शनिवार, 7 नोव्हेंबर 2026
डोळ्यांभोवती आलेल्या काळ्या वर्तुळांमुळे त्वचा निस्तेज झाली आहे? मग 'हे' घरगुती उपाय करून मिळवा आराम
डोळ्यांवर आलेले काळे डाग घालवण्यासाठी काकडीच्या रसाचा वापर करावा. काकडीमध्ये भरपूर पाणी असते, ज्यामुळे त्वचेवर ताजेपणा टिकून राहतो. यासाठी वाटीमध्ये काकडीचा रस घेऊन त्यात गुलाबपाणी मिक्स करा. तयार केलेले मिश्रण कापसाच्या गोळ्यावर घेऊन हलक्या हाताने डोळ्यांखाली लावून घ्या. १५ ते मिनिट ठेवून नंतर त्वचा पाण्याने स्वच्छ करून घ्या. यामुळे त्वचेवर आलेली सूज आणि थकवा कमी होण्यास मदत होईल. याशिवाय काकडीचे काप डोळ्यांवर सुद्धा ठेवू शकता.
मागील अनेक वर्षांपासून गुलाब पाण्याचा वापर त्वचेवर वाढलेले काळे डाग आणि त्वचेच्या समस्यांसाठी केला जात आहे. डोळ्यांखाली वाढलेले काळे डाग घालवण्यासाठी गुलाब पाणी लावून काहीवेळ तसेच ठेवा. यामुळे डोळ्यांना थंडावा मिळेल आणि थकवा कमी होण्यास मदत होईल. गुलाब पाणी केवळ डोळ्यांसाठीच नाहीतर संपूर्ण त्वचेसाठी अतिशय प्रभावी आहे.
जेवणातील सर्वच पदार्थ बनवताना बटाट्याचा वापर केला जातो. यामध्ये नैसर्गिक ब्लिचिंग एजंट असतात, ज्यामुळे त्वचेवर वाढलेला काळेपणा कमी होण्यासोबतच त्वचेचा रंग सुद्धा उजळतो. कापसावर बटाट्याचा रस घेऊन डोळ्यांभोवती लावून काहीवेळ तसाच ठेवा. यामुळे डोळ्यांभोवती वाढलेला काळेपणा कमी होईल आणि डोळे अतिशय सुंदर दिसतील. बटाट्यामध्ये असलेले अँटी ऑक्सिडंट्स आणि टॅनिन्स डोळ्यांभोवती असलेल्या त्वचेचे रक्तभिसरण सुधारण्यास मदत करते.
