Maharashtra Breaking News Updates Today:
10 Feb 2026 09:50 AM (IST)
सोलापूर: सोलापूर शहरातून एक धक्कादायक घटना समोर आली आहे. मध्यरात्री एका 39 वर्षीय तरुणाची दगडाने ठेचून हत्या करण्यात आल्याची घटना समोर आली आहे. ही घटना वंडरलँड सिटी शेजारील एका बिअर शॉपीजवळ घडली आहे. मृत तरुणाचे नाव शेकुंबर महिबूब नदाफ (वय 39) असे आहे. चेष्टा-मस्करीतून मोबाईल देण्या-घेण्याच्या कारणावरून वाद झाला आणि त्याच वादाचा रूपांतर हत्येत झाला.
10 Feb 2026 09:40 AM (IST)
सोशल मिडियावर दररोज अनेक मजेदार आणि रंजक व्हिडिओज शेअर केले जातात. हे व्हिडिओज बऱ्याचदा लक्षवेधी असल्याने यूजर्स लेगचच ते वेगाने शेअर करु लागतात. दरम्यान अलिकडेच सोशल मिडियावर एक नवीन व्हिडिओ शेअर करण्यात आला आहे ज्यात एक अनोखे दृश्य दिसून आले. आजवर आपण माणसांना चोरी करताना पाहिलं आहे पण तुम्ही कधी म्हशीला चोरी करताना पाहिलं आहे का? नुकताच हा व्हिडिओ सोशल मिडियावर शेअर करण्यात आला आहे ज्यात एक म्हैस बाईक चोरी करताना दिसून आली.
10 Feb 2026 09:30 AM (IST)
Maharashtra Politics : मुख्यमंत्री देवेंद्र फडणवीस यांनी काल रात्री अचानक दिल्लीचा दौरा करून भाजपच्या वरिष्ठ नेत्यांशी चर्चा केल्यामुळे राज्याच्या राजकीय वर्तुळात मोठी खळबळ उडाली आहे. या दौऱ्यावरून परतल्यानंतर आज पहाटेच मुख्यमंत्री मुंबईत दाखल झाले असून, या भेटीमुळे आगामी काळात राज्यात मोठ्या सत्तांतराचे संकेत मिळत आहेत.
10 Feb 2026 09:17 AM (IST)
चॉइस ब्रोकिंगचे कार्यकारी संचालक सुमित बगडिया, आनंद राठी येथील तांत्रिक संशोधनाचे वरिष्ठ व्यवस्थापक गणेश डोंगरे आणि प्रभुदास लिलाधर येथील तांत्रिक संशोधनाचे वरिष्ठ व्यवस्थापक शिजू कुथुपलक्कल या शेअर बाजारातील तज्ज्ञांनी आज गुंतवणूतकदारांना खरेदी करण्यासाठी आठ इंट्राडे स्टॉक्सची शिफारस केली आहे. तज्ज्ञांनी दिलेल्या सल्ल्यानुसार, आज गुंतवणूकदार करूर वैश्य बँक, रामको सिमेंट, नोकरी, एचडीएफसी लाईफ, वेदांत, एलटी, बेलराईज आणि पीटीसी इंडिया हे शेअर्स खरेदी करू शकतात.
10 Feb 2026 09:05 AM (IST)
वॉशिंग्टन/नवी दिल्ली: रशियाकडून तेल खरेदी केल्याच्या कारणावरून अमेरिकेचे राष्ट्राध्यक्ष डोनाल्ड ट्रम्प यांनी भारतावर लावलेले २५ टक्के अतिरिक्त टॅरिफ आता मागे घेतले जाण्याची शक्यता आहे. दोन्ही देशांमध्ये झालेल्या महत्त्वपूर्ण 'ट्रेड डील'मुळे गेल्या काही दिवसांपासून असलेला व्यापार तणाव निवळण्यास सुरुवात झाली आहे. या करारामुळे भारत आणि अमेरिका या दोन्ही देशांच्या अर्थव्यवस्थेला मोठी गती मिळणार असल्याचे मानले जात आहे.
दरम्यान, डोनाल्ड ट्रम्प यांनी सोशल मीडियावर एक खळबळजनक दावा केला आहे की, या करारानंतर भारत आता रशियाकडून तेल खरेदी करणे बंद करेल. भारताने अद्याप यावर कोणतीही अधिकृत भूमिका स्पष्ट केलेली नसली तरी, रशियाकडून घेतल्या जाणाऱ्या तेलाचे प्रमाण आधीच कमी केले आहे. या नव्या व्यापार समीकरणामुळे जागतिक बाजारपेठेत भारताची भूमिका अत्यंत महत्त्वाची ठरणार आहे.
