घरबसल्या बनवा थायलंडमध्ये मिळणारे थंडगार गुलाबी ड्रिंक, उन्हाळ्यात बनवा आगळीवेगळी रेसिपी

उन्हाळ्याच्या दिवसांमध्ये बाजारात लिची मोठ्या प्रमाणात उपलब्ध असतात. त्यामुळे तुम्ही लिचीपासून थायलंडमध्ये मिळणारे थंडगार पेय बनवू शकता. हे पेय कमीत कमी साहित्यामध्ये झटपट तयार होते.

घरबसल्या बनवा थायलंडमध्ये मिळणारे थंडगार गुलाबी ड्रिंक

Follow Us:

Follow Us:

उन्हाळा ऋतूमध्ये थंड पदार्थांचे सेवन मोठ्या प्रमाणात केले जाते. थंड पदार्थांचे सेवन केल्यामुळे शरीराला अनेक फायदे होतात. याशिवाय शरीरात वाढलेली उष्णता कमी करण्यासाठी थंड पदार्थांसोबतच शरीराला पचन होणाऱ्या पदार्थांचे नियमित सेवन करावे. थंड पदार्थ खाण्याची इच्छा किंवा पिण्याची इच्छा झाल्यानंतर ताक, दही, लस्सी, सरबत, कोकम सरबत इत्यादी पदार्थांचे सेवन केले जाते. मात्र नेहमीच तेच पदार्थ खाऊन कंटाळा आल्यानंतर काहींना काही नवीन खाण्याची इच्छा होते. अशावेळी तुम्ही थायलंडमध्ये बनवलेले जाणारे मोगू-मोगू पेय घरच्या घरी बनवू शकता. थायलंडमध्ये हे पेय अतिशय महाग आहे. याशिवाय जगप्रसिद्ध पेयांची चव घेण्यासाठी अनेक लोक थायलंडमध्ये जातात. या पेयांमध्ये नारळाच्या जेलीसारखा पदार्थ असतो. या पदार्थाची चव अतिशय सुंदर लागते. त्यामुळे आज आम्ही तुम्हाला घरबसल्या थायलंडमध्ये बनवले जाणारे मोगू-मोगू पेय बनवण्याची सोपी कृती सांगणार आहोत. या पेयांचे सेवन केल्यामुळे शरीराला अनेक फायदे होतील.(फोटो सौजन्य – iStock)

वाढत्या उष्णतेमुळे पोटात सतत आग होते? आहारात ‘या’ पदार्थांचे चुकूनही करू नका सेवन, वाढतील पोटासंबंधित समस्या

साहित्य:

• नारळ पाणी
• लिची
• आगरआगर
• साखर
• लिंबाचे तुकडे
• बीटचा रस

कृती:

• थायलंडचे प्रसिद्ध पेय बनवण्यासाठी सर्वप्रथम, बाजारातून आगरआगर विकत घ्यावे. हा पदार्थ बाजारात सहज उपलब्ध होतो. याशिवाय जेली बनवण्यासाठी या पदार्थाचा वापर केला जातो.
• नारळ पाणी टोपात घेऊन त्यात आगरआगर टाकून मिक्स करून घ्या. पाण्याला एक उकळी आल्यानंतर गॅस बंद करा.
• त्यानंतर तयार करून घेतलेले पाणी ताटात ओतून काहीवेळा ठेवा. त्यानंतर त्याची जेली तयार होईल.
• मिक्सरच्या भांड्यात बीटचे तुकडे टाकून रस करून घ्या. तयार केलेला रस गाळून घ्या.
• नंतर त्याच मिक्सरच्या भांड्यात लिची टाकून आवश्यकतेनुसार पाणी घालून मिक्सरमधून फिरवून घ्या.
• तयार केलेल्या लिचीच्या मिश्रणात बीटचा रस आणि लिंबाचा रस टाकून मिक्स करून घ्या.
• काचेच्या ग्लासात तयार केलेली जेली घालूननंतर त्यात लिचीच्या ज्युस घालून मिक्स करा.
• तयार आहे सोप्या पद्धतीमध्ये बनवलेला थायलंडचा मोगू-मोगू ज्युस.

Web Title: How to make mogu mogu drink at home summer care tips summer heat lichi drinks

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com