Mahashivratri 2025: उपवासानिमित्त घरी बनवा पंजाबी स्टाईल शुगर फ्री लस्सी, मलईदार चव सर्वांना करेल खुश

Sugar Lassi Recipe: महाशिवरात्री आता अवघ्या एका दिवसावर आली आहे तुम्हीही यानिमित्त उपवास करण्याचा विचार केला असेल तर यादिवशी आपल्या आहारात पंजाबी स्टाईल शुगर फ्री लस्सीचा आवर्जून समावेश करा.

(फोटो सौजन्य: Pinterest)

Follow Us:

Follow Us:

यंदा 26 फेब्रुवारी रोजी देशभर शिवरात्री साजरी केली जाणार आहे. हा दिवस संपूर्णपणे भगवान शिवाला समर्पित केला जातो. लोक श्रद्धेने यादिवशी शिवाचे नामजप करतात, शिवमंदिरांना भेट देतात आणि व्रत-वैकल्य करतात. या दिवसासाठी आता अनेकांची तयारी सुरु झाली आहे. लोक अधिकतर यानिमित्त उपवासाच्या रेसिपीज शोधत असतात आम्हीही तुमच्यासाठी या दिनानिमित्त एक खास आणि थंडगार रेसिपी घेऊन आलो आहोत. ही रेसिपी दिवसभर तुम्हाला ऍक्टिव्ह आणि रिफ्रेश ठेवण्यास मदत करेल.

दह्याचे सेवन आरोग्यासाठी खूप फायदेशीर मानले जाते. याची चव तर छान लागतेच पण शरीराला थंडावा मिळण्यासही मदत होते. या कारणास्तव लोक भरपूर दही खातात. जर तुम्हाला घरच्या घरी लस्सी बनवायची असेल तर त्यासाठी जास्त मेहनत करावी लागणार नाही. आज आम्ही तुम्हाला पंजाब स्टाईल शुगर फ्री लस्सी घरी कशी बनवायची याची एक सोपी आणि झटपट रेसिपी सांगत आहोत. चला तर मग लगेच नोट करूयात यासाठी लागणारे साहित्य आणि कृती.

Mahashivratri 2025: रबरासारखी चिकट बनतेय साबुदाणा खिचडी? मग या टिप्स फॉलो करा; खिचडी बनेल मोकळी अन् चविष्ट

साहित्य

• 2 वाटी दही
• चवीनुसार गूळ
• अर्धा ग्लास पाणी
• काजू
• पिस्ता
• खजूर
• बदाम
• केशर
• मलई

साधं पण चवदार असं काही खायचंय? मग सोप्या पद्धतीने घरी बनवा सिंधी स्टाइल दाल पकवान

कृती

• यासाठी सर्वप्रथम काजू, पिस्ता, बदाम आणि खजूर पाण्यात भिजवा. आता जितक्या लोकांसाठी लस्सी बनवायची आहे तितके दही घ्या
• जर तुम्ही दोन लोकांसाठी लस्सी बनवत असाल तर साधारण दोन कप दही पुरेसे आहे
• लस्सी बनवण्यासाठी तुम्ही दही मिक्सरमध्ये फेटू शकता, यासाठी दही, तुम्हाला हवे असल्यास तुम्ही पारंपरिकरित्या देखील दही फेटू शकता
• जर तुम्ही मिक्सरमध्ये दही फेटत असाल तर 2 कप दह्यात अर्धा ग्लास थंड पाणी घाला. तुमच्या चवीनुसार किती गूळ घालायचा ते तुम्ही ठरवा
• आता भिजवलेले ड्रायफ्रुट्स चांगले बारीक करून लस्सीमध्ये मिसळा
• आता फेटलेल्या दहीला ग्लासमध्ये थोडे वरूनच ग्लासात ओता जेणेकरून यावर चांगला फेस येईल
• अशाप्रकारे तुमची मलईदार लस्सी तयार होईल
• तुम्हाला हवे असल्यास तुम्ही यावर मलाई टाकून लस्सी सर्व्ह करू शकता
• याशिवाय यावर फळ देखील टाकता येतील

Web Title: Mahashivratri 2025 how to make punjabi style sugar free malai lassi recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com