Maharashtra Breaking News Updates Today: मराठी पाट्यांचा वाद पेटला; महापालिका प्रशासनाने वसूल केला तब्बल १.०५ कोटींचा दंड
18 May 2026 09:53 AM (IST)
१८ मे रोजी आज भारतीय शेअर बाजारात आठवड्याची सुरुवात लाल रंगात होणार असल्याची शक्यता वर्तवण्यात आली आहे. जागतिक बाजारातील कमकुवत संकेतांमुळे भारतीय शेअर बाजाराचे प्रमुख निर्देशांक, सेन्सेक्स आणि निफ्टी ५०, सोमवारी घसरणीसह उघडण्याची शक्यता आहे. गिफ्ट निफ्टीमधील ट्रेंड्स देखील भारतीय बेंचमार्क निर्देशांकासाठी नकारात्मक सुरुवातीचे संकेत देत आहेत. गिफ्ट निफ्टी, निफ्टी फ्युचर्सच्या मागील क्लोजिंगपेक्षा जवळपास १०५ अंकांच्या सवलतीवर, २३,५३९ च्या पातळीवर व्यवहार करत होता.
18 May 2026 09:50 AM (IST)
राज्याचे परिवहनमंत्री Pratap Sarnaik हे एसटी प्रवाशांच्या सोयीसाठी विविध योजनांचा जाहिरातींद्वारे गाजावाजा करत असताना, प्रत्यक्षात मात्र प्रवाशांच्या हालअपेष्टांकडे संबंधित विभागाचे दुर्लक्ष होत असल्याचे चित्र समोर आले आहे. वसई - अंबाजोगाई ही एसटी बस आज रात्री साडेसात वाजण्याच्या सुमारास बीडच्या लिंबागणेश येथील बसस्थानकावर तांत्रिक बिघाडामुळे बंद पडली. अचानक बस बंद पडल्याने प्रवाशांचे मोठे हाल झाले असून, तब्बल तीन तासांपासून प्रवासी अडकून पडले आहेत.
वाहन चालकाने तात्काळ पाटोदा आगारप्रमुखांशी संपर्क साधून घटनेची माहिती दिली. मात्र, “मेकॅनिक रात्री ११ वाजता येईल, त्यानंतरच दुरुस्ती केली जाईल,” असे उत्तर मिळाल्याने प्रवाशांमध्ये तीव्र संताप व्यक्त करण्यात आला. विशेष म्हणजे, पर्यायी बस व्यवस्था किंवा तात्काळ मदत उपलब्ध करून देण्याबाबत आगार प्रशासनाकडून कोणतीही तत्परता दाखविण्यात आली नसल्याचा आरोप प्रवाशांनी केला. दरम्यान, एसटी महामंडळ प्रवाशांच्या सेवेसाठी आहे की त्यांच्या गैरसोयीसाठी, असा प्रश्न आता सामान्य नागरिक विचारू लागले आहेत. ग्रामीण भागातील प्रवाशांना तासन्तास अडकवून ठेवणे ही अत्यंत असंवेदनशील बाब असल्याची तीव्र प्रतिक्रिया व्यक्त केली जात आहे.
18 May 2026 09:43 AM (IST)
डोंबिवली येथून संतापजनक घटना समोर आली आहे. दोन अल्पवयीन मुलींवर लैंगिक अत्याचार झाल्याचे समोर आले आहे. आणि या प्रकरणात धक्कादायक बाब म्हणजे या पिढीत मुली गर्भवती राहिल्या. या घडलेल्या घटना डोंबिवली येथील दोन वेगवेगळ्या भागात घडले आहेत. याप्रकरणी पोलिसांनी तातडीने कारवाई करत दोन आरोपींना अटक केली आहे.
18 May 2026 09:33 AM (IST)
जागतिक महासत्ता असलेल्या अमेरिकेतून अंतःकरण हेलावून टाकणारी एक मोठी दुर्घटना समोर आली आहे. अमेरिकेतील आयडाहो (Idaho) राज्यातील माउंटन होम एअर फोर्स बेसवर आयोजित ‘गनफायटर स्काईज एअर शो’ (Gunfighter Skies Air Show) दरम्यान अमेरिकन नौदलाच्या (US Navy) दोन महाभयंकर लढाऊ विमानांची हवेत अत्यंत भीषण टक्कर झाली. ही घटना रविवारी दुपारी घडली, जेव्हा हजारो नागरिक आकाशात विमानांच्या चित्तथरारक कसरती पाहण्यात दंग होते. अचानक झालेल्या या अपघातामुळे कार्यक्रमस्थळी एकच किंचाळ्या आणि गोंधळाचे वातावरण निर्माण झाले. या दुर्घटनेचा थरारक व्हिडिओ आता सोशल मीडियावर तुफान व्हायरल होत आहे.
