हजारो फुलांच्या सानिध्यात आपल्या पार्टनरसह घालवता येईल एक सुंदर वेळ; Valley of Flowers पर्यटकांसाठी खुले, इतकं आहे भाडं

उत्तराखंडच्या चमोली जिल्ह्यात वसलेले व्हॅली ऑफ फ्लॉवर्स आता पर्यटकांसाठी खुले करण्यात आले आहे. इथे ३०० हुन अधिक फुलांच्या प्रजाती पाहायला मिळतात. शिवाय येथून हिमालय आणि नंदा देवी पर्वताचे नेत्रदीपक दृश्ये पाहता येतात.

(फोटो सौजन्य: Pinterest)

Follow Us:

Follow Us:

पावसाळ्याचा काळ सुरु आहे, या ऋतूत अनेक झाडांना सुंदर बहार येते ज्यामुळे त्यांचे दृश्य पाहणे आणखीनच मजेदार ठरते. फुलांनी भरलेलं ठिकाण तुम्ही याआधीही अनेक चित्रपटांमध्ये पहिलं असेल मात्र इथे प्रत्यक्षात तुम्ही कधी भेट दिली आहे का? विचार करा, हिरवीगार झाड आणि त्यात बहरलेली हजारो फुलं आणि यातच तुम्ही तुमच्या पार्टनरचा हात पकडून चालत आहात, शांत वातावरण, फुलांचा सुगंध आणि आपल्या जोडीदाराची साथ बस जीवनात आणखीन काय हवं!

जगाच्या अंताचे रहस्य दडलंय ‘या’ मंदिरात; इथे आहेत 4 दरवाजे स्वर्ग, नरक, मोक्ष आणि पाप… कसे पोहचायचे ते जाणून घ्या

उत्तराखंडच्या चमोली जिल्ह्यात स्थित एक राष्ट्रीय उद्यान आहे, ज्याला जागतिक वारसा स्थळाचा दर्जा देखील देण्यात आला आहे. ३०० हून अधिक प्रकारच्या फुलांनी व्यापलेली ही दरी पर्यटकांमध्ये तिच्या सौंदर्यासाठी खूप प्रसिद्ध आहे. दरवर्षी १ जून ते ऑक्टोबर या कालावधीत ते पर्यटकांसाठी खुले होते. देश आणि जगातील हजारो लोक दरवर्षी रंगीबेरंगी फुले आणि वनस्पती पाहण्यासाठी या जागेचा भेट देतात आणि येतील बहारदार सौंदर्याचा अनुभव आपल्या मनात दडवून ठेवतात. हा अनुभव तुम्हाला इतर कोणत्याही ठिकाणी अनुभवता येणार नाही. कामाच्या व्यापातून थोडा वेळ काढून तुम्ही व्हॅली ऑफ फ्लॉवर्सला भेट देऊ शकता. इथे कसे जायचं, तसेच इथे जाण्यासाठी काय प्रोसेस आहे, शुल्क किती आहे अशी सर्व माहिती आज आपण या लेखात जाणून घेणार आहोत.

व्हॅली ऑफ फ्लॉवर्स का खास आहे?

चला तर मग व्हॅली ऑफ फ्लॉवर्समध्ये इतके काय खास आहे ते प्रथम जाणून घेऊया. १९८२ मध्ये याला राष्ट्रीय उद्यान आणि २००५ मध्ये युनेस्कोच्या जागतिक वारसा स्थळ म्हणून घोषित करण्यात आले. येथे ३०० हून अधिक प्रजातींच्या फुले आढळतात. इथे ब्लू पॉपी, हिमालयीन कॉब लिली आणि ब्रह्मकमल अशी अनेक दुर्मिळ फुले तुम्हाला पाहायला मिळतील. हे इथले नैसर्गिक सौंदर्य नेहमीच पर्यटकांना भुरळ घालतं. फक्त निसर्गप्रेमींसाठीच नाही तर ट्रेकिंग लव्हर्ससाठी देखील हे ठिकाण एक उत्तम पर्याय आहे. येथून हिमालय आणि नंदा देवी पर्वताचे नेत्रदीपक दृश्ये देखील पाहता येतात.

