मासिक पाळीदरम्यान महिलांना मिळणारा एक दिवसाची Paid Leave, जाणून घ्या मासिक पाळीत महिलांना उद्भवणाऱ्या समस्या

मासिक पाळीमध्ये महिलांना आरोग्यासंबंधित अनेक समस्या उद्भवू लागतात. या समस्या उद्भवू लागल्यानंतर दुर्लक्ष न करता आरोग्याची योग्य काळजी घ्यावी. जाणून घ्या मासिक पाळीमध्ये महिलांना उद्भवणाऱ्या समस्या.

मासिक पाळीदरम्यान महिलांमध्ये उद्भवणाऱ्या समस्या:

Follow Us:

Follow Us:

प्रत्येक महिन्यातील ५ दिवस सर्वच महिलांना मासिक पाळी येते. मासिक पाळीच्या पाच दिवसांमध्ये महिलांना अनेक समस्यांचा सामना करावा लागतो. शरीरात वाढलेला तणाव, ऑफिसचे काम, कुटुंबाची जबाबदारी इत्यादी अनेक गोष्टींच्या वाढलेल्या तणावामुळे महिला आरोग्याकडे दुर्लक्ष करतात. मात्र सतत दुर्लक्ष केल्यामुळे लहान आजार आणखीनच मोठे होऊ लागतात. त्यामुळे महिलांनी स्वतःच्या आरोग्याकडे जास्त लक्ष देणे आवश्यक आहे. मात्र आता देशातील पहिल्या खाजगी कंपनीने महिलांना मासिक पाळीदरम्यान महिन्यातून एक दिवस सुट्टी देण्याची घोषणा केली आहे. एल अँड टीचे अध्यक्ष एस. एन. सुब्रमण्यन यांनी पहिल्यांदाच कंपनीतील महिला कर्मचाऱ्यांना दर महिन्याला एक दिवस मासिक पाळीनिमित्त रजा देण्याची घोषणा केली आहे. महिला दिनाच्या कार्यक्रमात त्यांनी केलेल्या घोषणेमुळे महिलांनी आनंद व्यक्त केला आहे.(फोटो सौजन्य – iStock)

गर्भाशयाचा कर्करोग झाल्यानंतर सुरुवातीच्या दिवसांमध्ये शरीरात दिसतात ‘ही’ लक्षणे, चुकूनही महिलांनी करू नका दुर्लक्ष

मासिक पाळी आल्यानंतर महिलांना अनेक समस्या उद्भवू लागतात. पोटात दुखणे, ओटीपोटात दुखणे, उलटी सारखं होणे, सतत मूड स्विंग होणे, काम करण्याची इच्छा न होणे इत्यादी समस्या उद्भवू लागतात. या समस्यांना सामोरे जाण्यासाठी महिलांना आरामाची आवश्यकता असते. मात्र घर आणि कुटुंबाची जबादारी सांभाळताना महिलांना अनेक संकटाना सामोरे जावे लागते. महिलांना मासिक पाळीच्या दिवशी सुट्टी दिल्यास कामाचा वाढलेला तणाव कमी होईल आणि आराम मिळेल.

अतिसार:

अनेक महिलांमध्ये मासिक पाळीच्या दिवसांमध्ये वारंवार आतड्याची हालचाल होत असते आणि अनेकांना मासिक पाळीच्या पहिल्या किंवा दोन दिवसांत अतिसाराचा त्रास होतो. याशिवाय उलट्या येणे, अशक्तपणा, चक्कर येणे, वाढलेला तणाव इत्यादी अनेक समस्या उद्भवू लागतात. या सर्व समस्यांपासून आराम मिळवण्यासाठी आराम करणे आवश्यक आहे.

बद्धकोष्ठता:

मासिक पाळी आल्यानंतर आतड्यांच्या हालचालींमध्ये बदल होऊ लागतात. आतड्यांचे आकुंचन झाल्यामुळे ओटीपोटात दुखू लागते. त्यामुळे मासिक पाळी आल्यानंतर पोट फुगणे, पोटात दुखणे, ओटीपोटात दुखणे इत्यादी अनेक समस्या उद्भवतात. या समस्या उद्भवू लागल्यास गरम पाण्याच्या पिशिवीने कंबर शेकवावी., याशिवाय पोटभर अन्नपदार्थांचे सेवन करावे.

आरोग्य क्षेत्रात क्रांतिकारी पाऊल! हार्ट अटॅक स्ट्रोकसाठी ‘या’ देशात तयार केली जाणार लस, शास्त्रद्यांनी केला दावा

आतड्यांसंबंधी समस्या:

पाळीच्या पहिल्या दिवशी काहींना आतड्यांसंबंधी समस्या उद्भवू लागतात. पोटात जास्त प्रमाणात पेटके आल्यामुळे महिलांना जास्त त्रास होतो. गर्भनिरोधक गोळ्यांचे जास्त सेवन केल्यामुळे पोटात जास्त पेटके येऊ लागतात. त्यामुळे गर्भनिरोधक गोळ्यांचे सेवन करू नये. याशिवाय मासिक पाळी लांबवण्यासाठी किंवा लवकर येण्यासाठी अनेक महिला गोळ्यांचे सेवन करतात. मात्र या गोळ्या आरोग्यासाठी अतिशय घातक आहेत.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

Web Title: Health tips how women face problems during menstruation period in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com