10 Feb 2026 09:00 AM (IST)
इस्लामाबाद: भारतात सोन्याच्या वाढत्या दरामुळे नागरिक चिंतेत असतानाच, शेजारील देश असलेल्या पाकिस्तानात सोन्याच्या किमतीने सर्व विक्रम मोडीत काढले आहेत. सध्या पाकिस्तानमध्ये २४ कॅरेट सोन्याचा भाव प्रति तोळा ५ लाख २४ हजार रुपयांच्या ऐतिहासिक स्तरावर पोहोचला आहे. सतत घसरणारा पाकिस्तानी रुपया आणि वाढत्या महागाईमुळे तेथील सर्वसामान्य जनतेसाठी सोने खरेदी करणे आता केवळ स्वप्न ठरत आहे.
10 Feb 2026 08:55 AM (IST)
भारतीय क्रिकेट नियामक मंडळाने (BCCI) पुढील सत्रासाठी खेळाडूंच्या वार्षिक केंद्रीय कराराची घोषणा केली असून यात मोठे फेरबदल पाहायला मिळत आहेत. कसोटी आणि वनडेचा कर्णधार शुभमन गिलला त्याच्या उत्कृष्ट कामगिरीचे फळ म्हणून बढती (प्रमोशन) मिळाली आहे, तर वरिष्ठ खेळाडू रोहित शर्मा आणि विराट कोहली यांच्या ग्रेडमध्ये कपात करण्यात आली आहे. रवींद्र जडेजा आणि जसप्रीत बुमराह यांनी आपले 'अ' श्रेणीतील स्थान कायम राखले आहे.
10 Feb 2026 08:50 AM (IST)
सातारा: सातारा जिल्हा परिषद निवडणुकीच्या निकालाने जिल्ह्याच्या राजकारणात मोठी उलथापालथ घडवून आणली आहे. जाहीर झालेल्या निकालांनुसार, कोणत्याही एका पक्षाला स्पष्ट बहुमत न मिळाल्याने साताऱ्यात त्रिशंकू स्थिती निर्माण झाली आहे. एकूण ६५ जागांपैकी भाजपने २७ जागा जिंकत सर्वात मोठ्या पक्षाचा मान मिळवला आहे, तर राष्ट्रवादी काँग्रेसने २० जागांवर विजय मिळवून दुसरे स्थान पटकावले आहे.
या निवडणुकीत शिवसेनेने १५ जागा जिंकल्या असून, सत्तेच्या चाव्या आता पूर्णपणे शिवसेनेच्या हाती गेल्या आहेत. काँग्रेसला केवळ एका जागेवर समाधान मानावे लागले असून, २ जागांवर अपक्ष उमेदवारांनी बाजी मारली आहे. जिल्ह्याची सत्ता काबीज करण्यासाठी आता शिवसेना कोणाला साथ देणार, याकडे संपूर्ण राज्याचे लक्ष लागले आहे.
10 Feb 2026 08:45 AM (IST)
राज्यातील १२ जिल्हा परिषदा आणि १२५ पंचायत समित्यांच्या निवडणुकीत सत्ताधारी महायुतीने दणदणीत विजय मिळवत आपले वर्चस्व पुन्हा एकदा सिद्ध केले आहे. सर्व १२ जिल्हा परिषदांवर महायुतीचा झेंडा फडकला असून यामध्ये भाजपला ८, शिवसेनेला ३ आणि पुणे जिल्ह्यात राष्ट्रवादी काँग्रेसला (अजित पवार गट) यश मिळाले आहे.
या ऐतिहासिक विजयानंतर केंद्रीय गृहमंत्री अमित शाह यांनी 'एक्स' (ट्विटर) वर पोस्ट करत महायुतीचे अभिनंदन केले. मात्र, या शुभेच्छा देताना त्यांनी केवळ भाजप आणि शिवसेनेचा उल्लेख केल्याने राजकीय वर्तुळात आश्चर्य व्यक्त केले जात आहे. शाह यांनी राष्ट्रवादी काँग्रेसचे नाव घेणे टाळल्यामुळे महायुतीमधील अंतर्गत समन्वयाबाबत आता विविध चर्चांना उधाण आले आहे.
10 Feb 2026 08:38 AM (IST)
मुंबई: मुख्यमंत्री देवेंद्र फडणवीस यांनी काल रात्री अचानक दिल्लीचा दौरा करून भाजपच्या वरिष्ठ नेत्यांशी चर्चा केल्यामुळे राज्याच्या राजकीय वर्तुळात मोठी खळबळ उडाली आहे. या दौऱ्यावरून परतल्यानंतर आज पहाटेच मुख्यमंत्री मुंबईत दाखल झाले असून, या भेटीमुळे आगामी काळात राज्यात मोठ्या सत्तांतराचे संकेत मिळत आहेत.
