्या 101 उमेदवारांची यादी जाहीर केली आहे. तिसऱ्या आणि अखेरच्या टप्यात 18 उमेदवारांची यादी जाहीर करण्यात आली आहे. राघोपुरमधून सतीश कुमार यादव यांना तिकीट देण्यात आले आहे.
16 Oct 2025 02:00 PM (IST)
शेतकऱ्यांच्या चिंतेत वाढ करणारी बातमी समोर येत आहे. देशभरातील लाखो शेतकरी प्रधानमंत्री किसान सन्मान निधी योजनेच्या २१ वा हप्ताची (PM Kisan 21st Installment) आतुरतेने वाट पाहत आहेत. सरकारने आतापर्यंत २० हप्ते जारी केले आहेत आणि आता ते २१ व्या हप्त्याची वाट पाहत आहेत. ही योजना शेतकऱ्यांना वार्षिक ६,००० रुपयांची मदत देते, जी तीन हप्त्यांमध्ये वितरित केली जाणार आहे.
16 Oct 2025 01:47 PM (IST)
मुंबईतील नारायणा हेल्थ एसआरसीसी चिल्ड्रन्स हॉस्पिटलने एक महिन्याच्या तान्‍ह्या बाळावर यशस्वीरित्या उपचार केले आहेत, ज्याला बायलॅटरल डायफ्रामॅटिक इव्हेंट्रेशन होते. ही एक दुर्मिळ आणि गंभीर स्थिती आहे, जिचा नवजात बाळांच्‍या श्‍वासोच्छवासावर आणि श्‍वसनसंस्‍थेवर गंभीर परिणाम होतो. या तान्‍ह्या बाळावरील यशस्वी शस्त्रक्रिया आणि शस्त्रक्रियेनंतर रिकव्‍हरी नवजात बाळाची काळजी घेण्‍यामधील उल्लेखनीय कामगिरी आहे.
16 Oct 2025 01:40 PM (IST)
सोने आणि चांदीच्या वायदा व्यवहारात प्रचंड तेजी आहे. गुरुवारी (१६ ऑक्टोबर) सलग चौथ्या दिवशी देशांतर्गत बाजारात सोन्याच्या वायदा भावाने सर्वकालीन उच्चांक गाठला. चांदीनेही एक नवीन उच्चांक गाठला. ही बातमी लिहिताना, देशांतर्गत बाजारात सोन्याचा वायदा भाव १,२७,८०० रुपये आहे, तर चांदीचा भाव १,६३,६५० रुपयांच्या आसपास व्यवहार करत आहे. आंतरराष्ट्रीय बाजारात सोने आणि चांदीच्या वायदा भावाने सर्वकालीन उच्चांक गाठला.
16 Oct 2025 01:30 PM (IST)
दीपावलीच्या स्वागताची लगबग सुरू झाली असून, बाजारपेठांमध्ये आकाश कंदीलांची खरेदी उत्साहात सुरू आहे. दिवाळी साजरी करण्याचा अविभाज्य भाग असलेल्या आकाश कंदीलांच्या खरेदीकडे यंदा विशेष लक्ष वेधले जात आहे. काही वर्षांच्या आधुनिक ट्रेंडनंतर नागरिक पुन्हा पारंपरिक षटकोनी आकाश कंदीलांकडे वळले आहेत. या आकाश कंदीलांची किंमत ३०० रुपयांपासून ते ३००० रुपयांपर्यंत असून पर्यावरणपूरक, साधेपण जपणारे आणि विशिष्ट कलाकुसर असलेले हे कंदील यावर्षी विशेष लोकप्रिय ठरत आहेत.
