Chandrapur News: 'स्थानिक 'मध्ये आमदारांची प्रतिष्ठा लागली पणाला, महायुती आणि महाविकासमध्ये बंडखोरी संकेत
जिल्ह्यातील सर्वच नगरपरिषदांच्या निवडणुकीत महायुती आणि महाविकास आघाडीमध्ये बंडखोरी दिसून येत आहे. नगराध्यक्षपदासाठी १२१ आणि सदस्यपदांसाठी १५४५ उमेदवारांनी अर्ज दाखल केले. भाजपच्या ५ तर काँग्रेसच्या १ आमदारांची प्रतिष्ठा पणाला लागली आहे.
बल्लारपूर नगरपालिकेमध्ये व मूल नगरपालिकेत भाजप आ. सुधीर मुनगंटीवार यांची प्रतिष्ठा पणाला लागली आहे. तर काँग्रेसचे संतोष रावत यांच्या नेतृत्वात बल्लारपूर व मूल काबीज करण्याची योजना आखली आहे. भाजपच्या रेणुका दुधे, काँग्रेसच्या अलका अनिल वाढई, शिवसेनेच्या (उबाठा) चैताली दीपक मूलचंदानी, वंचित आघाडीच्या वंदना पंचशील तमगडगे, राष्ट्रवादी काँग्रेस पक्षाच्या (सपा) पूजा अमर राहिकवार आणि स्वतंत्र पक्षाच्या सुनील कुलदीवार यांनी उमेदवारी अर्ज दाखल केले. (फोटो सौजन्य – Facebook)
Satara News : महाबळेश्वर नगरपालिकेत होणार तिरंगी लढत; मेढ्यात भाजपाला सेना, शरद पवार गटाचे आव्हान
या मतदारसंघात काँग्रेस खा. प्रतिभा धानोरकर व भाजप आ. करण देवतळे संघर्षरत आहे. या मतदारसंघातील भद्रावती नगरपालिकेत या अनिल धानोरकर यांनी येथे नगराध्यक्ष होते. आता या कुटुंबात फूट पडली असून खा. प्रतिभा धानोरकर यांची तर दुसरीकडे त्यांचे दीर अनिल धानोरकर यांची प्रतिष्ठापणाला लागली आहे.
नगरपरिषदेसाठी भाजपकडून माया रमेश राजूरकर, काँग्रेसकडून अर्चना ठाकरे, शिंदे शिवसेनेकडून ज्योती नितीन मत्ते, ठाकरे शिवसेनेकडून सोनम नाशिककर, राष्ट्रवादी काँग्रेस पक्षाकडून (राष्ट्रवादी) रंजना पारशिवे आणि मनीषा नेरकर आणि अपक्ष विभा आगलावे आणि वसुधा वरघणे यांनी अर्ज दाखल केले आहेत.
भाजपतर्फे पहिल्यांदाच निवडून आलेले आ. भोंगळे व काँग्रेसचे जिल्हाध्यक्ष माजी आ. सुभाष धोटे यांच्या नेतृत्वात येथे निवडणूक लढवली जात आहे. राजुरा नगरपालिकेत भाजपकडून राधेश्याम अदानिया, काँग्रेसकडून अरुण धोटे, शेतकरी संघटनेकडून राजेंद्र दोहे, शिवसेना (शिंदे) कडून आदित्य भाके, राष्ट्रवादी काँग्रेस पक्षाकडून (आंध्र प्रदेश) विनायक देशमुख आणि अपक्ष बाबाराव देशमुख यांनी नगराध्यक्षसाठी अर्ज दाखल केले.
जिल्ह्यातील एकमेव नगरपंचायत असलेल्या भिसीमध्ये नगराध्यक्ष भाजपकडून अतूल पारवे, कॉंग्रेसकडून आकाश पाटील, वंचित आघाडीकडून सिद्धार्थ चहांदे आणि मनोज डोंगरे, विकी कटारे आणि विकी मून यांनी अर्ज दाखल केले आहेत.
विधानसभा क्षेत्रातील घुग्घूस नगरपालिकेत पहिल्यांदाच निवडणूक होत असून आ. किशोर जोरगेवार तर काँग्रेसतर्फे राजू रेड्डी यांच्या नेतृत्वात निवडणूक लढविली जात आहे. येथे काँग्रेसकडून दिप्ती सोनटक्के, भाजपकडून शारदा दुर्गम, शिवसेनेकडून (ठाकरे) शोभा ठाकरे आणि बसपाकडून आरती पाटील यांनी अर्ज दाखल केले आहेत.
चिमूर नगरपालिकेत नगराध्यक्षपदासाठी भाजपकडून गीता बाबा लिंगायत व दर्शना नितीन कटारे, काँग्रेसकडून सारिका नंदेश्वर, वंचित आघाडीकडून सूरज हरिदास अंबाडे, राष्ट्रवादी काँग्रेसकडून वनिता रंगारी यांनी अर्ज दाखल केले.
Local Body Election: काँग्रेसने सोडली उद्धव ठाकरेंची साथ; शरद पवारांच्या राष्ट्रवादीचा सावध पवित्रा
ब्रह्मपुरीत नगराध्यक्षपदासाठी काँग्रेसकडून योगेश मिसार, भाजपकडून प्राध्यापक सुयोग बाळबुधे, शिवसेनेकडून मिलिंद भनारे आणि बसपाकडून निहाल ढोरे यांनी अर्ज दाखल केले आहेत. मतदारसंघ आ. विजय वडेट्टीवार यांचा बालेकिल्ला आहे.
भाजपकडून अरुण डोहे, काँग्रेसकडून सचिन भोयर, तिसऱ्या आघाडी पक्षाकडून नीलेश ताजणे, राष्ट्रवादीकडून शरद जोगी, राष्ट्रवादी काँग्रेस पक्षाकडून (सपा) अरुण निमजे आणि अपक्ष राहुल उमरे आणि रफिक शेख यांनी नगराध्यक्षपदासाठी अर्ज दाखल केले आहेत.