18 May 2026 09:23 AM (IST)
लोकप्रिय बॅटल रॉयल गेम फ्री फायर मॅक्समध्ये विविध प्रकारच्या बंदूकी मिळतात. यापैकी अनेक प्लेअर्स Assault Rifle ची निवड करतात. कारण या बंदुकांमध्ये प्रचंड फायरपॉवर असते. या बंदूकीचा वापर करून तुम्ही एकाच वेळी असंख्य बुलेट फायर करू शकता. लक्षात ठेवा या बंदूकीचा रिकॉईल रेट कमी आहे. त्यामुळे ही बंदूक कंट्रोल करणं थोडं कठीण होऊ शकतं. मात्र जर तुम्हाला प्रो प्लेअर बनायचं असेल तर या बंदूकीचा वापर करताना तुम्ही काही टिप्स फॉलो करू शकता. ज्यामुळे तुम्ही तुमच्या शत्रूवर अचूक निशाणा साधू शकता आणि तुम्हाला गेममध्ये पुढे जाण्यासाठी देखील मदत होऊ शकते.
18 May 2026 09:13 AM (IST)
मुंबई येथून एक हत्येची धक्कादायक घटना समोर आली आहे. सख्ख्या भावानेच आपल्या भावाची हत्येची सुपारी देऊन हत्या केल्याची बातमी समोर आली आहे. पोलिसांनी याप्रकरणी चार आरोपींना अटक केली आहे. घडलेली घटना भिवंडी तालुक्यातील शेडगाव येथील आहे.
18 May 2026 09:03 AM (IST)
सोलापूर जिल्ह्यातून एक भीषण अपघाताची घटना समोर आली आहे. कार आणि हाय वाटत चा भीषण अपघात झाला. या अपघातात अवघ्या पाच महिन्यांच्या चिमूरडीचा दुर्दैवी मृत्यू झाला असून एकाच कुटुंबातील पाच जण गंभीर जखमी झाले आहेत. घडलेली घटना सोलापूर जिल्ह्याच्या करमाळा तालुक्यातील जातेगाव मधील हॉटेल जय भवानी जवळ घडली.
18 May 2026 08:53 AM (IST)
भारतात 18 मे रोजी 24 कॅरेट सोन्याच्या प्रति ग्रॅमचा दर 15,692 रुपये, 22 कॅरेट सोन्याच्या प्रति ग्रॅमचा दर 14,384 रुपये आणि 18 कॅरेट सोन्याच्या प्रति ग्रॅमचा दर 11,769 रुपये आहे. भारतात 18 मे रोजी 22 कॅरेट सोन्याच्या प्रति 10 ग्रॅमचा दर 1,43,840 रुपये, 24 कॅरेट सोन्याच्या प्रति 10 ग्रॅमचा दर 1,56,920 रुपये आणि 18 कॅरेट सोन्याच्या प्रति 10 ग्रॅमचा दर 1,17,690 रुपये आहे. भारतात 18 मे रोजी चांदीचा भाव प्रति ग्रॅम 279.90 रुपये आणि प्रति किलोग्रॅम 2,79,900 रुपये आहे.
Maharashtra to National And International Breaking News: मुंबईतील दुकाने आणि व्यापारी आस्थापनांवर मराठी भाषेतील फलक लावण्याचे आदेश देण्यात आले होते. अनेकांनी या आदेशाचे पालन करत त्यांच्या दुकांनावर मराठी भाषेतील फलक लावले. मात्र अद्यापही काही दुकानदारांनी या आदेशाचे पालन केले नाही. त्यामुळे महापालिका प्रशासनाने कारवाई करण्यास सुरुवात केली आहे. मात्र या मुद्द्यावरून महापालिका प्रशासनाच्या कारवाईसोबतच राजकीय संघर्षही पेटल्याचे पाहायला मिळत आहे. मुंबई महापालिका प्रशासनाच्या या आदेशाचे पालन न करणाऱ्यांवर गुन्हे दाखल करण्यात आले असून आतापर्यंत १.०५ कोटी रुपयांचा दंड वसूल करण्यात आला आहे.