व्हॅली ऑफ फ्लॉवर्सला भेट देण्याची प्रोसेस

व्हॅली ऑफ फ्लॉवर्सला भेट देण्यासाठी पर्यटकांना आपले रजिस्ट्रेशन करणे आवश्यक आहे. व्हॅली ऑफ फ्लॉवर्सला भेट देण्यासाठी नोंदणी ऑनलाइन आणि ऑफलाइन दोन्ही प्रकारे करता येते. चला ते कसे करायचे ते जाणून घेऊया.

ऑनलाइन नोंदणी

• यासाठी तुम्हाला उत्तराखंड वन विभागाच्या अधिकृत वेबसाइटला भेट द्यावी लागेल ([ https://forest.uk.gov.in ] (https://forest.uk.gov.in)
• त्यांनतर इथे परमिट विभागात जाऊन व्हॅली ऑफ फ्लॉवर्ससाठी परमिटसाठी अर्ज करा
• प्रवासाची तारीख, गट सदस्यांची संख्या आणि वैयक्तिक माहिती असे सर्व तपशील इथे भरा
• परमिट फी ऑनलाइन भरा आणि परमिट डाउनलोड करा आणि तो तुमच्यासोबत घेऊन जा

ऑफलाइन नोंदणी

• गोविंदघाट किंवा जोशीमठ येथील वन विभागाच्या कार्यालयातून थेट परवानगी मिळू शकते
• येथे तुम्हाला आधार कार्ड किंवा ओळखपत्राची प्रत आणि पासपोर्ट आकाराचा फोटो देखील आवश्यक आहे

एखाद्या चंद्रासारखेच चमकते हिमालयातील चंद्रतालचे पाणी; इथे जाणून वेळच थांबतो, कसे जायचे ते जाणून घ्या

व्हॅली ऑफ फ्लॉवर्सच्या सहलीसाठी किती खर्च येतो?

• व्हॅली ऑफ फ्लॉवर्सला भेट देण्याचा खर्च तुमच्या प्रवास पद्धती आणि सुविधांवर अवलंबून असतो. परंतु त्याचा अंदाजे खर्च खाली दिल्या प्रमाणे वर्तवला जाऊ शकतो
• भारतीय पर्यटकांसाठी परमिट फी ₹२०० असू शकते तर परदेशी पर्यटकांसाठी प्रति व्यक्ती ₹८०० इतकी असू शकते
• तुम्ही जर इथे मार्गदर्शक ठेवत असाल जो तुम्हाला या ठिकाणाची विस्तारपूर्वक माहिती देईल तर त्यासाठी अंदाजे ₹५००-₹१००० इतका खर्च येईल
• ट्रेकिंगसाठी इथे गोविंदघाटहून व्हॅली ऑफ फ्लॉवर्सपर्यंत पायी किंवा खेचराने जाण्याचा पर्याय आहे. खेचरचे भाडे ₹१०००-₹२००० असू शकते
• गोविंदघाट किंवा घांगरिया येथील गेस्ट हाऊस किंवा होमस्टेमध्ये राहण्याचा खर्च – प्रति रात्र ५००-१५०० रुपये
  वाहतूक खर्चाविषयी बोलणे केले तर, देहरादून/ऋषिकेश ते जोशीमठ बस/टॅक्सीचे भाडे प्रति व्यक्ती ₹१०००-₹२००० आहे

व्हॅली ऑफ प्लॉयर्सला भेट देण्यावेळी या गोष्टी ध्यानात असूद्यात

• व्हॅली ऑफ फ्लॉवर्समध्ये प्लास्टिकवर बंदी आहे, त्यामुळे जमेल तितका प्लास्टिकचा वापर टाळा
• ट्रेकिंगसाठी चांगले बूट आणि उबदार कपडे सोबत ठेवा
• हवामान अचानक बदलू शकते, त्यामुळे इथे जात असाल तर पावसासाठी तयार रहा
• वन्यजीवांना त्रास देऊ नका आणि उद्यानाचे नियम पाळा

Web Title: Uttarakhand valley of flowers is now open for tourist know all the information travel news in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com