Brinjal Chips: तुम्ही कधी वांग्याचे चिप्स खाल्ले आहेत का? चव चाखताच याचे फॅन व्हाल

Crispy Recipe: लहान मुलं वांग्याची भाजी खायला नाकं मुरडतात? मग आता भाजी सोडा आणि घरी बनवा कुरकुरीत वांग्याचे भजी. वांग्यामध्ये अनेक पोषक घटक असतात जे आपल्या आरोग्यासाठी फायदेशीर ठरतात.

(फोटो सौजन्य: Pinterest)

Follow Us:

Follow Us:

आजकालच्या मुलांना भाज्या खायला फारसे आवडत नाही. परंतु भाज्या या आपल्या आहारातील एक महत्त्वाच्या घटक आहेत. यात भाज्यांमध्ये जीवनसत्त्वे, खनिजे आणि भरपूर प्रमाणात पोषक घटक आढळून येतात. मात्र लहान मुलं या भाज्या खाणे टाळतात आणि आपल्या आहारात अधिकतर जंक फूडचा समावेश करतात. जंक फूड मुलांच्या आरोग्यासाठी चांगले नाही आणि याचे अतिसेवन आरोग्याला धोका निर्माण करू शकते. अशातच आज आम्ही तुमच्यासाठी भाज्यांपासूनचा तयार केली जाणारी एक चवदार आणि कुरकुरीत रेसिपी सांगणार आहोत जी लहान मुलांनाही खायला फार आवडेल.

कडक उन्हाळ्यात घरी बनवा थंडगार कालाखट्टा सरबत, चव चाखून घरातील सगळेच करतील गोड कौतुक

चिप्स हा लोकप्रिय स्नॅक्सचा प्रकार आहे, जो लहानांपासून मोठ्यांपर्यंत सर्वांनाच खायला फार आवडतो. याची कुरकुरीत चव स्नॅकिंगसाठी एक उत्तम पर्याय ठरते. हे अधिकतर बटाटा अथवा केळीपासून तयार केले जाते मात्र आज आम्ही तुम्हाला वांग्यापासून कुरकुरीत आणि चविष्ट असे चिप्स कसे तयार करायचे याची एक सोपी पद्धत सांगणार आहोत. वांगा एक अशी भाजी आहे जी लहान मुलांना अधिकतर खायला आवडत नाही पण यात पोटॅशियम, फायबर आणि अँटीऑक्सिडंट्स जे आपल्या आरोग्यासाठी फायदेशीर ठरतात. अशात घरच्यांना जर वांग्याची भाजी खायला आवडत नसेल तर तुम्ही यापासून चविष्ट आणि कुरकुरीत असे चिप्स तयार करू शकता. चला तर मग यासाठी लागणारे साहित्य आणि कृती जाणून घेऊया.

(फोटो सौजन्य: Healthful Pursuit)

साहित्य

• अर्धा किलो वांगी
• ऑलिव्ह तेल
• मीठ
• काळी मिरी
• लाल मिरची

चिकन लव्हर्ससाठी खास; घरी बनवा स्पाइसी आणि टेस्टी Chicken Shawarma

कृती

• वांग्याचे चिप्स तयार करण्यासाठी सर्वप्रथम वांगी नीट धुवून स्वच्छ करा. आता वांगी पातळ आणि गोल आकारात कापून घ्या
• आता चिरलेली वांगी एका प्लेटवर पसरवा आणि त्यावर तेल लावा
• तेल लावल्यानंतर, वांग्याच्या तुकड्यांवर मीठ आणि मिरपूड लावा
• सर्व साहित्य नीट मिसळा आणि ५ मिनिटे बाजूला ठेवून द्या
• आता एका पॅनमध्ये तेल घालून ते गरम करा. आता वांगी तेलात घाला
• चिप्स कुरकुरीत करण्यासाठी, त्यांना ५ मिनिटे तळा आणि ते हलके तपकिरी होईपर्यंत तळत रहा
• अशाप्रकारे तुमचे कुरकुरीत वांग्याचे चिप्स तयार आहेत, तयार चिप्स एका प्लेटमध्ये काढा
• तुम्हाला हवे असल्यास तुम्ही हे चिप्स एअर फ्राय देखील करू शकता
• तयार चिप्स सॉस अथवा तुमच्या आवडीच्या डीपसह खाण्यासाठी सर्व्ह करा

Web Title: Have you ever eaten brinjal chips super easy to make and cripsy in taste quickly note down the recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com