विशेषतः राष्ट्रवादी काँग्रेसच्या संभाव्य विलीनीकरणाबाबत मित्रपक्षांसोबत चर्चा सुरू झाल्याची माहिती समोर येत असतानाच, आता उपमुख्यमंत्री सुनेत्रा पवार यादेखील आज सायंकाळी दिल्लीला रवाना होणार आहेत. मुख्यमंत्र्यांचा गोपनीय दौरा आणि त्यानंतर सुनेत्रा पवार यांचा दिल्ली प्रवास यामुळे राज्याच्या राजकारणाला कोणती नवी दिशा मिळते, याकडे सर्वांचे लक्ष लागले आहे.
10 Feb 2026 08:34 AM (IST)
India vs Pakistan Match Update : दीर्घ नाट्यानंतर, पाकिस्तानने २०२६ च्या टी२० विश्वचषकात भारताविरुद्ध खेळण्यास सहमती दर्शवली आहे. २०२६ च्या टी२० विश्वचषकाच्या वेळापत्रकानुसार हा सामना १५ फेब्रुवारी रोजी कोलंबोमध्ये खेळला जाईल. रविवारी लाहोरमध्ये आयसीसी, पीसीबी आणि बीसीबीच्या त्रिपक्षीय बैठकीनंतर भारत-पाकिस्तान सामन्यावर सहमती झाली. आयसीसीने त्याच्या सोशल मिडियावर या सामन्यांची घोषणा केली आहे. मागील बऱ्याच दिवसांपासून पाकिस्तान भारताविरुद्ध सामना खेळणार नाही याचा वाद सुरू होता.
10 Feb 2026 08:33 AM (IST)
रणवीर सिंग “डॉन” फ्रँचायझीचा भाग होणार होता. अभिनेता फरहान अख्तरच्या प्रॉडक्शन हाऊस, एक्सेल एंटरटेनमेंट अंतर्गत निर्मित “डॉन ३” या चित्रपटात मुख्य भूमिका साकारणार होता. परंतु, सर्जनशील मतभेदांमुळे हा प्रकल्प अखेर बंद पडला आहे. ताज्या मीडिया रिपोर्ट्सनुसार, अभिनेत्याला हा चित्रपट सोडण्याचा निर्णय महागात पडत असल्याचे दिसून येते. फरहान अख्तरने रणवीर सिंगला त्याच्या जाण्याबद्दल भरीव भरपाई देण्याची मागणी केली आहे. आणि हीच भरपाई अभिनेत्याला महागात पडली आहे.
10 Feb 2026 08:33 AM (IST)
लोणावळा: लोणावळा येथून एक धक्कादायक घटना समोर आली आहे. एका तरुणाचा दरीत कोसळून मृत्यू झाल्याचे समोर आले आहे. मृत्यू झालेल्या तरुणाचे नाव प्रज्वल गिरी (२६ वय) असे आहे. तो नाश्त्यासाठी थांबला आणि त्याच्यासोबत असं घडलं. प्रज्वल पुणे येथील बीएडचे शिक्षण घेत होता. तिथेच तो एमपीएससी परीक्षेची तयारी देखील करीत होता. तो बुलढाणा जिल्ह्यातील मेहकर येथील प्रसिद्ध व्याख्याते प्रा. वसंत गिरी यांचा सुपुत्र होता.
स्थानिक निवडणुकानंतर आता विधान परिषदांच्या निवडणुकीकडे लागले लक्ष
मुंबई : लोकसभा, विधानसभा त्यानंतर स्थानिक स्वराज्य संस्थांच्या निवडणुका झाल्या आहेत. या सर्व महत्त्वाच्या निवडणुका झाल्याने राज्यातील जिल्हा परिषदांमध्ये असलेली प्रशासकीय राजवट संपृष्टात आली आहे. त्यानंतर आता २०२३ पासून रखडलेल्या स्थानिक स्वराज्य संस्था, विधान परिषद मतदारसंघातील निवडणूक होण्याची चिन्ह आहेत. राज्यात सध्या या मतदारसंघाच्या १७ जागा रिक्त असल्याचे दिसून येत आहे.
महाराष्ट्र विधान परिषदेचे संख्याबळ ७८ सदस्यीय असून, स्थानिक प्राधिकारी संस्था मतदारसंघातून २२ सदस्य निवडून दिले. जिल्हा परिषदांचे लोकनियुक्त, स्वीकृत आणि पदसिद्ध सदस्य हे या मतदारसंघाचे मतदार आहेत. विधान परिषदेवर जाण्यासाठी राज्यातील ही सर्वांत ‘अर्थपूर्ण’ आणि महागडी निवडणूक समजली जाते. अनेक दिग्गज नेत्यांनी पूर्वी या मतदारसंघाचे प्रतिनिधित्व केले आहे. मात्र, काही पक्षांनी राजकीय पार्श्वभूमी नसलेल्या धनिकांनाही याच मतदारसंघाच्या माध्यमातून आमदारकी बहाल केली होती.