16 Oct 2025 01:23 PM (IST)
अलिकडेच अफगाणिस्तान आणि बांगलादेश यांच्यातील तीन सामन्यांची एकदिवसीय मालिका संपली, जी अफगाणिस्तानने ३-० ने जिंकली. या मालिकेत अफगाणिस्तानची फलंदाजी आणि गोलंदाजी प्रभावी होती. अफगाणिस्तानने तिसरा सामना २०० धावांनी जिंकला, जो एकदिवसीय इतिहासातील त्यांचा दुसरा सर्वात मोठा विजय होता. या सामन्यादरम्यान, अफगाणिस्तानचा खेळाडू इब्राहिम झद्रानचे मैदानावरील वर्तन महागात पडले, ज्यामुळे आयसीसीने त्याला शिक्षा ठोठावली.
16 Oct 2025 01:00 PM (IST)
गेल्या काही दिवसांपासून पाकिस्तान आणि अफगाणिस्तानच्या तालिबान सैन्यात संघर्ष सुरु होता. दोन्ही देश एकमेकांवर हल्ले आणि दहशतवादाला आश्रय दिल्याचा आरोप करत होते. या संघर्षामुळे दोन्ही देशांच्या शेकडो नागरिक जखमी झाले आहेत. पण अखेर बुधवारी (१५ ऑक्टोबर) संध्याकाळपासून ४८ तासांसाठी युद्धबंदी लागू केली आहे.
16 Oct 2025 12:45 PM (IST)
अमेरिकेचे राष्ट्राध्यक्ष डोनाल्ड ट्रम्प यांनी पुन्हा भारतावर रशियाकडून तेल खरेदीवरुन निशाणा साधला आहे. त्यांनी भारताने रशियाकडून तेल खरेदी बंद केल्याचा दावा केला आहे, पण त्यांच्या या दाव्यावर भारताकडून अद्याप कोणतीही अधिकृत प्रतिक्रिया आलेली नाही. रशिया युक्रेन युद्ध थांबवण्यासाठी हे मोठे पाऊल असल्याचेही ट्रम्प यांनी म्हटले आहे.
16 Oct 2025 12:27 PM (IST)
राजस्थानमधील एक धक्कादायक व्हिडिओ समोर आला आहे. विद्यार्थ्यांनी भरलेली पूर्ण रिक्षा रस्त्यावरुन जाताना खड्ड्यात पडली. यावेळी विद्यार्थी देखील रस्त्यावर आणि खड्ड्यात पडले. याचा धक्कादायक व्हिडिओ व्हायरल झाल्यानंतर सरकारवर जोरदार टीका केली जात आहे.
Place: Rajgarh
District: Churu
State: Rajasthan
Chief Minister: BJP
Prime Minister: BJP
MLA: BJP#ModiHaiTohMumkinHai pic.twitter.com/fFydSO0j3R— Mohit Chauhan (@mohitlaws) October 14, 2025
16 Oct 2025 12:19 PM (IST)
सिम्बायोसिस कॉलेजमधील पदवी प्रदान सोहळ्यासाठी संरक्षण मंत्री राजनाथ सिंह आणि मुख्यमंत्री देवेंद्र फडणवीस हे उपस्थित राहणार आहेत. दोन्ही नेते एकाच प्रमुख मंचावर बसणार होते. मात्र मंचावर साप रांगताना दिसून आला. या सापाचा व्हिडिओ देखील समोर आला आहे. मंचाच्या आसपासच्या परिसरामध्ये साप दिसून आला. प आढळल्यामुळे उपस्थित यंत्रणांची धावपळ उडाली. मिळालेल्या माहितीनुसार, हा साप मंचाच्या खाली गेला आहे. मंत्री महोदय मंचावर येण्यापूर्वी सुरक्षिततेच्या दृष्टिकोनातून या सापाला बाजूला करण्याचे मोठे आव्हान यंत्रणांसमोर उभे राहिले आहे. तसेच या ठिकाणी अतिमहत्त्वाच्या व्यक्ती उपस्थिती राहणार असल्याने कार्यक्रमापूर्वी साप पकडण्याचे प्रयत्न युद्धपातळीवर सुरू आहेत.
