सकाळच्या नाश्त्यात घाईगडबडीमध्ये बनवा हेल्दी पालक पोहा कटलेट, पौष्टिक पदार्थ सगळ्यांचं आवडेल

सकाळच्या नाश्त्यासाठी नेहमी नेहमी कांदापोहे, उपमा, शिरा खाऊन कंटाळा आल्यानंतर काहींना नवीन पदार्थ खाण्याची इच्छा होते. अशावेळी तुम्ही सोप्या पद्धतीमध्ये पालक पोहा कटलेट बनवू शकता.

सकाळच्या नाश्त्यात घाईगडबडीमध्ये बनवा हेल्दी पालक पोहा कटलेट

Follow Us:

Follow Us:

सकाळी उठल्यानंतर कामाची घाई, ऑफिसचा डबा, लहान मुलं इत्यादी सगळ्यांची तयारी करताना कामातून वेळ काढणं महिला बऱ्याचदा कठीण होऊन जातं. सतत घावपळ करत राहिल्यामुळे महिला स्वतःच्या आरोग्याकडे दुर्लक्ष करतात. कामातून वेळ काढत सकाळच्या नाश्त्यात नेमकं काय बनवावं? हे महिलांना बऱ्याचदा सुचत नाही. अशावेळी सोप्या पद्धतीमध्ये सकाळच्या नाश्त्यासाठी तुम्ही पालक पोहा कटलेट बनवू शकता. हा पदार्थ बनवण्यासाठी कमी साहित्य आणि फार कमी वेळ लागतो. त्यामुळे आज आम्ही तुम्हाला सोप्या पद्धतीमध्ये पालक पोहा कटलेट बनवण्याची सोपी रेसिपी सांगणार आहोत. या पद्धतीमध्ये कटलेट बनवल्यास चव अतिशय सुंदर लागेल. चला तर जाणून घेऊया पालक पोहा कटलेट बनवण्याची सोपी रेसिपी.(फोटो सौजन्य – iStock)

Weekend Special: घरी बनवा लज्जतदार आणि कुरकुरीत चिकन फ्राय; हॉटेलची चवही यापुढे फेल

साहित्य:

• पालक
• पोहे
• मीठ
• तेल
• गाजर
• कांदा
• लाल तिखट
• चाट मसाला
• बटाटा

कृती:

• पालक पोहा कटलेट बनवण्यासाठी सर्वप्रथम, पालक भाजी स्वच्छ धुवून बारीक चिरून घ्या.
• मोठ्या वाटीमध्ये उकडवून घेतलेला बटाटा, किसून घेतलेले गाजर, पालक आणि भिजवलेले पोहे टाकून हाताने व्यवस्थित मिक्स करा.
• त्यानंतर त्यात चवीनुसार मीठ, लाल तिखट, चाट मसाला आणि बारीक चिरून घेतलेली हिरवी मिरची टाकून मिक्स करा.
• तयार करून घेतलेल्या मिश्रणाचे छोटे छोटे कटलेट करून पॅनमध्ये गरम केलेल्या तेलात दोन्ही बाजूने क्रिस्पी होईपर्यंत भाजून घ्या.
• तयार आहे सोप्या पद्धतीमध्ये बनवलेली पालक पोहा कटलेट. हा पदार्थ सॉस किंवा हिरव्या चटणीसोबत खाऊ शकता.

Web Title: How to make palak poha cutlets at home morning breakfast recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com