Banana Cutlet: संध्याकाळच्या हलक्या भुकेसाठी घरी बनवा पौष्टिक केळीचे कटलेट, नोट करा रेसिपी

तुम्हालाही संध्याकाळी हलकी हलकी भूक लागू लागते? मग यावेळी नाश्त्याला बनवून पहा केळीचे कटलेट. हे केळीचे कटलेट चवीला फार अप्रतिम लागतात आणि फार कमी वेळेत बनून तयारही होतात.

(फोटो सौजन्य – Pinterest)

Follow Us:

Follow Us:

संध्याकाळची वेळ झाली की आपल्याला हलकी हलकी भूक लागू लागते. अनेकांना संध्याकाळच्या नाश्त्यात काही ना काही चटपटीत आणि चवदार खणायची सवय आहे अशात आज आम्ही तुमच्यासाठी नाश्त्यासाठीचीच एक अनोखी आणि टेस्टी अशी रेसिपी घेऊन आलो आहोत. ही रेसिपी क्वचितच तुम्ही ट्राय केली असेल. काहीतरी नवीन चविष्ट खायचे असेल तर तुम्ही ही रेसिपी घरी करून पाहू शकता. ही रेसिपी चवीला तर अप्रतिम लागतेच शिवाय फार कमी वेळेत बनून तयार देखील होते.

१० मिनिटांमध्ये सकाळच्या नाश्त्यासाठी बनवा मऊ लुसलुशीत घावणे, नोट करून घ्या सिंपल रेसिपी

तर आजच्या आपल्या रेसिपीचे नाव आहे केळीचे कटलेट. मुख्यतः कटलेट हे बटाट्यापासून बनवले जातात मात्र आज आम्ही तुम्हाला केळीपासून कटलेट कसे तयार करायचे याची एक सोपी रेसिपी सांगणार आहोत. केळी ही तुम्ही अनेकदा खाल्ली असतील, हे एक आरोग्यदायी फळ आहे. याचे कटलेट देखील चवीला फार लाजवाब लागतात. आजकाल अनेक लग्नसमारंभांमध्येही केळीचे हे कटलेट सर्व्ह केले जातात, अशात घरी आलेल्या पाहुण्यांसाठीही तुम्ही ते बनवू शकता. चला तर मग जाणून घेऊयात यासाठी लागणारे साहित्य आणि कृती.

साहित्य

• कच्ची केळी – ४ मध्यम आकाराचे
• उकडलेले बटाटे – २ मध्यम आकाराचे
• हिरव्या मिरच्या – २ बारीक चिरलेल्या
• आले – १ टीस्पून (किसलेले)
• धणे पाने – २ टेबलस्पून (बारीक चिरलेली)
• लिंबाचा रस – १ टीस्पून
• भाजलेले जिरे पावडर – १ टीस्पून
• चाट मसाला – १ टीस्पून
• मीठ – चवीनुसार
• ब्रेडक्रंब – १ कप (कटलेटला लेप देण्यासाठी)
• तेल – तळण्यासाठी

Summer Drink Recipe: उन्हाळ्यात उष्णता कमी करून शरीराला थंड करेल ‘हे’ समर ड्रिंक, लठ्ठपणाची समस्याही होईल दूर

कृती

• केळीचे कटलेट तयार करण्यासाठी सर्वप्रथम, केळी आणि बटाटे प्रेशर कुकरमध्ये ३-४ शिट्ट्या करण्यासाठी उकळा
• नंतर त्यांना थंड होऊ द्या आणि सोलून चांगले मॅश करा
• आता हिरव्या मिरच्या, आले, धणेपूड, लिंबाचा रस, भाजलेले जिरेपूड, चाट मसाला आणि मीठ घालून सर्व साहित्य चांगले एकत्रित करा
• आता या मिश्रणाचे छोटे गोळे बनवा आणि त्यांना कटलेटचा आकार द्या
• यानंतर, तयार केलेले कटलेट ब्रेडक्रंबमध्ये चांगले रोल करा जेणेकरून ते कुरकुरीत होतील
• आता एका पॅनमध्ये तेल गरम करा आणि हे कटलेट दोन्ही बाजूंनी सोनेरी तपकिरी होईपर्यंत तळून घ्या
• तयार कटलेट पुदिन्याच्या चटणीसोबत खाण्यासाठी सर्व्ह करा

Web Title: Make tasty and crispy banana cutlet at home for evening snacks

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com