16 Oct 2025 12:00 PM (IST)
ठाकरे वाईल्डलाईफ फाऊंडेशनचे प्रमुख संशोधक तेजस ठाकरे आणि त्यांच्या ग्रुपने पुन्हा एकदा पश्चिम घाटातील जैवविविधतेच्या खजिना शोधला आहे. कोल्हापूर जिल्ह्यातील तिलारी येथील निमसदाहरित जंगलामध्ये त्यांनी केसाळ गोगलगायींच्या एका नवीन प्रजातीचा यशस्वीरित्या शोध लावला आहे. या महत्त्वपूर्ण शोधामुळे या लहान प्रजातींच्या अभ्यासाला नवी दिशा मिळाली आहे.
16 Oct 2025 11:50 AM (IST)
नाशिकरोड येथील मध्यवर्ती कारागृह (Nashik Road Central Jail) पुन्हा एकदा वादाच्या भोवऱ्यात सापडले आहे. कैद्यांनी कारागृहाच्या आत अमली पदार्थांचे सेवन करतानाचे फोटो आणि व्हिडीओ सोशल मीडियावर व्हायरल झाले आहेत. विशेष म्हणजे, याच व्हायरल व्हिडीओंमध्ये काही कैद्यांनी मोबाईलवर रील्स देखील बनवल्याचे उघड झाले आहे
16 Oct 2025 11:40 AM (IST)
केंद्र सरकारनुसार, राज्य आणि केंद्र शासीत प्रदेशातील जवळपास 31.01 लाख असे लाभार्थी आहेत, जिथे पती आणि पत्नी दोन्ही पीएम किसान योजनेचा लाभ उचलत आहेत. तर नियमानुसार, एक कुटुंबातील पती अथवा पत्नी यातील एकालाच पंतप्रधान शेतकरी सन्मान निधी योजनाचा लाभ घेता येतो. त्यांच्या खात्यात वार्षिक 6 हजार रुपये जमा होतात. याविषयीच्या काही वृत्तानुसार, केंद्रीय कृषी मंत्रालयाने मोठ्या प्रमाणात अर्जांची, ईकेवायसीची पडताळणी सुरू केली आहे. त्यामध्ये एकाच कुटुंबातील दोन व्यक्ती पीएम किसान निधी योजनेचा फायदा घेत असल्याचे समोर आले आहे. त्यांची नावं या यादीतून बाद होणार आहे.
16 Oct 2025 11:33 AM (IST)
आमच्या काकी सौ भारती प्रतापराव पवार यांचे नुकतेच निधन झाले. त्या आम्हा सर्वांसाठी आईसमान होत्या. म्हणूनच आम्ही सर्व पवार कुटुंबीयांनी मिळून यावर्षीची दिवाळी साजरी न करण्याचा निर्णय घेतला आहे. त्यामुळे दरवर्षी गोविंदबाग, बारामती येथे होणारी दिवाळी आणि दिवाळीच्या पाडव्यानिमित्त होणारा सहृदांच्या भेटीचा कार्यक्रम देखील यावर्षी होणार नाही, अशी माहिती खासदार सुप्रिया सुळेंनी दिली.
16 Oct 2025 11:25 AM (IST)
बागेश्वर धामचे आध्यात्मिक नेते धीरेंद्र शास्त्री हे मधुरामधून म्हणाले की,"... ब्रिज धाममधील मांस आणि मद्य विक्री करणाऱ्या दुकानांचे परवाने रद्द करावेत आणि त्यांना ब्रिज परिसरातून बाहेर ठेवावे. या शुभ इच्छेने, आम्ही ही पदयात्रा काढू. आज मथुरा येथे त्यासाठी एक दिवसाचा कार्यक्रम आयोजित करण्यात आला होता. येथे आम्ही शपथ घेतली की, कायदा आणि सुव्यवस्थेचे पालन करून, आम्ही भगवान कृष्णाला सांगितले की, कृष्ण लल्ला, आम्ही लवकरच येऊन येथे मंदिर बांधू."
