हरतालिकेच्या उपवासानिमित्त सकाळच्या नाश्त्यासाठी घरी बनवा उपवासाचे आप्पे, नोट करून घ्या पदार्थ

उपवासाच्या दिवशी कायमच साबुदाणा खिचडी खाऊन कंटाळा आल्यानंतर तुम्ही सोप्या पद्धतीमध्ये उपवासाचे आप्पे बनवू शकता. हा पदार्थ सगळ्यांचं खूप जास्त आवडेल. जाणून घ्या उपवासाचे आप्पे बनवण्याची रेसिपी.

हरतालिकेच्या उपवासानिमित्त सकाळच्या नाश्त्यासाठी घरी बनवा उपवासाचे आप्पे

Follow Us:

Follow Us:

सर्वच महिला गणपतीच्या आधल्या दिवशी हरतालिकेचे व्रत करतात. यादिवशी भगवान शंकर आणि देवी पार्वतीची मनोभावे पूजा केली जाते. उपवासाच्या दिवशी घरात प्रामुख्याने साबुदाणा खिचडी किंवा साबुदाणा वडा बनवला जातो. पण कायमच साबुदाणा किंवा तेलकट पदार्थ खाण्यापेक्षा सहज पचन होणाऱ्या पदार्थांचे सेवन करावे. म्हणूनच आज आम्ही तुम्हाला उपवासाच्या दिवशी सकाळच्या नाश्त्यासाठी आप्पे बनवण्याची सोपी रेसिपी सांगणार आहोत. दक्षिण भारतात वेगवेगळ्या पदार्थांपासून आप्पे बनवले जातात. मुगाची डाळ, तांदूळ किंवा उडीद डाळीचा वापर केला जातो. पण आज आम्ही तुम्हाला उपवासाचे पदार्थ वापरून आप्पे बनवण्याची सोपी रेसिपी सांगणार आहोत. चला तर जाणून घेऊया उपवासाचे आप्पे बनवण्याची सोपी रेसिपी.(फोटो सौजन्य: Pinterest)

Ganesh Chaturthi 2025 : हटक्या पदार्थाने करा बाप्पाला खुश; यंदा प्रसादासाठी बनवा सुगंधित आणि गोड चवीने भरलेले ‘पान मोदक’

साहित्य:

• भगर
• साबुदाणा
• दही
• हिरवी मिरची
• जिरं
• मीठ
• बेकिंग सोडा

पदार्थ पाहून तोंडाला सुटेल पाणी! बीटपासून झटपट बनवा गुलाबी कटलेट, नोट करून घ्या रेसिपी

कृती:

• उपवासाचे आप्पे बनवण्यासाठी सर्वप्रथम, तवा गरम करून त्यावर भगर आणि साबुदाणे वेगवेगळे भाजून घ्या. त्यानंतर भाजलेले पदार्थ थंड होण्यासाठी ठेवा.
• मिक्सरच्या भांड्यात भाजून घेतलेले साबुदाणे आणि भगर एकत्र बारीक वाटून पावडर तयार करा.
• वाटीमध्ये भगर साबुदाण्याचे मिश्रण, दही, हिरव्या मिरचीची पेस्ट आणि चवीनुसार मीठ टाकून व्यवस्थित मिक्स करून घ्या.
• त्यानंतर त्यात बेकिंग सोडा आणि जिऱ्याची पावडर घालून व्यवस्थित मिश्रण मिक्स करा.
• आप्पे पात्र गरम करून त्यात तूप टाका. तूप गरम झाल्यानंतर तयार केलेले मिश्रण टाकून दोन्ही बाजूने आप्पे व्यवस्थित भाजून घ्या.
• तयार आहेत सोप्या पद्धतीमध्ये बनवलेले उपवासाचे आप्पे. हा पदार्थ घरातील सगळ्यांचं खूप जास्त आवडेल.

Web Title: Make homemade fast food for morning breakfast on the occasion of hartalike fasting simple food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com