नारळाची चटणी खाऊन कंटाळा आलाय? मग यावेळी इडली-डोसासोबत बनवा शेंगदाण्याची चटणी

peanut Chutney Recipe: तीच तीच नारळाची चटणी खाऊन कंटाळा आला असेल तर एकदा तरी शेंगदाण्याची क्रिमी चटणी घरी बनवून पहा. याची टेस्टी चव तुम्हाला नारळाची चटणी विसरायला भाग पाडेल. शिवाय आरोग्यासाठीही ती फायदेशीर ठरेल.

(फोटो सौजन्य: Pinter

Follow Us:

Follow Us:

विकेंड म्हटला की अनेकांच्या घरी सकाळी इडली-डोसा अशा साऊथ इंडियन नाश्त्याचा बेत असतो. हे पदार्थ फार झटपट तयार होतात आणि चवीलाही अप्रतिम लागतात. आता तुम्ही इडली बनवा अथवा डोसा अथवा मेदुवडा यासह नारळाची चटणी ही लागतेच. पण तुम्हाला माहिती आहे का? तुम्ही हे पदार्थ नारळाच्या चटणीव्यतिरिक्त शेंगदाण्याची चटणीसह देखील खाऊ शकतात. होय तुम्ही खरे ऐकले, ही शेंगदाण्याची क्रिमी चटणी इडली-डोसाची चव द्विगुणित करते आणि हिला बनवायला फार वेळही लागत नाही.

अनेकदा असे होते आपल्या नारळाच्या चटणीसाठी आपल्याला आधीच घरी नारळ आणून ठेवावा लागतो अशात कधी हा नारळ आणायचे राहून गेल्यास आपली सकाळी फार दमछाक होते मात्र अशावेळी आता चिंता करण्याची गरज नाही कारण नारळाची ही कमी शेंगदाणे भरून काढून शकतात. तुम्हाला विश्वास बसणार नाही पण शेंगदाण्याची ही चटणी नारळाच्या चटणीपेक्षा चवीला छान लागते. शिवाय शेंगदाणे आरोग्यालाही फायदेशीर ठरतात. अनेक यात प्रथिने, फायबर, जीवनसत्त्वे, अँटिऑक्सिडंट्स, आणि खनिजे आढळले जातात. चला जाणून घेऊया शेंगदाण्याच्या चटणीसाठी लागणारे साहित्य आणि कृती.

घरीच बनवा वर्षानुवर्षे टिकणारं भरलेलं तिखट मिरचीचं लोणचं, पाहता क्षणी तोंडाला पाणी सुटेल

साहित्य

• 1 कप शेंगदाणे
• 1/2 कप किसलेले खोबरे
• 2-3 हिरव्या मिरच्या
• 1/2 इंच आले किसलेले
• 1/4 कप पाणी
• चवीनुसार मीठ
• 1 टीस्पून लिंबाचा रस
• 1 टीस्पून तेल
• 1/2 टीस्पून मोहरी
• 1/4 टीस्पून जिरे
• 1/4 टीस्पून हिंग
• 8-10 कढीपत्ता

Sprouts Dosa: सकाळच्या नाश्त्याला बनवा पौष्टिक पण चविष्ट असा हिरव्या मूग डाळीचा डोसा

कृती

• शेंगदाण्याची चटणी बनवण्यासाठी सर्वप्रथम एका पॅनमध्ये शेंगदाणे मंद आचेवर 9-10 मिनिटे छान भाजून घ्या
• त्यांनतर त्यांना थंड होऊ द्या आणि मग शेंगदाण्याची सालं वेगळी करा
• ब्लेंडरमध्ये शेंगदाणे, खोबरे, हिरव्या मिरच्या, आले आणि पाणी घाला
• सर्व साहित्य गुळगुळीत होईपर्यंत बारीक करा
• एका भांड्यात चटणी काढा आणि त्यात लिंबाचा रस आणि मीठ घाला
• आता गॅसवर एक कढई ठेवा आणि तेल टाकून गरम करा
• मग त्यात मोहरी, जिरे, हिंग, कढीपत्ता घाला
• मोहरी तडतडायला लागली की तयार शेंगदाण्याची पेस्ट यात घाला
• आवश्यक असल्यास यात थोडे पाणी घाला आणि चटणी 2-3 मिनिटे शिजू द्या
• तयार गरमा गरम चटणी खाण्यासाठी सर्व्ह करा

Web Title: Tired of eating coconut chutney then this time make peanut chutney with idli dosa

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com