16 Oct 2025 11:15 AM (IST)
उत्तर प्रदेशमधील अयोध्यानगरीची दीपावली ही नेहमीच खास मानली जाते. अयोध्यामध्ये होणार नेत्रदीपक दीपोत्सव पाहण्यासाठी लाखो लोक येत असतात. १९ ऑक्टोबर रोजी अयोध्येत होणाऱ्या दीपोत्सवापूर्वी राम की पैडी येथे लेसर आणि लाईट शोची चाचणी घेण्यात आली आहे.
16 Oct 2025 11:05 AM (IST)
भारताच्या स्वातंत्र्य लढ्यातील एक कटू अध्याय म्हणजे बंगालची फाळणी. बंगालच्या फाळणीला १६ ऑक्टोबर १९०५ पासून सुरुवात झाली. १९११ मध्ये दोन्ही बाजूंच्या भारतीय जनतेच्या दबावामुळे बंगालचे पूर्व आणि पश्चिम भाग झाले. पूर्व बंगाल भौगोलिक रूपाने आणि कमी संप्रेषण साधने असल्यामुळे तो पश्चिम बंगाल पासून वेगळा झाला. फाळणीमागे इंग्रजांची “फोडा आणि राज्य करा” हा हेतू होता. लॉर्ड कर्झनने राष्ट्रीय काँग्रेसमधील हिंदू-मुस्लिम जनतेमध्ये फुट पाडण्याच्या हेतूने १९ जुलै १९०५ रोजी बंगालच्या फाळणीची घोषणा केली. याविरोधात नंतर जोरदार आंदोलन झाली. बंकिमचंद्र चॅटर्जी यांचे वंदे मातरम हे गीत राष्ट्रीय चळवळीला महामंत्र ठरले. लोकमान्य टिळक, बिपीनचंद्र पाल, व लाला लजपतराय यांनी रान उठविले.
16 Oct 2025 10:56 AM (IST)
अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी रशियन तेल खरेदीवरुन पुन्हा एकदा भारतावर निशाणा साधला आहे. ट्रम्प यांनी भारत रशियाकडून तेल खरेदी बंद करणार असल्याचा दावा केला आहे. त्यांच्या या दाव्याने मोठी खळबळ उडाली आहे. ट्रम्प यांनी दावा केला आहे की, पंतप्रधान नरेंद्र मोदी (Narendra Modi) यांनी त्यांना रशियाकडून तेल खरेदी न करण्याचे आश्वासन दिले आहे. त्यांनी भारताच्या या आश्वासनाला रशिया-युक्रेन युद्ध (Russia Ukraine War) थांबवण्याच्या दिशेने एक मोठे पाऊल म्हणून वर्णन केले आहे. मात्र, अद्याप भारताकडून ट्रम्प यांच्या दाव्यावर कोणतीही अधिकृत प्रतिक्रिया आलेली नाही.
16 Oct 2025 10:46 AM (IST)
सध्या सोशल मीडियावर Meta AI हा चर्चेचा विषय बनला आहे. आणि आता अश्यातच दीपिका पादुकोणने एक इतिहास रचला आहे. बॉलीवूडमध्ये धमक केल्यानंतर आता ती मेटा एआय वर राज्य करताना दिसणार आहे. अभिनेत्री मेटा एआयला आवाज देणार असल्याचे समजले आहे. हे करणारी भारतातील पहिली महिला ठरली आहे. मेटा एआय हा मेटाच्या इकोसिस्टममध्ये समाकलित केलेला व्हर्च्युअल असिस्टंट आहे, ज्यामध्ये रे-बॅन मेटा स्मार्ट ग्लासेसचा समावेश आहे. दीपिका आता या एआय असिस्टंटला आवाज देणाऱ्या जागतिक सेलिब्रिटींच्या यादीत सामील झाली आहे, ज्यात हॉलिवूड स्टार अवक्वाफिना आणि जुडी डेंच यांचा समावेश आहे.
