300 करोड सोन्याने नटलंय वेल्लोरचं हे अद्भुत श्रीलक्ष्मी नारायणी मंदिर; इथे कसं जायचं? जाणून घ्या

भारताच्या तामिळनाडू राज्यातील वेल्लोर शहरात एक अद्भुत असेल स्वर्ण मंदिर वसले आहे. हे मंदिर देवी लक्ष्मीला समर्पित सोन्याने मडलेल्या या मंदिरांना आयुष्यात एकदा तरी तुम्ही भेट द्यायला हवी.

(फोटो सौजन्य: Pinterest)

Follow Us:

Follow Us:

गोल्डन टेंपलचा उल्लेख झाला की सर्वांच्या मनात सर्वप्रथम पंजाबमधील अमृतसरचा स्वर्णमंदिर डोळ्यासमोर येतो. हे मंदिर शीख धर्मातील एक पवित्र तीर्थस्थान असून, दरवर्षी लाखो भाविक येथे दर्शनासाठी येतात. पण भारतात केवळ एकच स्वर्णमंदिर आहे असं नाही. दक्षिण भारतातील तामिळनाडू राज्यात, वेल्लोर शहरातही एक भव्य स्वर्णमंदिर आहे. हे मंदिर श्रीलक्ष्मीला समर्पित असल्याने याला “महालक्ष्मी मंदिर” असंही म्हटलं जातं.

Independence day 2025: एअर इंडिया एक्सप्रेसने सुरु केली ‘Freedom Sale’; फक्त 1,279 रुपयांमध्ये उपलब्ध होणार विमान तिकिटे

दक्षिणेतील स्वर्णमंदिर

तामिळनाडूच्या वेल्लोरपासून सुमारे ७ किमी अंतरावर, थिरुमलाईकोडी या ठिकाणी हे भव्य मंदिर आहे. चेन्नईहून येताना सुमारे १४५ किमीचा प्रवास करावा लागतो. मंदिराच्या बांधकामासाठी सुमारे १,५०० किलो शुद्ध सोन्याचा वापर करण्यात आला असून, प्रवेशद्वार हे मुख्य मंदिरापासून अंदाजे दीड ते दोन किमी अंतरावर आहे. या मार्गावरून चालत जाताना दोन्ही बाजूला दाट हिरवळ दिसते.

मंदिराची वैशिष्ट्ये

श्रीलक्ष्मी नारायणी मंदिराच्या बांधकामासाठी सुमारे ३०० कोटी रुपयांचा खर्च झाला. मुख्य गर्भगृह, भिंती आणि शिखर सर्वत्र सोन्याची नक्षी आहे. मंदिरातील माता लक्ष्मीची मूर्ती सुमारे ७० किलो सोन्याची असून ती अत्यंत जिवंत भासते. दिवसा मंदिराची सोन्याची झळाळी दृष्टीस पडते, तर रात्री प्रकाशाच्या झोतांमध्ये त्याची भव्यता अधिक खुलते. परिसरात २७ फूट उंच दीपमाळ आहे. त्यात दिवे लावल्यानंतर सोन्याच्या पार्श्वभूमीवरचा तो नजारा अवर्णनीय असतो.

तिरंगा फडकवण्याची परंपरा

लोकसभा, राष्ट्रपती भवन यांसारख्या ठिकाणी जसा तिरंगा फडकवला जातो, तसाच तिरंगा येथेही फडकवला जातो. हे मंदिर केवळ हिंदूंसाठीच नव्हे, तर सर्व धर्मीयांसाठी खुले आहे. सन २००७ मध्ये मंदिराचे बांधकाम पूर्ण झाले असून, याची भव्यता अनेक प्राचीन मंदिरांनाही मागे टाकते.

Independence Day 2025 : भारताच्या स्वातंत्र्य लढ्याच्या अनकथित गोष्टी आणि आजच्या साजरीकरणाच्या पद्धती

येथे कसे पोहोचाल?

हवाई मार्गाने यायचे असल्यास सर्वात जवळचे विमानतळ तिरुपती (सुमारे १२० किमी) आणि चेन्नई (सुमारे १४५ किमी) आहेत. रेल्वेने येताना वेल्लोरजवळील कटपडी स्टेशन (सुमारे ७ किमी अंतर) सर्वात सोयीचे आहे. तसेच रस्त्यानेही येथे सहज पोहोचता येते.

FAQs (संबंधित प्रश्न)

मंदिरात जाण्याची वेळ काय आहे?
मंदिर सकाळी ८:०० ते रात्री ८:०० वाजेपर्यंत उघडे असते.

मंदिरात जाण्यासाठी प्रवेश शुल्क आहे का?
नाही, मंदिराला भेट देण्यासाठी कोणतेही प्रवेश शुल्क नाही.

Web Title: This amazing shri laxmi narayani temple in vellore is made of 300 crores of gold know how to go there travel news in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com