Breaking News अपडेट
15 Sep 2025 12:30 PM (IST)
काल पाकिस्तान बरोबर भारत जिंकले त्याच्याबरोबर 25 महिलांचे कुंकू पुसलेले परत आले का यात भरपाई काय झाली? पाकिस्तानला घुसून मारण्याची संधी आली असताना भारतीय जनता पक्षाच्या सरकारने माघार घेतली. क्रिकेटच्या मैदानावरती ती काय फिक्सिंग मॅच होती कालच्या मॅचवर दीड लाख कोटींचा जुगार खेळायला गेला यात पाकिस्तानला सुद्धा त्याचे पैसे मिळाले असतील. कालच्या मॅचमुळे पाकिस्तान क्रिकेट बोर्डाला किमान एक हजार कोटी मिळाले असतील. तुम्ही पाकिस्तानला आमच्याविरुद्ध लढण्यासाठी महिलांचं कुंकू पुसण्यासाठी सक्षम करत आहात याच्यावर बोला पाकिस्तान जिंकला हरला आम्हाला काही फरक पडत नाही., असं संजय राऊत यांनी म्हटलं आहे.
15 Sep 2025 11:42 AM (IST)
मुसळधार पावसाचा फटका तिन्ही रेल्वे मार्गांना बसला आहे. मध्य, पश्चिम आणि हार्बर रेल्वेवरील वाहतूक विस्कळीत झाली आहे. मध्य रेल्वे मार्गावरील अप लोकल 20-25 मिनिटे उशिराने धावत आहेत. तर मध्य रेल्वेवरील डाऊन लोकल 15-20 मिनिटे उशिराने धावत आहेत. पश्चिम आणि हार्बर मार्गावरील लोकल 15-20 मिनिटे उशिराने सुरू आहेत. अप-डाऊन या दोन्ही मार्गावरील प्रवाशांना मोठा त्रास सहन करावा लागतोय.
15 Sep 2025 11:15 AM (IST)
बीड जिल्ह्यामध्ये आज बंजारा समाज बांधवांचा विराट मोर्चा निघणार आहे या मोर्चामध्ये लाखो बंजारा बांधव सहभागी होणार असून बीडच्या डॉक्टर बाबासाहेब आंबेडकर पुतळ्यापासून मोर्चाला सुरुवात होणार आहे सुभाष रोड मार्गे अण्णाभाऊ साठे आणि छत्रपती शिवाजी महाराज यांच्या स्मारकास अभिवादन करून हा मोर्चा जिल्हाधिकारी कार्यालयावर धडकणार आहे या मोर्चाचे निवेदन शाळकरी मुलींच्या हस्ते जिल्हाधिकाऱ्यांना देण्यात येणार आहे.
15 Sep 2025 11:13 AM (IST)
पुणे जिल्ह्यासाठी ऑरेंज अलर्ट दिलेला असून पुढील ३ तासांत जिल्ह्यांत मध्यम ते जोरदार स्वरूपाचा पाऊस पडण्याची शक्यता आहे. काही भागात विजांसह वादळी वारे आणि ४०-५० किमी प्रतितास वेगाने वारे वाहण्याची शक्यता आहे. नागरिकांनी सतर्क राहावे, असे आवाहन प्रशासनाकडून करण्यात आले आहे.
15 Sep 2025 10:59 AM (IST)
देशातील कोट्यवधी करदात्यांची आयकर भरण्याची अंतिम तारीख आज संपत आहे. दरम्यान, सोशल मीडियावर ही अंतिम तारीख १५ सप्टेंबरवरून ३० सप्टेंबरपर्यंत वाढवण्यात आल्याचे दावे केले जात आहेत. आयकर विभागाच्या नावाने करण्यात येणाऱ्या या दाव्यांवर लाखो लोक प्रतिक्रिया देत आहेत. अशा परिस्थितीत, ज्या लाखो करदात्यांनी अद्याप आयकर परतफेड केली नाही त्यांच्या मनात प्रश्न निर्माण होऊ लागला आहे की, या दाव्यात काही तथ्य आहे की खोटा दावा सोशल मीडियावर केला जात आहे.
15 Sep 2025 10:55 AM (IST)
मुख्य प्रशिक्षक गौतम गंभीर यांनी हा विजय भारतीय सैनिकांना समर्पित केला. सामन्यानंतर ते म्हणाले, “एक संघ म्हणून आम्हाला पहलगाम हल्ल्यातील बळींच्या कुटुंबांसोबत उभे राहायचे होते. ऑपरेशन सिंदूर यशस्वी करणाऱ्या आमच्या सैनिकांचे आभार.” गंभीरचे हे विधान अशा वेळी आले आहे जेव्हा कर्णधार सूर्यकुमार यादवने आशिया कपमध्ये पाकिस्तानवरील विजय भारतीय सशस्त्र दलांना समर्पित केला होता.
15 Sep 2025 10:50 AM (IST)
पुण्यातील पिंपरी चिंचवड येथून एक संतापजनक घटना समोर आली आहे. एका अज्ञात व्यक्तीने सायबेरियन हस्की जातीच्या कुत्र्याला दगडाने व लाकडी दांडक्याने बेदम मारहाण करत त्याची हत्या केल्याचे समोर आले आहे. ही घटना मंगळवारी रात्री साडेनऊच्या सुमारास आकुर्डी येथील डी टू सी कमर्शियल दुकानासमोर घडली. या घटनेचा थरार सीसीटीव्ही कॅमेऱ्यात संपूर्ण प्रकार कैद झाला आहे.
15 Sep 2025 10:44 AM (IST)
सध्या सर्व सोशल मीडिया प्लॅटफॉर्मवर रेट्रो ट्रेंड मोठ्या प्रमाणात व्हायरल होत आहे. मुलं असो किंवा मुली, प्रत्येकजण हा ट्रेंड फॉलो करत आहे. Gemini AI चा वापर करून युजर्स त्यांचे फोटो रेट्रो लूकमध्ये कन्व्हर्ट करत आहेत. खरं सांगायच तर हा ट्रेंड अतिशय मजेदार आहे. तुम्हाला केवळ तुमचा फोटो अपलोड करून आवडता प्रॉम्प्ट द्यायाच आहे. त्यानंतर काही क्षणातच Gemini AI तुमच्या फोटोला रेट्रो लुकमध्ये कन्व्हर्ट करते.
सोमवारी सकाळपासून मुंबईत सुरू असलेल्या मुसळधार पावसात, वडाळा परिसरात मोनोरेल सेवेत मोठी समस्या निर्माण झाली. सकाळी ७ वाजताच्या सुमारास, तांत्रिक बिघाडामुळे वडाळ्याकडे जाणारी एक मोनोरेल अचानक रस्त्यातच थांबली. या घटनेमुळे प्रवाशांमध्ये घबराट निर्माण झाली. मोनोरेल कॉर्पोरेशनने सांगितले की, पुरवठा बिघाडामुळे ही समस्या निर्माण झाली आहे आणि अडकलेल्या प्रवाशांना सुरक्षितपणे बाहेर काढण्यात आले आहे.
#WATCH | Mumbai, Maharashtra: A monorail came to a halt in the Wadala area of Mumbai due to technical glitches.
MMRDA PRO says, “17 passengers have been evacuated after a technical glitch happened in the monorail at Wadala. Passengers were evacuated at 7:45 am.” pic.twitter.com/nVF64OeuQk
— ANI (@ANI) September 15, 2025