16 Oct 2025 10:39 AM (IST)
जळगाव जिल्ह्यातून मुक्ताईनगर व वरणगाव शिवारातील पेट्रोल पंपावर गेल्या आठवड्यात सशस्त्र दरोडा टाकण्यात आला होता. विशेष म्हणजे हा पेट्रोल पंप केंद्रीयमंत्री रक्षा खडसे यांच्या मालकीचा असल्याने पोलिसांनी तातडीने आपली तपासाची चक्रे फिरवत सशस्त्र दोराड्याप्रकरणी पोलिसांनी आता सहा जणांची टोळी जेरबंद केली आहे. या घटनेमुळे संपूर्ण जिल्ह्यात खळबळ उडाली आहे.
16 Oct 2025 10:31 AM (IST)
बॉलीवूड अभिनेत्री सोनाक्षी सिन्हा सध्या सोशल मीडियावर तिच्या एका व्हिडिओमुळे चर्चेत आहे. अलिकडेच झालेल्या एका कार्यक्रमातील तिच्या लूकने चाहत्यांना आश्चर्यचकित केले आणि तिच्या गरोदरपणाच्या अफवा पसरल्या. परंतु, या अफवा पसरू लागताच, तिचा पती झहीर इक्बालने अशी प्रतिक्रिया दिली की चाहत्यांना ती पाहून खूप मजा आली. आता झहीरने नक्की काय असे केले की त्याचा व्हिडीओ सोशल मीडियावर व्हायरल होत आहे हे जाणून घेऊयात.
16 Oct 2025 10:24 AM (IST)
पंतप्रधान नरेंद्र मोदी यांच्या सरकारच्या माध्यमातून अनेक विकासकामे करण्यात आली आहेत. त्यातच आता पंतप्रधान मोदी गुरुवारी आंध्र प्रदेशला भेट देणार आहेत. या भेटीदरम्यान ते 13430 कोटी रुपयांच्या प्रकल्पांचे उद्घाटन आणि पायाभरणी करणार आहेत. याशिवाय, कुर्नूलमध्ये सुपर जीएसटी-सुपर सेव्हिंग्ज कार्यक्रमातही ते सहभागी होतील, असे सांगण्यात आले आहे.
16 Oct 2025 10:18 AM (IST)
पुरुष टी20 विश्वचषक 2026 मध्ये 20 संघ सहभागी होणार आहेत. यामध्ये आतापर्यत 19 संघानी त्याची जागा पक्की केली आहे. बुधवार, १५ ऑक्टोबर हा दिवस नेपाळ आणि ओमानच्या संघांसाठी खास होता. नेपाळने सलग दुसऱ्यांदा आयसीसी पुरुष टी२० विश्वचषकासाठी पात्रता मिळवली. नेपाळसोबतच ओमाननेही भारत आणि श्रीलंकेत होणाऱ्या २०२५ च्या टी२० विश्वचषकात स्थान मिळवले. नेपाळ आणि ओमानने आशिया आणि आशिया पॅसिफिक पात्रता फेरीतून या मेगा स्पर्धेसाठी पात्रता मिळवली. अशाप्रकारे, २० पैकी १९ संघ या वर्षीच्या टी२० विश्वचषकासाठी पात्र ठरले आहेत.
16 Oct 2025 10:06 AM (IST)
भारत आणि वेस्ट इंडिज यांच्यातील मालिका संपल्यानंतर बीसीसीआयने त्यांच्या अधिकृत वेबसाइट आणि इंस्टाग्रामवर एक व्हिडिओ पोस्ट केला. त्यात टीम इंडियाचे सर्व टॉप खेळाडू होते. सिराज आणि बुमराह मैदानावर सराव करताना एकत्र फिरत असतानाचा एक क्षण चर्चेचा विषय बनला आहे. दरम्यान, जसप्रीतने सिराजची खिल्ली उडवत म्हटले, “मोहम्मद सिराज अधिकृत आहे, बाकी सर्व काही बनावट आहे. मी हे वापरेन.”
