तूप किंवा मावाच नाही, तर गुळातही होऊ शकते भेसळ

तुम्ही जो गूळ खात आहात तो भेसळयुक्त तर नाही ना याचा कधी विचार केला आहे का? होय, भेसळीचा घाणेरडा खेळ तूप आणि मावा तसेच गुळातही पाहायला मिळतो. अशा परिस्थितीत, खऱ्या आणि भेसळयुक्त गुळात काय फरक आहे आणि तुम्ही तो घरी कसा ओळखू शकता ते जाणून घ्या

फोटो सौजन्य- istock

Follow Us:

Follow Us:

जर तुम्ही तुमचे आरोग्य सुधारण्यासाठी साखरेऐवजी गुळाचा वापर करत असाल तर आधी त्याची शुद्धता तपासायला शिका. भेसळ केलेला गुळ तुमच्या आरोग्याला हानी पोहोचवू शकतो.

आजकाल प्रत्येक खाद्यपदार्थात भेसळीची समस्या वाढत आहे. मग ते तूप, तेल, मिठाई किंवा गूळ असो. नफा कमावण्यासाठी दुकानदार या सर्व गोष्टींमध्ये भेसळ करत आहेत. साधारणपणे आपण गुळाला आरोग्यदायी मानतो आणि त्याचा आपल्या आरोग्याला फायदा होईल या विचाराने त्याचा आहारात समावेश करतो, पण भेसळयुक्त गूळ आरोग्यासाठी घातक ठरू शकतो. प्रत्यक्षात बाजारात विकला जाणारा गूळ हा अनेकदा केमिकल किंवा स्वस्त साखरेचा वापर करून तयार केला जातो, ज्यामुळे तो चवीला गोड होतो, पण त्याच्या शुद्धतेबाबत प्रश्न उपस्थित केले जातात. त्यामुळे गूळ खरेदी करण्यापूर्वी त्याची शुद्धता तपासणे अत्यंत आवश्यक आहे. येथे आम्ही तुम्हाला असे सोपे उपाय सांगत आहोत ज्याद्वारे तुम्ही घरच्या घरी गुळातील भेसळ ओळखू शकता आणि आजारांपासून दूर राहू शकता.

हेदेखील वाचा- गॅसवर ठेवल्यावर गोल फुगते रोटी, तासनतास ठेवून होत नाही कडक

भेसळ केलेला गूळ कसा ओळखायचा

पाण्यात टाकून तपासा

सर्वप्रथम एका ग्लासमध्ये पाणी घेऊन त्यात गुळाचा छोटा तुकडा टाका. शुद्ध गूळ पाण्यात पूर्णपणे विरघळेल, परंतु भेसळयुक्त गूळ स्थिर होईल.

हेदेखील वाचा- आजारांपासून दूर राहायचे असेल, तर सुटका मिळविण्यासाठी आहारात या सुपरफूड्स करा वापर

रंगाने ओळखा

शुद्ध गुळाचा रंग गडद तपकिरी किंवा हलका पिवळा असतो. तर भेसळयुक्त गुळाचा रंग चमकदार आणि गडद पिवळा असू शकतो. त्यामुळे गुळाचा रंग खूप उजळ असेल तर सावधगिरीने खरेदी करा.

चवीला कडूपणा

शुद्ध गूळ गोड आणि नैसर्गिक असतो, तर भेसळयुक्त गुळाची चव कधी कधी कडू किंवा विचित्र असू शकते. त्यामुळे खरेदी करण्यापूर्वी त्याचा आस्वाद घ्या आणि विचित्र वाटल्यास खरेदी टाळा.

चिकट किंवा ओला गूळ

चिकट किंवा खूप ओला गुळ यात भेसळ होण्याची शक्यता जास्त असते. त्यामुळे फक्त कडक गूळ घेतल्यास बरे होईल. या सोप्या पद्धतींनी तुम्ही घरच्या घरी गुळाची शुद्धता तपासू शकता.

गरम करा

खरा गूळ गरम केल्यावर तो हळूहळू वितळतो आणि घट्ट सरबतसारखा बनतो. जो चिकट आहे आणि सहज वाहत नाही. तर बनावट गूळ गरम केल्यावर तो वेगाने वितळतो आणि पाण्यासारखा पातळ होतो.

Web Title: Jaggery purity is not adulterated or how to recognize at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com