Recipe: चविष्ट आणि पौष्टिक असा नाश्ता शोधताय? मग झटपट घरी बनवा पालक-मूग डाळ डोसा

Palak Moong Dal Dosa: तोच तोच बोरिंग नाश्ता सोडा आणि घरी बनवा टेस्टी पालक मूग डाळ डोसा. हा डोसा चवीबरोबरच तुमच्या आरोग्याचीही काळजी घेईल. जाणून घ्या यासाठी साहित्य आणि कृती.

(फोटो सौजन्य: Pinterest)

Follow Us:

Follow Us:

सकाळचा नाश्ता आपल्या आरोग्यासाठी खूप फायद्याचा असतो. यामुळे दिवसभर आपल्या शरीरात ऊर्जा कायम राहते. सकाळचा नाश्ता दिवसभर आपल्याला काम करण्यासाठी ऍक्टिव्ह ठेवत असतो, त्यामुळे तो कधीही स्किप करू नये. बाहेरचे अरबट चरबट खाल्ल्यामुळे अनेकजण लठ्ठपणाच्या समस्येने ग्रस्त आहेत, अशात लोक नाश्त्यासाठी एका पौष्टीक पण स्वादिष्ट अशा रेसिपीच्या शोधात असतात. तुम्हीही हेल्दी रेसिपी शोधत असाल तर आजची ही रेसिपी तुमच्या कामाची ठरेल.

जर तुम्ही पौष्टिक आणि आरोग्यदायी काहीतरी शोधत असाल तर पालक मूग डाळ डोसा हा एक उत्तम पर्याय आहे. हा एक पौष्टिक आणि ग्लूटेन मुक्त डोसा आहे जो तुमच्या नाश्त्यासाठी योग्य आहे. मूग डाळीतील प्रथिने आणि पालकातील लोह या पदार्थाची ताकद दुप्पट करते. शिवाय हा डोसा सहज आणि झटपट बनून तयारही होतो. चला जाणून घेऊया यासाठी लागणारे साहित्य आणि कृती.

होळी सणानिमित्त घरी बनवा ‘लुसलुशीत मऊ पुरणपोळी’, पारंपरिक पद्धतीने बनवा पदार्थ

साहित्य

• 1 वाटी भिजवलेली मूग डाळ
• एक कप पालक
• एक कप कोथिंबीर
• 2 ते 3 हिरव्या मिरच्या
• ½ इंच आले
• जिरे
• मीठ
• किसलेले गाजर आणि कांदे
• सांबार मसाला

चमचमीत खायची इच्छा होतेय? मग रात्रीच्या जेवणाला बनवा मसालेदार दही छोले; पाहूनच तोंडाला पाणी सुटेल

कृती

• पालक डाळ मूग डोसा बनवण्यासाठी सर्वप्रथम भिजवलेली मूग डाळ काहीतास पाण्यात भिजवून ठेवा
• यानंतर एका बाऊलमध्ये वाटलेली मूग डाळ, पालक, कोथिंबीर, हिरवी मिरची, आले, जिरे आणि मीठ एकत्र करून डोसासारखे पीठ तयार करा
• यानंतर, गरम पॅनमध्ये तेल शिंपडा आणि नंतर त्यावर पिठ घालून डोशाप्रमाणे पसरवा
• आता यावर किसलेले गाजर आणि कांद्याचे तुकडे घाला (तुम्हाला हवे असल्यास तुम्ही यावर किसलेला बिट देखील घालू शकता)
• डोसा काही मिनिटे तव्यावर तसाच राहूद्या आणि त्यांनतर डोसा उलटा
• दोन्ही बाजूंनी डोसा कुरकुरीत होईपर्यंत छान शिजवा आणि मग एका प्लेटमध्ये काढा
• तयार डोसा नारळाची चटणी आणि सांबारसह खाण्यासाठी सर्व्ह करा

Web Title: Know how to make healthy and tastu palak moong dal dosa recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com