16 Oct 2025 09:59 AM (IST)
रायगड येथून एक धक्कदायक घटना समोर आली आहे. एका २३ वर्षीय तरुणाची हत्या करण्यात आली. आधी इन्स्टाग्रामवर बनावट नावाने खाते उघडून प्रेमाच्या जाळ्यात टाकले. नंतर त्यालाला भेटायला बोलावून अपहरण केले आणि जंगलात नेऊन ओढणीने गळा आवळून त्याची हत्या केली. एवढेच नाही तर ओळख पटूनये म्हणून आरोपींनी त्याच्या चेहऱ्यावर आणि शरीरावर केमिकल टाकले आणि मोबाईल फोडून टाकला. हि हत्या आणि दुसरं तिसरं कोणी नाही तर त्याच्या पत्नीनेच आपल्या प्रियकर आणि मैत्रिणीसोबत मिळून केली.
16 Oct 2025 09:53 AM (IST)
बंगळुरू येथून एक धक्कदायक घटना समोर आली आहे. डॉक्टर पतीनेच केली डॉक्टर पत्नीची हत्या केल्याचे समोर आले आहे. डॉक्टरने आपल्या पत्नीला बेशुद्धीचं एनेस्थिसीया इंजेक्शन देऊन हत्या केल्याचे समोर आले आहे. त्याने हा नैसर्गिक मृत्यू असल्याचं दाखवलं. या प्रकरणाचा खुलासा सहा महिन्यानंतर झाला आहे. या प्रकरणी एका डॉक्टरला अटक करण्यात आली असून आरोपी डॉक्टरच नाव महेंद्र रेड्डी आहे.
16 Oct 2025 09:42 AM (IST)
मुख्यमंत्री माझी लाडकी बहीण योजना राज्यातील महिलांच्या चांगलीच पसंतीस उतरली आहे. या योजनेच्या माध्यमातून महिलांना अर्थसहाय्य दिले जात आहे. पण, आता लाडकी बहीण योजनेंतर्गत प्रत्येक लाभार्थी महिलेला ई-केवायसी करणे बंधनकारक करण्यात आले. ई-केवायसीसाठी लाडक्या बहिणींसमोर अडचणी निर्माण झाल्या आहेत. वेबसाईटवर वारंवार एरर येत असून, ओटीपी येत नसल्याने लाडक्या बहिणींच्या अडचणीत वाढ झाली आहे.
Marathi Breaking News Updates : पंतप्रधान नरेंद्र मोदी यांच्या सरकारच्या माध्यमातून अनेक विकासकामे करण्यात आली आहेत. त्यातच आता पंतप्रधान मोदी गुरुवारी आंध्र प्रदेशला भेट देणार आहेत. या भेटीदरम्यान ते 13430 कोटी रुपयांच्या प्रकल्पांचे उद्घाटन आणि पायाभरणी करणार आहेत. याशिवाय, कुर्नूलमध्ये सुपर जीएसटी-सुपर सेव्हिंग्ज कार्यक्रमातही ते सहभागी होतील, असे सांगण्यात आले आहे.
आंध्र प्रदेश दौऱ्यावर असताना पंतप्रधान मोदी श्रीशैलममधील श्री भ्रमरम्बा मल्लिकार्जुन स्वामी वरला देवस्थानमला भेट देऊन त्यांच्या दौऱ्याची सुरुवात करतील. आंध्र प्रदेशात पोहोचल्यानंतर पंतप्रधान सकाळी श्रीशैलममधील श्री भ्रमरम्बा मल्लिकार्जुन स्वामी वरला देवस्थानात पूजा करतील. हे मंदिर 12 ज्योतिर्लिंगांपैकी एक आणि 52 शक्तीपीठांपैकी एक आहे. या मंदिराचे एक वेगळे वैशिष्ट्य म्हणजे एकाच संकुलात ज्योतिर्लिंग आणि शक्तीपीठ यांचे सहअस्तित्व, ज्यामुळे ते संपूर्ण देशातील अशा प्रकारच्या एकमेव मंदिरांपैकी एक बनले आहे.
.png "Videos"){kind=small}
