बीड : राज्याच्या राजकारणातून एक महत्त्वाची बातमी समोर येत आहे. मनसे (MNS) अध्यक्ष राज ठाकरे (Raj Thackeray) हे रोखठोक बोलण्यासाठी प्रसिद्ध आहेत. दरम्यान, राज ठाकरे यांच्यावर २००८ साली चिथावणीखोर वक्तव्य केल्याचा आरोप ठेवत, राज ठाकरे यांच्याविरोधात परळी कोर्टाने अटक वॉरंट जारी केलं आहे. त्यामुळं परळी कोर्टाने (Court) राज ठाकरे यांना अटक वॉरंट बजावलं होतं. हे वॉरंट रद्द करण्यासाठी राज ठाकरे हे आज परळी कोर्टाकडे रवाना झाले आहेत.
[read_also content=”देवेंद्र फडणवीसांचं भाजपातलं महत्त्व वाढतंय का? लवकरच फडणवीस राष्ट्रीय राजकारणात सक्रिय होणार? नेमक काय घडलं… https://www.navarashtra.com/maharashtra/is-the-importance-of-devendra-fadnavis-increasing-in-bjp-will-fadnavis-be-active-in-national-politics-soon-what-exactly-happened-362569.html”]
अटक वॉरंट रद्द होणार…
दरम्यान, राज ठाकरे यांच्यावर चिथावणी दिल्याचा आरोप आहे. या प्रकरणी राज ठाकरे कोर्टात वारंवार गैरहजर राहिले होते. त्यामुळे त्यांच्याविरोधात अटकेचे वॉरंट जारी करण्यात आले होते. राज ठाकरे यांचं अटक वॉरंट रद्द होणार का? त्यामुळे राज ठाकरे यांचे वकील कोर्टात काय युक्तिवाद करतात? याकडे सर्वांचं लक्ष लागलं आहे. मनसे अध्यक्ष राज ठाकरे हे परळी कोर्टाने जारी केलेलं अटक वॉरंट रद्द करण्यासाठी आज सकाळी 11 वाजता परळी कोर्टात हजर राहणार आहेत.
काय आहे प्रकरण?
मराठीच्या मुद्दावर तसेच मराठी पाट्यावर आक्रमक होत मनसेनं आंदोलन केलं होतं. तसेच मराठीच्या मुद्दावरुन मनसैनिक आक्रमक होत दुकानांची तोडफोड केली होती. यानंतर राज ठाकरे तसेच मनसैनिकांविरोधात गुन्हा दाखल करण्यात आला होता. ऑक्टोबर 2008 रोजी राज ठाकरेंना मुंबईत अटक झाली होती. राज यांच्या अटकेनंतर मनसे सैनिकांनी परळीच्या धर्मपुरीत बसेसवर प्रचंड दगडफेकही केली होती. यानंतर गुन्हा दाखल झाला.
कसा आहे राज ठाकरेंचा दिनक्रम…
राज ठाकरे आज सकाळी 10 वाजता पांगरी येथील गोपीनाथ गडावर हेलिकॉप्टरने जाणार आहेत. त्यानंतर ते सकाळी 11 वाजता कोर्टात हजर राहणार आहेत. कोर्टाचे काम आटोपल्यानंतर ते मनसेच्या प्रमुख पदाधिकाऱ्यांशी संवाद साधून संघटनेचा आढावा घेणार आहेत. पण ते कोर्टात हजर राहिले नाहीत. पोलिसांनी या प्रकरणी दोषारोप पत्रही कोर्टात सादर केलं आहे. मात्र राज ठाकरे प्रत्येक तारखेला गैरहजर राहिल्याने अखेर त्यांच्याविरोधात कोर्टाने अटक वॉरंट जारी केलं होतं.
