Shefali Jariwala च्या मृत्यूने सर्वत्र खळबळ; किती धोकादायक आहे कार्डियाक अरेस्ट? याला रोखण्याचे मार्ग जाणून घ्या

'काटा लगा' आणि 'बिग बॉस १३' फेम अभिनेत्री शेफाली जरीवालाचे वयाच्या ४२ व्या वर्षी निधन झाले आहे. तिच्या मृत्यूने सर्वत्र खळबळ उडाली असून नुकतेच तिच्या मृत्यूचे कारण समोर आले आहे.

(फोटो सौजन्य: istock, Pinterest)

Follow Us:

Follow Us:

‘काटा लागा’ हे गाणं एकेकाळचं असं गाणं जे आजही वाजलं तर लोक त्यावर थिरकल्याशिवाय राहत नाही. या गाण्यात दिसून आलेली अभिनेत्री शेफाली जरीवाला हिने जगाचा निरोप घेतला असून वयाच्या अवघ्या ४२ व्या वर्षी तिचे निधन झाले आहे. बिग बॉस १३ मध्येही शेफालीने स्पर्धक म्हणून एंट्री घेतली होती, लोकांना तिचा खेळ फार आवडला होता त्यातच आता तिच्या जाण्याची ही बातमी सर्वांनाच आश्चर्याचा धक्का देत आहे. अचानक झालेल्या तिच्या या मृत्यूचे कारण कार्डियाक अरेस्ट असल्याचे सांगितले जात आहे. आतापर्यंत अनेक कलाकारांनी या आजरामुळे आपला जीव गमावला आहे अशात आज आपण कार्डियाक अरेस्ट काय आहे आणि शरीरावर तो कसा परिणाम करतो, याच्या जोखीम घटक काय आहेत ही सर्व माहिती जाणून घेणार आहोत.

मधुमेह असो वा पचनाचे विकार… कडुनिंबाचे पान म्हणजेच वरदान!

कार्डियक अरेस्ट काय आहे?

हृदयाचे ठोके अचानक थांबले की कार्डियाक अरेस्ट होतो . अशा परिस्थितीत आपले हृदय शरीरात रक्त पंप करणे थांबवते. यामुळे, एखादी व्यक्ती काही मिनिटांत बेशुद्ध होऊ शकते किंवा श्वास घेणे थांबवू शकते. या स्थितीत, जर रुग्णाला ताबडतोब सीपीआर किंवा डिफिब्रिलेटरचा झटका दिला नाही तर त्याचा जागीच मृत्यू होऊ शकतो.

क्लीव्हलँड क्लिनिकच्या मते, हृदयविकाराच्या झटक्याची अनेक कारणे आणि जोखीम घटक आहेत

• कोरोनरी धमनी रोग – जेव्हा हृदयाच्या धमन्या ब्लॉक होतात.
• हृदयविकाराचा इतिहास – ज्यांना पूर्वी हृदयविकाराचा झटका आला आहे त्यांनाही जास्त धोका असतो.
• हृदयाच्या स्नायूंमध्ये आजार
• उच्च रक्तदाब किंवा उच्च कोलेस्ट्रॉल
• जन्मापासूनच हृदयरोग असणे
• विजेचा धक्का बसणे
• ड्रग्ज किंवा अल्कोहोलचा जास्त वापर
• पोटॅशियम किंवा मॅग्नेशियमची कमतरता
• खूप जास्त ताण किंवा भीती

हार्ट अटॅक आणि कार्डियक अरेस्टमध्ये काय फरक आहे?

कार्डियक अरेस्टमध्ये, हृदयाचे ठोके अचानक थांबतात. जेव्हा असे होते तेव्हा अचानक बेशुद्ध होणे, श्वास घेण्यास त्रास होणे, हृदयाचे ठोके थांबणे इत्यादी अनेक लक्षणे दिसून येतात. जेव्हा रक्तपुरवठा कमी झाल्यामुळे हृदयाच्या स्नायूंना नुकसान होते तेव्हा हृदयविकाराचा झटका येतो. रक्ताच्या गुठळ्या किंवा प्लेकमध्ये अडथळा येणे अशी अनेक कारणे आहेत. त्याची लक्षणे छातीत दुखणे, घाम येणे, श्वास घेण्यास त्रास होणे, गोंधळ इत्यादी आहेत.

किती धोकादायक आहे कार्डियक अरेस्ट?

कार्डियक अरेस्ट ही एक मेडिकल इमरजन्सी आहे. एखाद्याला जर कार्डियाक अरेस्टचा झटका आला तर अधिकतर प्रकरणांमध्ये रुग्ण पोहोचण्यापूर्वीच मृत्युमुखी पावतो. अभिनेत्री शेफाली जरीवालाच्या बाबतीत देखील हेच झाले. तथापि, आम्ही तुम्हाला सांगतो की, कार्डियाक अरेस्ट येण्याच्या तीन ते पाच मिनिटांत सीपीआर आणि डिफिब्रिलेटरचा वापर केला तर रुग्णाला वाचवता येऊ शकते.

ही 5 लक्षणे दिसताच समजून जा तुम्हाला झालाय Bone Cancer; वेळीच लक्ष दिले नाही तर भोगावे लागतील वाईट परिणाम

बचाव कसा करावा?

• वेळोवेळी तुमचे हृदय तपासा.
• उच्च रक्तदाब, साखर आणि कोलेस्टेरॉलची पातळी नियंत्रणात ठेवा
• धूम्रपान आणि दारूपासून दूर रहा
• निरोगी आहार घ्या
• व्यायाम करा.

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: Actress shefali jariwala passes away at the age of 42 know the risk of cardiac arrest health tips lifestyle news in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com