जेवणात दोन घास जातील जास्त! कोकणी पद्धतीने संध्याकाळच्या जेवणात बनवा चविष्ट वाटपाची डाळ

भारतामध्ये पारंपारिक पद्धतीने बनवले जाणारे पदार्थ सगळ्यांचं खूप आवडतात. काहीवेळा दुपारच्या किंवा संध्याकाळच्या जेवणात भाजी न बनवल्यास आमटी सोबत चपाती आणि भात खाल्ला जातो.

कोकणी पद्धतीने संध्याकाळच्या जेवणात बनवा चविष्ट वाटपाची डाळ

Follow Us:

Follow Us:

रोजच्या जेवणात सगळ्यांचं चपाती, भाजी, भात, डाळ, लोणचं इत्यादी पदार्थ खाण्याची सवय असते. यातील एक सुद्धा पदार्थ जेवणात नसेल तर जेवण जेवल्यासारखे वाटत नाही. भारतामध्ये पारंपारिक पद्धतीने बनवले जाणारे पदार्थ सगळ्यांचं खूप आवडतात. काहीवेळा दुपारच्या किंवा संध्याकाळच्या जेवणात भाजी न बनवल्यास आमटी सोबत चपाती आणि भात खाल्ला जातो. याशिवाय रोजच्या आहारात वेगवेगळ्या डाळींचा आणि वेगवेगळ्या पद्धतीने दिलेल्या फोडण्याचा वापर करून जेवण बनवले जाते. त्यामुळे आज आम्ही तुम्हाला कोकणातील प्रत्येक घरात पारंपरिक पद्धतीने बनवल्या जाणाऱ्या वाटपाच्या डाळीची सोपी रेसिपी सगनर्व आहोत. या पद्धतीने वाटपाची डाळ बनवल्यास जेवणात चार घास जास्त जातील आणि पोटही भरेल. कोकणात बनवल्या जाणाऱ्या प्रत्येक पदार्थामध्ये ओल्या खोबऱ्याचा वापर केला जातो. चला तर जाणून घेऊया वाटपाची डाळ बनवण्याची सोपी रेसिपी.(फोटो सौजन्य – iStock)

Club Sandwich Recipe: सकाळच्या नाश्त्याला घरी बनवा क्लब सँडविच; घरातील सर्वच होतील खुश

साहित्य:

• शिजवून घेतलेली डाळ
• ओलं खोबर
• जिरं
• मीठ
• आलं
• लसूण
• हिरवी मिरची
• कढीपत्ता
• मोहरी
• हिंग

Summer Drink: उन्हाळ्यात कच्च्या कैरीपासून घरच्या घरी बनवा आंबटगोड चवीचे पन्ह, झटपट बनवा सरबत

कृती:

• वाटपाची डाळ बनवण्यासाठी सर्वप्रथम, कुकरमधून तुरीची आणि मुगाची डाळ एकत्र करून शिजवून घ्या.
• त्यानंतर वाटप बनवताना मिक्सरच्या भांड्यात ओलं खोबर, जिरं, आलं, लसूण आणि हिरवी मिरची, हळद घालून बारीक पेस्ट तयार करा.
• टोपात तेल गरम करून त्यात मोहरी, हिंग, जिरं, लसूण आणि कढीपत्ता टाकून भाजून घ्या. त्यानंतर त्यात हळद आणि वाटून घेतलेले वाटप टाकून भाजून घ्या.
• वाटपाला तेल सुटल्यानंतर त्यात चवीनुसार मीठ घालून मिक्स करा. सगळ्यात शेवटी त्यात शिजवून घेतलेली डाळ टाकून आवश्यकतेनुसार पाणी घालून डाळीला व्यवस्थित उकळी काढून घ्या.
• डाळीला उकळी आल्यानंतर त्यात बारीक चिरून घेतलेली कोथिंबीर आणि एक चमचा तूप टाकून मिक्स करा.
• तयार आहे सोप्या पद्धतीमध्ये बनवलेली वाटपाची चविष्ट डाळ.

Web Title: How to make dal at home make delicious vatapachi dal for evening meal in konkani style

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com